މި ހޫނު މޫސޫމުގައި ނެޓްފްލިކްސްއަށް ބޮޑު ކާމިޔާބީއެއް ލިބިފައިވާ އެންމެ ވަރުގަދަ އެއް ފިލްމަކީ ލޯބީގެ ފިލްމު “ޕާޕަލް ހާޓްސް” އެވެ. މި ފިލްމުގައި ދައްކުވައިދެނީ މަޝްހޫރު ލަވަކިޔުންތެރިޔެއްގެ ރޯލުން ސޯފިއާ ކާސަން އާއި މެރިންއެއްގެ ރޯލުން ނިކޮލަސް ގަލިޓްޒައިން، ހާލަތުނިޔާކުރި ގޮތުން ކާވެންޏެއް ކުރުމަށްފަހު ލޯބިވެގެން އުޅޭ މަންޒަރުތަކެވެ. ބެލުންތެރިންނަށް ކަމުދިޔަ މި ފިލްމުގެ ދެވަނަ ބައި ނެރުމުގެ ވާހަކަތައް ދަނީ ދެކެވެމުންނެވެ.
“ވެރައިޓީ” ނޫސް ޗެނަލަށް ދިން އިންޓާވިއުއެއްގައި “ޕާޕަލް ހާޓްސް”ގެ ޑައިރެކްޓަރު އެލިޒަބަތު އެލަން ރޮސެންބަމް އާއި އެ ފިލްމު ޕްރޮޑިއުސް ކުރި ސޯފިއާ ކާސަން ވަނީ ފިލްމުގެ ސީކުއަލްއެއް ނެރުމާމެދު އަލިއަޅުވާލާފައެވެ. ފިލްމަށް ލިބުނު ބޮޑު މަގުބޫލުކަން ދެމީހުންނަށް އެނގުނު ނަމަވެސް، އެމީހުން ބުނީ “ޕާޕަލް ހާޓްސް” ހެދީ އެއްމެ ފިލްމަކުން އެ ވާހަކަ ނިންމާލާ ގޮތަށް ވިސްނުން ބަހައްޓައިގެން ކަމަށެވެ.
“މިހާރު ފޭނުން އެދެނީ ސީކުއަލް އަކަށް. އެތައް ފޭން ތިއަރީތަކާއި ވާހަކަތަކާއި ސްޕިން އޮފްތައް އެބަހުރި. ކެސީ އާއި ލޫކްގެ ދިރިއުޅުން ވިސްނާލުމަކީ ލޯބިކަމެއް.” ސޯފިއާ ބުންޏެވެ. އޭނާ އިތުރަށް ބުނެފައިވަނީ ކެސީއަށް ވުމަކީ އޭނާ ވަރަށް ލޯބިވާކަމެއް ކަމަށާއި އަދި މި ފިލްމު އިތުރަށް ކުރިއަށް ދާ ގޮތް ބަލަން ސޯފިއާ ޝައުޤުވެރިވާކަމަށެވެ. ހަމައެއާއެކު ރޮސެންބަމް އެއްބަސްވެފައިވަނީ ސޯފިއާ އަދި ނިކޮލަސްގެ ކެމިސްޓްރީ ކަމުދާ ކަމަށެވެ.
2022 ވަނަ އަހަރު ނެރުނު ފީޗާ ފިލްމް ކަމަށްވާ “ސްނީކަރެއްލާ”ގެ ކުރިން ޑައިރެކްޓިންގެ ކެރިއަރ ފެށި ޑައިރެކްޓަރ ބުނެފައިވަނީ ސީކުއަލް ނެރުމުގެ ޚިޔާލު ނުގެންގުޅޭނެ ކަމަށެވެ. ރޮސެންބަމް އިތުރަށް ފާހަގަކޮށްފައިވަނީ މުޅި ދުވަހު އެދެމީހުންގެ ކެމިސްޓްރީ ބަލާލެވޭނެ ކަމަށާއި އެމީހުންނާއެކީ މަސައްކަތް ކުރަން ވަރަށް ފަސޭހަ ކަމަށެވެ. އޭގެ އިތުރަށް ރޮސެންބަމް ފާހަގަކޮށްފައިވަނީ އެމީހުން އެއްވެސް ކަމެއް ނުކުރާނެ ކަމަށާއި، ކުރާއިރު ކުރާނީ ނަޒާހަތްތެރި ކަމާއި ތެދުވެރިކަމާއެކުގައި ކަމަށެވެ.
ފިލްމު ނެރުނުތާ 2 ހަފްތާގެ ތެރޭގައި 100 މިލިއަނަށްވުރެ ގިނަ ގަޑިއިރު އެ ފިލްމު ބެލުމަށް މީހުން ހޭދަކޮށްފދައިވެ އެވެ. މިއަހަރު ނެޓްފްލިކްސް އަށް ރިލީޒްކުރި ފިލްމްތަކުގެ ރެކޯޑް ވަނީ “ޕާޕަލް ހާޓްސް” އިން މުގުރާލާފައެވެ. އެހެންނަމަވެސް މި ފިލްމުގެ ބެލުންތެރިން ޖަޒުބާތީ ރޯލާކޯސްޓަރަށް ލޯބި ކުރިނަމަވެސް، ބައެއް މީހުން ވަނީ މިފިލްމުގައި ނަސްލީ ތަފާތުކުރުން ގެންގުޅޭ ލަފުޒު ތަކެއް ހުރިކަމަށް ތުހުމަތުކޮށްފަ އެވެ.
ލިޔުންތެރިޔާގެ ފުރަމަލަ

- މުނިފޫހިފިލުވުމުގެ ޚަބަރުތަކުގެ އިތުރުން ވައްޓަފާޅިއާއި ގުޅުންހުރި ލިޔުންތައް އިމްޝާ ކަވަރު ކުރާނެ އެވެ.
މި ލިޔުންތެރިޔާގެ ބައެއް އެހެން ލިޔުންތައް
- 2 އޭޕްރިލް 2025ވާހަކަމީ ކުރާއުއްމީދު – އެޕިސޯޑް 03
- 10 ފެބްރުއަރީ 2025ވާހަކަމީ ކުރާއުއްމީދު – އެޕިސޯޑް 02
- 2 ފެބްރުއަރީ 2025ވާހަކަމީ ކުރާއުއްމީދު – އެޕިސޯޑް 01
- 5 ޖެނުއަރީ 2024ރިޕޯޓްދުޅަހެޔޮ ދިރިއުޅުމެއް ބިނާކުރެވޭނީ ކިހިނެއް؟