އޯކޭޒްއިންކާއި ބައިސްކޯފު ގުޅިގެން ބައިސްކޯފުން ގެނެސްދޭ ވެބް ސީރީޒް “ގުދަން” 21 އޮގަސްޓް 2022ވީ އާދީއްތަ ދުވަހުގެ ރޭ ބައިސްކޯފު އެޕްލިކޭޝަނުން ދައްކަން ފަށައިފިއެވެ.

ފުރަތަމަ އެޕިސޯޑް ފެށިފައިވަނީ ނޭވާ ހިފަހައްޓާލައިގެން ތިބެން ޖެހޭ ފަދަ ތަފާތު އަދި ހިރާސް (ރިސްކީ) ހާލަތެއްގައި ނަސީމުގެ ކެރެކްޓަރ ކުޅެފައިވާ މުޙައްމަދު އަފްރާހް (ކުޑޭ) ހަރަކާތްތެރިވާ ހިސާބުންނެވެ. މީގެ އިތުރުން ބައިސްކޯފުން ދެއްކި ‘އޮފީސް ލޯބި’ ސީރީޒުން މުނީގެ ގޮތުގައި ފެނިގެންދިޔަ ހިތްގައިމު އަދި އެހާމެ ހުނަރުވެރި އެކްޓްރެސް ޖެރީގެ ޝައުޤުވެރި ރޯލެއް މި ސީރީޒުންވެސް ފެނިގެންދާނެ ކަމަށް ޤަބޫލުކުރެވެ އެވެ. ޖެރީގެ ރޯލުގެ ޝައުޤުވެރިކަން އިތުރުކުރުމަށް ހަރަކާތްތެރިވަނީ އަދީބްގެ ރޯލު ކުޅެފައިވާ ޝިމާލް އެވެ.

މީގެ އިތުރުން މި ސީރީޒްގައި ފެނިގެންދާ ލަކްޝްމީ ކެރެކްޓަރ އަކީ ތަފާތު ގޮތަކުން ފާހަގަކޮށްލެވޭ ރޯލެކެވެ. ގޭގައި މަސައްކަތްކުރަން ގެންގުޅޭ މީހެއްގެ ގޮތުގައި ދައްކާފައިވަނީ ސްރީލަންކާގެ މީހެއް ކަމަށްވާ ރުޝާނީ ލޫކޭ ބަންޑާރަ އެވެ.

ފުރަތަމަ އެޕިސޯޑު ނިމޭ ހިސާބުން މުޙައްމަދު އަފްރާހު އާ ކުރިމަތިލާން ޖެހޭ ހާލަތުގެ ސަބަބުން ދެވަނަ އެޕިސޯޑަކަށް ބެލުންތެރިން އިންތިޒާރުކުރުވަން މަޖޫރުކުރުވަ އެވެ.

އޯކޭޒްއިންކުން މުޅިން އާ ކޮންސެޕްޓަކަށް ގެނެސްދޭ މި ސީރީޒް އަކީ މުޖުތަމައުގައި ހިނގަމުންދާ އެކި އިޖްތިމާއީ މައްސަލަތަކަށް އަލިއަޅުވާލާ ތްރީލާއެކެވެ. 12 އެޕިސޯޑުގެ މި ސީރީޒްގެ އައު އެޕިސޯޑެއް ކޮންމެ އާދީއްތަ ދުވަހަކު ބައިސްކޯފުން ބަލާލެވޭނެއެވެ.

މުހައްމަދު މުންތަސިރު (މުންކޮ)ގެ ކޮންސެޕްޓަކަށް މުންކޮ ލިޔެފައިވާ “ގުދަން”ގެ ސްކްރީންޕްލޭ ލިޔަނީ މަހްދީ އަޙްމަދު އެވެ. ޕްރޮޑަކްޝަންގެ ފަހަތުގައި އޯކޭޒްގެ ވަރުގަދަ ޓީމު އޮތްއިރު، މިއީ އިބްރާހީމް ވިސާން (ކަނޑި) ޑައިރެކްޓްކުރާ ސީރީޒެކެވެ. ކެމެރާކޮށް ކުލަ ގްރޭޑްކުރީ މުޙައްމަދު ސާމީ އެވެ. މީގެ އޮރިޖިނަލް ސައުންޑް ޓްރެކް އަދި މިއުޒިކްހެދީ ޝަހީދު ލެެގެސީ އެވެ.

ވެބް ސީރީޒް “ގުދަން” ދައްކަނީ އިނގިރޭސި ސަބްޓައިޓްލް ހިމަނައިގެންކަން ފާހަގަކޮށްލެެވެ އެވެ.

https://www.instagram.com/reel/ChZZ05DpA4O/?utm_source=ig_web_copy_link

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: