މަޝްހޫރު ލަވަކިޔުންތެރިޔާ ޝަމްވީލް މުޙައްމަދު (ބަރޯ) މީގެ ހަތަރު ހަފުތާކުރިން އޭނާގެ ފޭނުންނަށް ހަދިޔާކުރި “ލަވްމެޝަޕް 05″އަށް ތައްޔާރުކޮށްފައިވާ ވީޑިއޯ ރިލީޒްކޮށްފި އެވެ. މިމަހު 15 ވަނަ ދުވަހު ރިލީޒްކުރި މި ވީޑިއޯ، މީގެ ކުރިން ޝަމްވީލް ނެރެފައިވާ ވީޑިއޯތަކަށްވުރެން ތަފާތުވެފައި ފުރިހަމަ އެވެ.

“ހާދަ އެދެން ކައިރިން ގެންދަން”، “ހައިރާންވޭ ސޫރަވަނީއޭ”، “އެ ކީއްވެހޭ ނިވާވުމުންނެ ހަނދު ފިލީ”، “ޤިޔާމަތު ޤިޔާމަތު”، “ލޯބިން ތިޔަ އަތުގާ ބީހިލީމަ”، “ބޯ ވެހޭ ވާރެޔާ”- މި ހިތްގައިމު ލަވަތައް ހިމަނައިގެން ތައްޔާރުކޮށްފައިވާ “ލަވްމެޝަޕް 05″ގެ ވީޑިއޯއިން ޝަމްވީލް އަދި އިބްނާގެ އިތުރުން، އިތުރު ތަރިންތަކެއް ފެނިގެންދެއެވެ.

ހިތްގައިމު އަދި ތަފާތުތަކެއް ފެނިގެންދާ މި ވީޑިއޯ ލަވައިގެ ޑައިރެކްޝަން ހެދީ މުޙައްމަދު ފައިސަލް އެވެ. ކޮރިއޮގްރަފީ ހެދީ ކުޑަ ރިޗާރޑް (ޝަރަފް) އެވެ. ކެމެރާކުރި ސުޖާ (ޖަންކީ) އެވެ.

ލަވައިގެ އޯޑިއޯ މަސައްކަތްތަކަށް ބަލާލާއިރު، ލަވަތައް ކިޔާފައިވަނީ ޝަމްވީލު އަދި އިބްނާ ނާސިރު އެވެ. ހިތްގައިމު މިއުޒިކް ހެދީ ޝަމްވީލް އެވެ.

“ލަވްމެޝަޕް 05″ގެ ވީޑިއޯ އާއްމުކުރިތާ އެންމެ ދުވަހެއްގެ ތެރޭގައި ފަސްހާހަށްވުރެން ގިނަ ވިއުޒް ލިބިފައިވާ މި ލަވައިގެ މަސައްކަތްކުރުމުގައިވެސް ގިނަ ބައެއްގެ އެހީތެރިކަން ލިބިފައިވާކަމަށް ޝަމްވީލް ހާމަކުރިއެވެ. އޭގެ ތެރޭގައި ޕްރޯ ސަޕްލައިޒްގެ ފަރާތުން ލަވައިގެ ސްޕޮންސަރޝިޕް ނަގާފައިވާއިރު، ކޯސްޕޮންސަރއެއްގެ ގޮތުގައި ރިޗާރޑް ފޮޓޯގްރަފީ، ވަން ޝޮޓް އެންޓަޓެއިންމެންޓް އަދި ސޭމާ ބައި ކާމާ ހިމެނެއެވެ.

“ލަވްމެޝަޕް 05″ގެ ވީޑިއޯ މިހާ ފެންވަރު ރަނގަޅުކޮށް ތައްޔާރުކުރުމަށް އެހީތެރިވެދިން ލުބޫ، މުންނި، އިބްނާ، ކިންގް ރިޗީ، ޝަބިން، ރިފާޝް، ވަން ޝޮޓް ޓީމް، ނަރީޝް، ފުބޫ އަދި އެއްކާފު ސްޓޫޑިއޯގެ ނަން ޝަމްވީލް ފާހަގަކުރި އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: