ތަމަޅަ އަދި ހިނދީ ފިލްމުތަކުން ގިނަބަޔެއްގެ މަގުބޫލުކަން ހޯދި ތަރި ކަމަލް ހަސަން ހޮސްޕިޓަލްގައި އެޑްމިޓްކޮށްފިއެވެ. ބޮލީވުޑްގެ ޚަބަރުތައް ގެނެސްދޭ ޗެނަލް ބޮލީވުޑް ހަނގާމާއާއި ހަވާލާދީ ރިޕޯޓްކޮށްފައިވާ ގޮތުގައި ކަމަލް އެޑްމިޓް ކޮށްގެން ފަރުވާދެމުންގެންދަނީ ވަރަށްބޮޑަށް ހުންއައިސްގެން ކަމަށެވެ. އޭނާ އެޑްމިޓްކޮށްފައިވަނީ ޗެންނާއީގެ ރަމަޗަންދަރަ މެޑިކަލް ސެންޓަރުގައި ކަމަށްވެސް އެ ނޫހާއި ހަވާލާދީ ރިޕޯޓްކޮށްފައިވެއެވެ.

ނަމަވެސް ކަމަލްގެ ތަރުޖަމާނު މީޑިއާތަކަށް މައުލޫމާތުދެމުން ބުނީ ކަމަލް ހަސަން އެޑްމިޓްކުރެވިފައިވަނީ ރެގިއުލަރ މެޑިކަލް ޗެކްއަޕަކަށް ކަމަށާއި ވަރަށް އަވަހަށް ހޮސްޕިޓަ؛ުން ދޫކޮށްލާނެކަމަށެވެ. މިކަމާ ގުޅިގެން އެ ހޮސްޕިޓަލުން އެއްވެސް އެއްޗެއް ބުނެފައެއް ނުވެއެވެ.

ކަމަލްހަސަން ވަނީ ތެލަގޫ، މަޅަޔާޅަމް، ކަންނާޑާ، ބެންގޯލީ، ހިންދީ ފިލްމުތަކުން ފެނިފައެވެ. އަދި ތަމަޅަ ފިލްމް އިންޑަސްޓްރީ ކުރިއެރުވުމަށްވެސް ގިނަގުނަ މަސަތްތަކެއް ކަމަލް ހަސަން ކޮށްފައިވެއެވެ. މީގެ އިތުރުން އިންޑިއާގެ ޤައުމީ ފިލްމުއެވޯރޑް އަދި ފިލްމްފެއަރ ފަދަ ގިނަ އެވޯރޑްތަކެއްވެސް އޭނާ ވަނީ ހާސިލްކޮށްފައެވެ.

ކަމަލްގެ ޚިދުމަތުގެ އަގުވަޒަންކުރައްވާ އިންޑިޔާގެ ސަރުކާރުންވަނީ އެގައުމުގަ ތިންވަނައަށް ދޭ އެންމެ މަތީ ޝަރަފު ޕަދްމަބޫޝަން އަދި ހަތަރުވަނައަށް ދޭ އެންމެމަތީ ޝަރަފް ޕަދްމަޝްރީގެ ޝަރަފުވެސް ދެއްވާފައެވެ.

ކަމަލް ހަސަންގެ ފާހަގަކޮށްލެވޭ އެންމެ މަޖާއެއްފިލްމަކަށް ހަމަޔަޤީނުންވެސް ޗާޗީ-420 (ޗާޗީ ޗާރްސޯބީސް) ވެގެންދާނެއެވެ. އެފިލްމަކީ ކަމަލް ހަސަންގެ ތަފާތު ހުނަރެއް ފެނިގެންދިޔަ ފިލްމެކެވެ. ކަމަލް ހަސަންގެ އަންހެންދަރި ޝުރްތީ ހަސަން އަކީވެސް މިހާރު އަރަމުންއަންނަ ތަރިއެކެވެ. ޝުރްތީ ބޮލީވުޑަށް ތަޢާރަފްވެފައިވަނީ 2009 ވަނަ އަހަރުގެ ފިލްމު “ލަކް” އިންނެވެ.

ފަހުން ފިލްމީދާއިރާއާއި ދުރަށްގޮސް ކަމަލް ހަސަން ވަނީ އަމިއްލަ ސިޔާސީ ޕާޓީއެއް އުފައްދަވާ ސިޔާސީ މަސަތްކަތް ފައްޓަވާފައެވެ. ފާއިތުވެދިޔަ 2021ވަނަ އަހަރު ބޭއްވުން ޗެންނާއީގެ ގާނޫނުހަދާ މަޖިލީހުގެ އިންތިޚާބުގައިވެސް ކަމަލް ހަސަން ވަނީ ވާދަކުރައްވާފައެވެ. ނަމަވެސް އެ އިންތިހާބުގައި ބޮޑު ތަފާތަކުން އޭނާ ވަނީ ބަލިވެފައެވެ.

ލިޔުންތެރިޔާގެ ފުރަމަލަ

އަޙްމަދު މަފާޒް

ގުޅުންހުރި ލިޔުން: