އިބްރާހިމް ޖިހާދު ނުވަތަ އާއްމު ނަމުން ނަމަ ޖިމީ ފިލްމީ ދާާއިރާާގަައި މަސައްކަތްކުރަން ފެށީ 1990 ގެ އަހަރުތަަކުގެ ފަހުކޮޅުގަ އެވެ. ފުރަތަމަ ފެންނާން ފެށި ޑްރާާމާާ ތަކުންނެވެ. މަޝްހރު ޑައިރެކްޓަރ ޢަބްދުލް ފައްތާހް ގެ ޑްރާމާާ ތަަކުގައި އެތައް އަހަަރެން ވާާންދެން މަސަައްކަތްކޮށް ފިލްމު ބެލުންތެރިންގެ މެދުގައި މަގުބޫލުކަން ހޯދަން ފެށި އެވެ.

ޖިމީ އެންމެ ފުރަތަމަަ ފިލްމެއްގައި ލީޑްރޯލް ކުޅުނީ ފާާތިމަަތު ނަހުލާާގެ ފުރަަތަމަަ ބިރުވެރި ފިލްމު 4426 ގައެވެ. އެއަށްފަހު ލީޑް ރޯލް ކުޅެފައިވަނީ މިމަހު 06 ގަައި ރިލީޒްކުރާ ފިލްމު ‘ދެވަަންސޫރަ’ އިގަ އެވެ. އެހެންމަވެސް ފިލްމު ‘ނޯޓީ40’ އާއި ‘ބޮސް’ ގައި ޖިމީ ކުޅެފައިވާ ރޯލަށް، ފިލްމުބެލުންތެރިންގެ ބޮޑު ތަރުހީބެއް އޮހިގެންދިޔައެވެ.

‘ދެވަންސޫރަަ’ އިގައި ޖިމީ ކުޅެފައިވަނީ ފުލުހެއްގެ ރޯލެވެ. މިއީ ޖިމީ ފުލުހެއްގެ ރޯލުން ފެނިގެންދާ ދެވަނަ ފިލްމެވެ. 2011 ވަނަ އަހަރު ރިލީޒް ކުރެވުނު ފިލްމު ‘އިންސާާފު’ ގަައި ޖިމީ ކުޅުނީ ފުލުހެއްގެ ރޯލެވެ.

‘ދެވަންސޫރަ’ އިގައި ޖިމީ ހަރަކާާތްތެރިވެފައިވަނީ ފިލްމުގެ މުހިންމު ރޯލެއްގަ އެވެ. އެހެންކަމުން މުނިއަވަސް އިން ޖިމީ އާއި އިތުރަށް ވާާހަަކަ ދައްކައިލީމެވެ.

ދެވަންސޫރައިގަ ޖިމީގެ ކެރެކްޓަރ އާއިމެދު ދެވެން އޮތީ ކިހާވަރެއްގެ މަޢުލޫމާތެއް؟

މަށަށް ހީވަނީ ދެމީހުންކަން ނޭނގެ ލީޑަކީ. އޭގެ ތެރެއިން އެކަކު މަށަކީ. ދެން ދިމާވެފަ އިންނަ ކަމަކާއިގުޅިން އޭތި ފިއްތައިގެން ހިފަހައްޓައިގެން އިންނަ ކަހަލަ ކެރެކްޓަރ އެއް. ދެން އެއާ ގުޅުންހުރި ކަންތައްތައް ދިމާވާތީ އެކަން ހިފަހައްޓައިގެން އުޅެން އުނދަގޫވެގެން އުޅޭކަހަލަ ކެރެކްޓަރ އެއް. މަށަށް ހީވަނީ މަށަށް ޕްރެސެންޓް ކޮށްދެވިފަ އިންނާނެހެން ހަމަ ސީދާ އެ ކެރެކްޓަރ.

ކެރެކްޓަރ އަކީ ޕޮލިސް ރޯލެއް. އާނ ދެން މަގޭ ކެރެކްޓަރ އަށް ބޭސްވެފަ އިންނާނެ ހިޑަން (ފޮރުވިފައިވާ) ކަންތައްތަކެއް ވެސް. އެހެންވީމަ އެ ކެރެކްޓަރ އާ ބެހޭގޮތުން މަށަށް ބުނެވޭނީ އެހާކަންހާވަރަށް. ދެން ކޭސްތަކެއް ސޯލްވް ކުރަން އުޅޭ ރޯލެއް.

ދެވަންސޫރަ އިން ޖިމީ ފެނިގެންދަނީ ސިރިއަސް ފުލުހެއްގެ ރޯލުން – ފޮޓޯ: ދެވަންސޫރަ ޕޭޖް 

ޖިމީ ބުނިހެން ޖިމީ ގެ ކެރެކްޓަރ ކިޔައިދީފިއްޔާ ފިލްމުގައި ވާ ގޮތުގެ ކުރިމަރައިލުމަކަށް ވާނެކަން ޖިމީ އިތުރަށް ހިއްސާކުރި ބައެއް މަޢުލޫމާތުން އެނގުނެވެ. އެހެންކަމުން އެވާހަކަތައް މުނިއަވަސް އިންވެސް މިވަގުތު ގެނެސްދިނުން އެހާ ރަނގަޅު ވާނެކަމަށް ނުފެންނާތީ ދޫކޮށްލީމެވެ.

ދެވަންސޫރައިގެ ކާސްޓުންނަށް ސިލްސިލާކޮށް ކުރިއަށްގެންދާ މި އިންޓަރވިއުތަކުގައި ފިލްމުގައި އޯވަރޯލްކޮށް ކަންތައްތައް ދިޔަގޮތާއި ޑައިރެކްޓަރުގެ ފަރާތުން ލިބުނު އެއްބާރުލުމާއި ބެހޭގޮތުން ސުވާލުކޮށްލަން އަބަދުވެސް. އެހެންވީމަ މިކަަމަށް ބުނެލާާނީ ކީކޭ؟

ޝޫޓިން މިފަހަރު ކުރަން ޖެހުނީ މުޅިންވެސް ދަންނަ މީހުންނާއެކު، އާނަންދު ނޫނީ. އާނަންދަކީ ވެސް ހަމަ ވަރަށް ކޫލް ވަރަށް މޮޅު ކުއްޖެއް. ދެން އޭނަގެ އެކްޓިން އިންވެސް ނުވެއްދައްކާ އާކުއްޖެއް ކަމުގެ އެއްވެސް ކަމެއް. ދެން ޝޫޓިން ކުރިއަށްގެންދިޔައީ މާލެ އާ ހުޅުމާލޭގަ. އެއްވެސް މައްސަލަ އެއް ދިމާނުވެ ހަމަ ވަރަށް ރީތިކޮށް ޝޫޓިން ކުރިއަށްދިޔައީ.

ފިލްމާ ދޭތެރޭގަ ކިހިނެތް އުއްމީދު ކުރަނީ؟ ކާމިޔާބު ރަނގަޅު ފިލްމަކަށް ވާނެކަމަށް ބެލެވޭތަ؟

އަހަރެން ގަބޫލުކުރަނީ މިސާލަކަށް ‘ނޯޓީ40’ އެޔޮތީ ޔޫއްޕެ ނެރެފަތާ! އެހާ ބައިވަރު ކާސްޓުން ލައިގެން. އޭގަވެސް މީހަކަށް މަށަށް ހިއެއް ނުވޭ ފެންނާނެހެންނެއް މިވެނި ކެރެކްޓަރ އެއް ވީކޭ ބުނާވަރުގެ. މީހުން ހިތަށް އަރާފާނެ ކުރީފަހަރުވެސް ނޯޓީ40 ގަ އެހާ ބައިވަރު މީހުން ލައިގެން ކީއްކުރަންބާއޭ. އެކަމަކު އޭނަ (ޔޫއްޕެ) އެބަހުރިދޯ ހުރިހާ މީހުންގެވެސް އެއް މިންވަރަށް ދައްކާފަ. މީގަވެސް (ދެވަންސޫރައި ގަވެސް) މި އިންނަނީ ހަމަ އެކަހަލަ ބައިވަރު ސްޓާރުން ލައިގެން ބޭކާރު އެއްވެސް ކެރެކްޓަރ އެއް ނީންނާނެ. މަށަށް ޔޫއްޕެގެ އެއްޗެހި ސަޅީ ބައިވަރު މީހުންތަކެއްގެ ބޭކާރު ކެރެކްޓަރ އެއް ނެތީމަ. އެހެންވީމަ އެގޮތަށް ބަަލއިފިއްޔާ  މި ސްޓޯރީއަކީ ހަމަ ވަރަށް ސަޅި ސްޓޯރީއެއް. ނޯޓީ40 ދެން މަޖާ އެއްޗެއް، އެކަމަކު މީ ތަފާތު އެއްޗެއް. އެކަމަކު މަޖާ ނޫންކަމުގަ ވިޔަސް ހަމަ އެކަހަލަ ސްޓޯރީއެއް. އެހާ އިންޓަރެސްޓިން ސްޓޯރީ އެއް. ވަރަށް ރީތި ސްޓޯރީއެއް.

މަ ބެލުންތެރިންނަށް ބުނާނީ ނޯޓީ40 ބަލާފަ އެ ފިލްމާ ދޭތެރޭގަ ހިތްހަމަޖެހުނު މީހެއް ވިއްޔާ މި ފިލްމަށް ވަންނާށޭ.

ދެވަންސޫރަ އިން ޖިމީ ފެނިގެންދަނީ ސިރިއަސް ފުލުހެއްގެ ރޯލުން – ފޮޓޯ: ދެވަންސޫރަ ޕޭޖް

ކުރިއަށް ހުރި އެހެން ޕްރޮޖެކްޓް ތަަކަކީ ކޮބާާ؟

ކުރިއަށް އޮންނާނީ ނަހޫ މިހާރު ހަދަން އުޅޭ ޑްރާމާއެއް. ދެން އިންނާނީ ރަވީ ހަދާ ފިލްމެއް، އަދި އޭގެ ނަން އާއްމެއް ނުކުރޭ. ދެން އަދިވެސް ވާހަކަ ދެކެވިފަ އެބަހުރި އިތުރު ޕްރޮޖްކެޓްތައް.

ޖިމީ އާއިއެކު އެންމެ ގިނަ ފިލްމުތަކެއްގަައި މަސައްކަތް ކޮށްފައިވާ އެއް އެކްޓަރަކީ އަޙްމަދު ސައީދު އެވެ. ސައީދު ބުނީ ޖިމީ އަކީ ވަރަށް ބަރާާބަރު، ކިޔަމަންތެރި ކުއްޖެއް ކަމަށެވެ. ކަމަށް ކަމޭހިތަައިގެން މަސައްކަތްކުރާ ސްޓާރެއް ކަަމެވެ.

ފިލްމު އިންސާާފުން ޕޮލިހެއްގެ ރޯލު ވަރަަށް ފުރިހަމައަށް އަދާކޮށްފައިވާ ޖިމީ އަނެއްކާވެސް ފުލުހެއްގެ ރޯލުން ފެނިގެންދާއިރު އުފެދޭ ސުވާާލަކީ ކުރީ ފަހަރާާއި މިފަަހަރާާއި އަޅައި ބަލާާއިރު ކިހިނެތް ވާނެބާާވައެވެ؟ ފެންނާނީ ކޮންކަހަލަ ތަަފާާތެއްބާވަ އެވެ؟

ސުވާާލުތަކަށް ޖަަވާބު ހޯދުމަށް އަވަހަށް ‘ދެވަންސޫރަ’ ބަލައިލުމަށް ތައްޔާރުވާށެވެ. ފިލްމު ޕްރިމިއަރ ކުރަނީ ފެބްރުއަރީ 06 ގައެވެ.

ދެވަންސޫރައިގެ ޓިކެޓް މިހާާރުވެސް ވިކެމުންދަނީ

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: