ރާއްޖޭގެ އެންމެ މަގުބޫލު އެއް މިއުޒިކް ލޭބަލް، ސިމްބޮލިކް ރެކޯޑްސްގެ ރައްޔާން މުޙައްމަދު (ރައިޑޭ) ކިޔި “ރަން” އަޑުއަހައިފިން ހެއްޔެވެ؟ މިއީ ރެޕް ލަވައަށް ލޯބިކުރާ ފަރާތްތަކަށް ރައިޑޭ ކިޔައިދީފައިވާ ‘ރަނެ’ކެވެ. އަހައިލަން ފަސޭހަ، ހިތްގައިމު އަދި އެހާމެ ފައްކާ ލަވައެކެވެ.
ރެޕްގެ އުދަރެހަށް ރަތާއި ކަޅުން ކުލަޖެހިގެން ނުކުތް ވަރުގަދަ ލަޝްކަރު ސިމްބޮލިކްސްގެ “ރަން” މިހާރު ބައިސްކޯފު އެޕްލިކޭޝަން މެދުވެރިކޮށް އަޑުއަހައިލެވޭނެ އެވެ.
ހިތްގައިމު، ސަޅި ރެޕް ލަވަތަކެއް ގެނެސްދެމުން އަންނަ ރައިޑޭގެ “ރަން”ލަވައިގައި ކިޔައިދެނީ މުއްސަނދިވުމަށް ބޭނުންވާ މީހެއްގެ ވާހަކަ އެވެ. މި ލަވައިގެ ހުރިހާ މަސައްކަތެއް ކޮށްފައިވާ ވަނީ ރައިޑޭ އަމިއްލައަށް ކަމަށް ސިމްބޮލިކްސް އިން މުނިއަވަސް އަށް ބުންޏެވެ.
މި ލަވައިގެ ވީޑިއޯއެއް ހެދުމަށް މިވަގުތު ނުވިސްނާ ކަމަށާ އޭގެ މައިގަނޑު ސަބަބަކީ ނިންމަން ހުރި އޯޑިއޯ ލަވަތަކެއްގެ މަސައްކަތް ކުރަން ހުރުން ކަމަށް މުނިއަވަސްއާ ވާހަކަދައްކަމުން ސިމްބޮލިކް ރެކޯޑްސްގެ މާކެޓިންގ އެންޑް ޕީއާރް ޑިރެކްޓަރ އިސްމާއިލް ނާއިލް ނަޝީދު ފާހަގަކުރި އެވެ. ނާއިލް ބުނީ މިވަގުތުވެސް ތިނެއް ނުވަތަ ހަތަރު އަލްބަމެއްގެ މަސައްކަތް ކުރެވެމުންދާ ކަމަށާ ސިންގަލް ލަވަތަކެއްގެ މަސައްކަތްވެސް ކުރެވެމުންދާ ކަމަށެވެ.
ލިޔުންތެރިޔާގެ ފުރަމަލަ

މި ލިޔުންތެރިޔާގެ ބައެއް އެހެން ލިޔުންތައް
- 4 އޭޕްރިލް 2025ޚަބަރު“ސޮރީ” ގެ ރަސްމީ ޕޯސްޓަރާއި ބައެއް ލަވަތައް ނެރުމަށް އާއްމުކޮށް ހުޅުވާލައިގެން ބޮޑު އިވެންޓެއް!
- 30 މާރޗް 2025ޚަބަރު“ސޮރީ” ފިލްމުގެ ލަވައެއްގެ ޝޫޓިންއަށް ގިނަ ޢަދަދެއްގެ ކުޑަކުދިން ބޭނުންވެއްޖެ
- 30 މާރޗް 2025ރިޕޯޓްމެލަސްމާ އަކީ ކޮބާ؟
- 30 މާރޗް 2025އިޖްތިމާޢީފާޚާނާތަށި ސާފުކޮށް ބަހައްޓައި މީރުވަސްދުއްވުމަށް މިކަން ކޮށްލާ!