ފިލްމު “ދަބަންގް”ގައި ހިމެނޭ ސަލްމާން ޚާންގެ ފައިޓް ސީންއެއް ރޮބަޓް ޑައުނީ ޖޫނިއަރގެ “ޝެރްލޮކް ހޯމްސް” އިން ކޮޕީކޮށްފައިވާ ކަމަށް ޓްވިޓަރގައި ދައުރުވަމުން އަންނަ ޕޯސްޓަކުން ބުނެފިއެވެ. މި ވީޑިއޯގައި ފެންނަނީ 2010ވަނަ އަހަރު ރިލީޒްކުރި “ދަބަންގް”ގައި ސަލްމާން ޚާން އަދި ސޯނޫ ސޫދް އާ ދެމެދު ހިނގާ ތަޅާފޮޅާ މަންޒަރަކާއި 2009ގައި ރިލީޒްކުރި “ޝެރްލޮކް ހޯމްސް”ގައި ރޮބަޓް ޑައުނީ ޖޫނިއަރގެ މަންޒަރެކެވެ.
“ދަބަންގް” އަދި “ސެރްލޮކް ހޯމްސް”އިން އާއްމުންކޮށްފައިވާ ދެ މަންޒަރުން ފެންނަނީ ދެ ފިލްމުގެ ލީޑް ތަރިން އަތަށް އަންގި ނުލައްވާ ބޮކްސިން ތަޅާގޮތަށް ތަޅާފޮޅާ މަންޒަރެކެވެ. “ސެރްލޮކް ހޯމްސް”އިން ފެންނަ ކޮންމެ މަންޒަރެއް ހަމަ ސީދާ މަންޒަރުން މަންޒަރު، ހަރަކާތުން ހަރަކާތް ފިލްމު “ދަބަންގް”ގައި ނަކަލުކޮށްލާފައި ހުރިކަން ސާފުކޮށް ފެނެއެވެ.
ޓްވިޓަރގައި މި ވީޑިއޯ އާއްމުކޮށްފައިވަނީ “ސަލްމާން ޚާންގެ ހަރަކާތްތަކާއި ރޮބަޓް ޑައުނީ ޖޫނިއަރގެ މަންޒަރުތައް އެއްވެސް ތަފާތެއް ނެތި އެއްގޮތް. ނޯ ޝިޓް ޝެރްލޮކް!!!” މި ކެޕްޝަންއާ އެކުގައެވެ. ދެ ފިލްމުގެ މަންޒަރުތައް ފެންނަ ވީޑިއޯގައި “ބާއީ އޮފް ބޭކަރ ސްޓްރީޓް” ލިޔެލާފައިވެއެވެ.
Salman Khan has the exact same moves as Robert Downey Jr.
No Shit Sherlock!!! pic.twitter.com/BFebIiYV1M
— India Wants To Know: India’s First Panel Quiz Show (@IWTKQuiz) March 2, 2023
ޓްވިޓަރގައި އާއްމުކޮށްފައިވާ ވީޑިއޯއަށް ތަފާތު ކޮމެންޓްތައް ކޮށްފައިވާއިރު، ފޭންއެއް ބުނެފައިވަނީ: “ޝެރްލޮކް ހޯމްސްގައި އެ މަންޒަރު ގެނެސްފައިވަނީ ވަރަށް ވެސް ފުރިހަމަކޮށް. އަވަސް އަދި ލަސްކޮށް ދައްކާފައިވާ ރޮބާޓްގެ ޝޮޓްތައް ވަރަށް ސަޅިކޮށް ދައްކާފައިވޭ.”
އެހެން ފޭންއެއްގެ ކޮމެންޓެއްގައި ބޮލީވުޑުން ކޮޕީކުރާތީ ފާޑުކިޔަމުން ބުނެފައިވަނީ: “ބޮލީވުޑުން ހަމައެކަނި ކުރަމުން މިދާ ކަމަކީ ކޮޕީ ޕޭސްޓްކުރުން، އެއްވެސް އޮރިޖިނަލްކަމެއް، އުފެއްދުންތެރިކަމެއް ނެތް.”
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
