ރާއްޖޭގެ ރަށްރަށުގައި ފިލްމު ދެއްކުމަށް ޝައުޤުވެރިވާ ފަރާތްތަކަށް، މަޝްހޫރު އެކްޓަރ/ޑައިރެކްޓަރ އަދި ޕްރޮޑިއުސަރ ޢަލީ ސީޒަން ވަރަށް ފަހި ފުރުޞަތެއް ހުޅުވާލައިފިއެވެ. އެގޮތުން ރާއްޖޭގެ ރަށްރަށުގައި ސީޒަންގެ ފިލްމުތައް ދައްކައިގެން ލިބޭ ހުރިހާ ފައިސާއެއް ފިލްމު ދައްކާ ފަރާތަށް ލިބޭނެގޮތް ހަމަޖެހޭ ‘ރަށު ޑިސްޓްރިބިއުޓަރ’ ޕްރޮޖެކްޓެއް ފަށަން ތައްޔާރުވެ، އެކަމަށް ކުރިމަތިލުމުގެ ފުރުޞަތު ސީޒަންގެ އެސްޕްރޮޑަކްޝަންސް އިން ވަނީ ހުޅުވާލަފައެވެ.

ސީޒަން ޢާއްމުކޮށްފައިވާ ވީޑިއޯއެއްގެ އިތުރުން ‘އެސްް ޕްރޮޑަކްޝަން’ގެ މީޑިއާ ވައިބަރ ގްރޫޕަށް ލާފައިވާ ޕޯސްޓެއްގައި މިކަމުގެ ތަފުސީލުތައް ހިއްސާކޮށްފައިވެއެވެ.

‘ރަށު ޑިސްޓްރިބިއުޓަރ’އަކަށް ވުމަށްޓަކައި އަމަލުކުރަންވީ ގޮތާއި ފުރިހަމަ ކުރަންޖެހޭ ކަންކަމަށް ބަލާލާއިރު މިއީ ރަށްރަށުގައި ކެރިގެން ފިލްމުތައް ދައްކަން ޝައުޤުވެރިވާ ފަރާތްތަކަށް ފައިދާހުރި ޕްރޮޖެކްޓެެއްކަމަށް ޤަބޫލުކުރެވެއެވެ.

📼 ރަށުގައި ދިވެހި ފިލްމުތައް ދެއްކުމަށްޓަކައި ޑިސްޓްރިބިއުޓަރެއްގެ ގޮތުގައި އަވަހަށް ރަޖިސްޓްރީ ކުރައްވާ
📼 ޑިސްޓްރިބިއުޓަރެއްގެ ގޮތުގައި ހަމަ ކޮންމެ މީހަކަށްވެސް ރަޖިސްޓްރީ ކުރެވިދާނެ
📼 ޖަމްޢިއްޔާ ޖަމާއަތް ނުވަތަ އަމިއްލަ ފަރުދަކަށްވެސް ޑިސްޓްރިބިއުޓަރެއްގެ ގޮތުގައި ރަޖިސްޓްރީ ކުރެވިދާނެ
📼 ރާއްޖޭގެ ކޮންމެ ރަށަކުންވެސް ޑިސްޓްރިބިއުޓަރެއްގެ ގޮތުގައި ރަޖިސްޓްރީ ކުރެވޭނީ އެންމެ ފަރާތަކަށް
📼 އެންމެ ފުރަތަމަ ރަޖިސްޓްރީވުމަށް އެދި ހުށަހަޅާ ފަރާތަށް ޑިސްޓްރިބިއުޓަރުކަން ލިބިގެންދާނެ
📼 ރަޖިސްޓްރީ ވުމަށް ބޭނުންވާނީ އައިޑީކާރޑްގެ ކޮޕީ އެކަނި
📼 ރަޖިސްޓްރީވުމަށްފަހު، ފިލްމު ދެއްކޭނީ ޑިސްޓްރިބިއުޓަރާއިއެކު އެގްރީމެންޓް ކުރެވުމަށްފަހު
📼 ކޮންމެ ފިލްމެއް ދެއްކުމުގެ ކުރިން، ޑިސްޓްރިބިއުޓަރ ފީގެ ގޮތުގައި -/5000 ރުފިޔާ (ދައްކާ ކޮންމެ ޝޯއަށް) ފިލްމު އުފެއްދި ފަރާތަށް ދައްކަންޖެހޭނެ

📼 އެއަށްފަހު އެރަށެއްގައި ފިލްމު ދައްކައިގެން ލިބޭ ހުރިހާ ފައިސާއެއް ޑިސްޓްރިބިއުޓަރަށް
📼 ފިލްމް ސްކްރީން ކުރުމަށްޓަކައި ކޮންމެ ޑިސްޓްރިބިއުޓަރަކަށް ފިލްމު ދެއްކުމުގެ 15 މިނެޓް ކުރިން ލިންކެއް ލިބިގެންދާނެ. ފިލްމު ދައްކާ ނިމުމުން މި ލިންގެ އެކްސެސް ކެނޑޭނެ
📼 ފިލްމު ދައްކާ ހޯލަށް ކޮންމެ ޝޯއަކަށް ގިނަވެގެން ވެއްދޭނީ 400 މީހުން
📼 ކޮންމެ ޑިސްޓްރިބިއުޓަރަކަށް ފިލްމްގެ A1 ސައިޒުގެ 05 ޕޯސްޓަރުގެ އިތުރުން ޓިކެޓް، ފޯސްޓަރުގެ ސޮފްޓް ކޮޕީ އާއި ޑިޖިޓަލް ހުރިހާ ޕްރޮމޯޝަނަލް މެޓީރިއަލްތައް ލިބިގެންދާނެ
📼 އަމިއްލައަށް ބޭނުން ވަރަކަށް ޓިކެޓް ޕްރިންޓްކޮށް ވިއްކައިގެން މަންފާ ހޯދުމަކީ ޑިސްޓްރިބިއުޓަރަށް ލިބިގެންވާ ހައްގެއް

🎦 ރަސްޓްރީވުމުގެ ސުންގަޑި އަކީ 25 އޭޕްރީލް 2023ވަނަ ދުވަހު 18:00ގެ ކުރިން

☎️ އިތުރު މަޢުލޫމާތު: 7458800 / 7781983

ސީޒަންގެ ކެރިގެން ފިލްމް ”ލޯބިވެވިއްޖެ” އޮލިމްޕަސް ސިނަމާގައި ރިލީޒްކުރުމަށް ހަމަޖެހިފައިވަނީ 03 މެއި 2023ގަ އެވެ.

@muniavas @seaxanali is Looking for Rashu Distributors #goldenchance #maldivestiktok @dhivehifilm #loabivevijje #raajjetiktok ♬ original sound – MUNIAVAS

ބޮޑު ބަޖެޓަކުން އުފައްދާފައިވާ މި ފިލްމުގެ މައިގަނޑު ކާސްޓުންގެ ގޮތުގައި ފިލްމްގެ ޑައިރެކްޓަރ ޢަލީ ސީޒަންގެ އިތުރުން މަރިޔަމް ޢައްޒަ، އާމިނަތު ރިޝްފާ، އަޙުމަދު ޢީސަ (އާނަންދު)، ޢަލީ ޢާޒިމް (ދޮން އައްޔަ)، އަޙްމަދު ނިމާލް، ޢަބްދުﷲ ޝާފިޢު (ފުބޫ)، އާމިނަތު ނިޝާ (ނިޝްކޮ)، އިރުފާނާ އިބްރާހީމް (އެރޫ) ހަރަކާތްތެރިވެފައިވެއެވެ.

މި ފިލްމުގެ ސްކްރީންޕްލޭ ލިޔުނީ ހުނަރުވެރި ސްކްރީން ރައިޓަރ އަޙްމަދު ޒަރީރު އެވެ. ފިލްމު ކެމެރާ ކޮށްފައިވަނީ އިބްރާހީމް މޫސާ (ދަބަ) އެވެ. ޑައިރެކްޓްކުރީ ހުނަރުވެރި އެކްޓަރ އަދި ޑައިރެކްޓަރ އަލީ ސީޒަން އެވެ. “ލޯބިވެވިއްޖެ” ފިލްމަށް ބެކް މިއުޒިކް ތައްޔާރުކޮށްފައިވަނީ ޒުވާން މިއުޒިޝަން ފަތުހުﷲ ޝަކީލް ޙުސައިން އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: