“އަހަރުމެން މި އަހަރު ދަރިއެއް ހޯދަން މި އުޅެނީ” ….. “އާނ.. އަހުރުމެން ދަރިއެއް ލިބޭތޯ މަސައްކަތް އެބަކުރަން. އެކަމާ ވަރަށް ސީރިއަސްކޮށް އެބައުޅެން.” އުމުރުން 60 އަހަރު ވެފައި އެތަކެއް ކުދިންނެއްގެ މާމައެއް ކަަމަށްވާ ޗެރީލް އޭނާގެ ޓިކްޓޮކް މެދުވެރިކޮށް ހާމަކުރިއެވެ.

“އެއް ގޮތަކީ އަހަރުމެން ދަރިއެއް ލިބޭތޯ މަސައްކަތްކުރުން. އަނެއް ގޮތަކީ ސަރޮގޭޓްކުރުން (ރަހިމުގައި ދަރިފަނި މުޑުވައްކޮށްގެން ގަރުބަގެންނެވުން)” އުމުރުން އެންމެ 24 އަހަރުގެ ކުރާން މެކޭން އޭނާގެ އަނބިމީހާ ޗެރީލްގެ ބަނޑުގައި އަތް ހާކާލަމުން ބުނެލައެވެ.

މިއީ އުމުރުގެ ގޮތުން 37 އަހަރުގެ ފަރަގެއް ހުރި ދެމަފިންގެ އުއްމީދެއްގެ ވާހަކައެވެ. ޓިކްޓޮކް ބޭނުންކުރާ މީހުން އެންމެ ނަފުރަތުކުރާ މި ޖޯޑު ތިބީ އުމުރު ކިތަންމެ ތަފާތުވިޔަސް، އެމީހުންގެ ޒަވާޖީހަޔާތައިގެން ކުރިއަށްދިއުމަށެވެ. ކައިވެނީގެ ދަނޑަށް ފެންޖަހައި މުޑުވައްކުރުމަށްވެސް ތައްޔާރަށެވެ.

އެމެރިކާގެ ޖޯޖިއާއަށް ނިސްބަތްވާ މި ދެމަފިރިން ޓިކްޓޮކަށް ދޫކޮށްލާ ވީޑިއޯތައް ފެނި އެތައް ބަޔަކު ހަޖޫޖަހައި އެތިވަރު ގޮވައެވެ. ނަމަވެސް މިއަދު އެ ދެމީހުންގެ ޓިކްޓޮކް ޕޭޖް ފޮލޯކުރާ މީހުންގެ އަދަދު އުޅެނީ ތިން މިލިޔަނަށްވުރެންވެސް މަތީގައެވެ.

“އެމީހުން (ނަފުރަތުކުރާ މީހުން) އޭނަށް އެކި ނަމުން ގޮވާ. ޕްރިންސް ފިލިޕް އޭ ކިޔާ. އޭނައަކީ ފޮސިލް (ފީވެ ހަލާކުވެފައިވާ ޖަނަަވާރާއި ގަހުގެ ބައިތައް) ކަމަށް ކިޔާ. އޭނާ އަކީ އަބްރަހަމް ލިންކަން އަށްވުރެން މުސްކުޅިއެކޭ ކިޔާ.” މީހުންގެ ހަޖޫޖެހުމާ ގަނާކުރުން އަމާޒުވެފައިވާއިރު، ޗެރީލް އަށް އަމާޒުކޮށް ބައެއް ފަރާތްތަކުން ބޭނުންކުރާ ބަސްތައް ކުރާން ހިއްސާކުރަމުން ބުންޏެވެ.

ކުރާން އަދި ޗެރީލްގެ ލޯބީގެ ވާހަކަ ފެށުނީވެސް ޝައުޤުވެރި ގޮތަކަށެވެ. ކުރާން މަސައްކަތްކުރަމުން ދަނީ ޗެރީލްގެ ފިރިހެން ދަރިފުޅުގެ މެނޭޖަރު ކަމުގެ ދަށުން ހިންގަމުން އަންނަ ރެސްޓޯރެންޓެއް ބަލަހައްޓާމީހެއްގެ ވަޒީފާގައެވެ. އޭނާގެ އުމުރުން 15 އަހަރުން ފެށިގެން މަސައްކަތްކުރަމުން އަންނަ ރެސްޓޯރެންޓުން ޗެރީލް އާ ދިމާވުމަށްފަހު، އޭގެ ދުވަސްތަކެއް ފަހުން ޗެރީލް އާ ދިމާވީ ޗެރީލް މަސައްކަތްކުރާ ފިހާރަ ތެރެއިންނެވެ. ޗެރީލް ހެދި ޓިކްޓޮކް ވީޑިއޯއަކަށް މީހުން ހަޖޫޖަހާ ލައްކަ އެތިވަރު ގޮވުމުން އެކަމާ ވީ ދެރައިން ޗެރީލް ރޯން އިންތަން ފެނި އެކަމާ ކުރާން ހަމްދަރުދީވެ އެވެ. މީހުން ކިތަންމެ އެއްޗެއްތި ގޮވިޔަސް ވީޑިއޯ ހެދުން ހުއްޓައިނުލުމަށް ބުނެއެވެ. ނުވީތާކަށް ފިހާރައިގެ ދޮރުމަތީގައި ތިބެ ދެމީހުން އެކުގައި ޓިކްޓޮކް ވީޑިއޯއެއް ހަދައި އާއްމުކުރިއެވެ. އެމީހުން މަޝްހޫރުވާން ފެށީ އެހިސާބުންނެވެ.

ކުރާން އަދި ޗެރީލް ރައްޓެހިވީ 2020ގަ އެވެ. މީހުންގެ ފާޑުކިޔުން އަމާޒުވެ، ޗެރީލްއަކީ ޝުގަރ މާމާ އޭ، ކުރާން އަކީ ރާމާމަކުނެކޭ ކިޔައި ހަޖޫޖަހަން ފެށިއެވެ. ޗެރީލް އަދި ކުރާން ރައްޓެހިވެގެން އުޅެނީ ސީރިއަސްކޮށް ނޫންކަމަށް މީހުން ކިޔަކިޔާ ތިއްބާ ޗެރީލްއަށް ވެސް ސަޕްރައިޒެއްގެ ގޮތުގައި ކުރާން ކައިވެންޏަށް އެދުނީ ޗެރީލް ރެސްޓޯރެންޓެއްގެ ތެރޭގައި އިންދައެވެ. އެމީހުން ކައިވެނިކުރީ 2021ވަނަ އަހަރު އެވެ. އެ ކައިވެނި ލައިވްކޮށް ވިހިހާހަށް ވުރެން ގިނަ މީހުން ބަލާފައިވެއެވެ.

@kingqurannewpage Best wap award @oliver6060 #ColorCustomizer #SearchForWonderMom #LaurelRoad4Nurses #BBPlayDate ♬ UR DAD X MYSTAKINFOLK MIX – mystakinfolk

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: