މަޝްހޫރު މިއުޒިކް ބޭންޑް “ސްކައިރޮކް” އިން މި އަހަރު ނެރުމަށް ހަމަޖެހިފައިވާ އަލްބަމްގައި ހިމެނޭ “ހޭވައްލާ ތައްޔާރު” މިވަނީ މިއަހަރުގެ އަންހެނުންގެ ދުވަހާ ދިމާކޮށް ރިލީޒްކޮށްފަ އެވެ.މި ލަވަ މިހާރު ހުރިހާ ސްޓްރީމިން ޕްލެޓްފޯމަކުން އަޑުއަހައިލެވޭނެ އެވެ.
“ހޭވައްލާ ތައްޔާރު” ލަވައިން ދޭ މެސެޖަކީ ދިރިއުޅުމުގައި ދިމާވެދާނެ ކޮންމެ ކަހަލަ ގޮންޖެހުމަކަށް ވެސް ކެރިގެން ކުރިމަތިލުމެެވެ. އެކަންކަމަށް ހޭވައްލާ ތައްޔާރުވެ ތިބުމެވެ.
ލަވަ ރިލީޒްކުރަމުން ސްކައިރޮކް ބޭންޑުން އާއްމުކުރި މެސެޖެއްގައި ބުނެފައިވަނީ ވަޒީފާގެ މާހައުލުގައި ފާހަގަކޮށްލެވޭފަދަ ޚިދުމަތްތަކެއް ކުރަމުން އަންނަ ކަނބަލުންގެ އަގުނުކުރެވޭފަދަ ޚިދުމަތުގެ އަގުވަޒަންކުރަން ޖެހޭ ކަމަށެވެ.
ސްކައިރޮކުން ލިޔެ އުފައްދާފައިވާ މި ލަވައިގެ ލިރިކްސް ހެދީ ޢަބްދުﷲ ފަރްހާން (ފައްފު) އެވެ. ލަވަ ކިޔާފައިވަނީ ފައްފުގެ އިތުރުން އިންޝާ އެވެ. ކީ ބެކިންގ ވޯކަލްސްގައި ޙުސައިންގެ އަޑުއިވިގެންދެއެވެ.
އިނާން ބޭސް އަދި ޒަޔާން ލީޑް ގިޓާކުޅެފައިވާއިރު، ޑްރަމްޖެހީ ފައިޒާން އެވެ.
ލަވައިގެ ވީޑިއޯ އުދެއްދީ މަދޯޝިޕްގެ ޓީމުންނެވެ. ލަވައިގެ ނެށުން ގެނެސްދީފައިވަނީ ޑައިނިޒިއަކް އިންނެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
