އެކްޓަރ/ޑައިރެކްޓަރ އަދި ޕްރޮޑިއުސަރ ޢަލީ ސީޒަންގެ ފިލްމު ކުންފުނި، ‘އެސް ޕްރޮޑަކްޝަންސް’ އިން 10 ޑިސެމްބަރު 2019ގައި ލޯންޗްކުރި ފިލްމު “ލޯބިވެވިއްޖެ” މިމަހު03 ވަނަ ދުވަހުގެ ރޭ އޮލިމްޕަހުގައި ދައްކަން ފަށައިފިއެވެ.

ގިނަ ބެލުންތެރިން އެ ފިލްމަކަށް ދިގު އިންތިޒާރުކުރި “ލޯބިވެވިއްޖެ” އަކީރާއްޖޭގެ ނަން މަޝްހޫރު ގިނަ ސީނިއާ އެކްޓަރުންތަކެއް ލީޑުން ފެންނަ ފިލްމެކެވެ. އެގޮތުން ލީޑްގައި މިވަގުތު އެންމެ އަލިގަދަކޮށް ވިދަމުން އަންނަ ޢަލީ ސީޒަން، މަރްޔަމް ރިޝްފާ، ޢަލީ އާޒިމް (ދޮން އައްޔަ)، މަރިޔަމް އައްޒަ، އިބްރާހީމް ޝާފިޢު (ފުބޫ)، އިރުފާނާ އިބްރާހިމް (އެރޫ)، އަހްމަދު އީސާ (އާނަންދު) ގެ އިތުރުން ޢަލީ ޝަމީލް ހިމެނެއެވެ. އަދި މި ފިލްމުގެ ޚާއްސަ ރޯލަކުން ރާއްޖޭގެ މަޝްހޫރު އަދި އެންމެ ހުނަރުވެރި އެކްޓަރު އަހްމަދު ނިމާލް ވެސް މި ފިލްމުން ފެނެއެވެ.

މި ފިލްމަކީ ހިތްގައިމު ލޯބީގެ ލަވަތަކެއް ހިމެނޭ ވަރުގަދަ ލޯބީގެ ފިލްމެއް ނަމަވެސް ފިލްމު “ލޯބިވެވިއްޖެ” އިން ގިނަ ރަހަތަކެއް ދައްކާލާފައިވާއިރު ވަރުގަދަ އަދި މޮޅު ސަސްޕެންސް ސީންތަކެއްވެސް މި ފިލްމުން ފެނިގެންދިޔައެވެ.

ފިލްމު ދައްކަން ފެށުމަށް ރޭ ބޭއްވި ކުލަގަދަ ރަސްމިއްޔާތުގައި ވާހަކަދައްކަމުން ފިލްމުގެ ލީޑް އަދި ޑައިރެކްޓަރު މި ފިލްމާ މެދު ބުނީ ފިލްމުގެ މަސައްކަތްތައް ކޮވިޑްގެ ސަބަބުން ހުއްޓުނު ނަމަވެސް، ކޮވިޑަށް ފަހުން އަލުން ފިލްމުގެ މަސައްކަތްތައް ކޮށް، ފުރިހަމަ ފިލްމެއް ޢާންމުންނަށް ނެރެވުނީތީ ހިތްހަމަ ޖެހޭ ކަމަށެވެ.

ގިނަ ސަސްޕެންސްތަކެއް ފެނިގެންދިޔަ “ލޯބިވެވިއްޖެ” ކުޅެފައިވަނީ މާލޭ ސިޓީގެ އިތުރުން، ގދ. ތިނަދޫ އަދި އަވައްޓެރި ސްރީލަންކާގައެވެ.

“ލޯބިވެވިއްޖެ” ފިލްމުގެ ޓިކެޓް މިހާރު ވެސް ވިކެމުންދާއިރު، މި ފިލްމުގެ ޓިކެޓުތައް ލިބޭނީ އޮލިމްޕަސްގެ ކައުންޓަރުންނެވެ. އަދި އެ ފިލްމުގެ ޓިކެޓު ގަތުމަށް ޚާއްސަ ނަންބަރު 7458800 އަށް ގުޅައިގެން ވެސް ޓިކެޓު ނެގުމުގެ ފުރުސަތު ވަނީ ހުޅުވާލާފައެވެ.

ޝާނީޒް ޢަލީ އަދި ސީޒަން ޕްރޮޑިއުސްކޮށްފައިވާ މި ފިލްމުގެ ސްކްރީންޕްލޭ ލިޔުނީ ހުނަރުވެރި ސްކްރީން ރައިޓަރ އަޙްމަދު ޒަރީރު އެވެ. ފިލްމު ކެމެރާ ކޮށްފައިވަނީ އިބްރާހީމް މޫސާ (ދަބަ) އެވެ. ޑައިރެކްޓްކުރީ ހުނަރުވެރި އެކްޓަރ އަދި ޑައިރެކްޓަރ އަލީ ސީޒަން އެވެ. “ލޯބިވެވިއްޖެ” ފިލްމަށް ބެކް މިއުޒިކް ތައްޔާރުކޮށްފައިވަނީ ޒުވާން މިއުޒިޝަން ފަތުހުﷲ ޝަކީލް ޙުސައިން އެވެ.

މި ފިލްމްގެ ޖުމްލަ 8 ލަވަ ހިމެނޭ އިރު އެ ހުރިހާ ލަވަތަކެއްވެސް މިހާރު ވަނީ އެސް ޕްރޮޑަކްޝަންސްގެ ސައުންޑްކްލައުޑް އަށް އަޕްލޯޑް ކޮށްފަ އެވެ. ފިލްމްގެ ލަވަތައް ކިޔާދީފައިވަނީ ރާއްޖޭގެ މަޝްހޫރު ލަވަކިޔުންތެރިން ކަމުގައިވާ މުޙައްމަދު ޢަބްދުލް ޣަނީ (ތޭރަވާ)، އިބްރާހިމް ޒައިދު ޢަލީ (ކުޑަ އިއްބެ)، މަރްޔަމް އަޝްފާ، ރާފިޔަތު ރަމީޒާ، ޙަސަން ޖަލާލް، މުމްތާޒު މޫސާ، މޯލްޑިވިއަން އައިޑަލްގެ ޖަޖުކަން ކޮށްފައިވާ އައްމަޑޭ އަދި އައިޑަލް އިން ވިދާލި މުއައްޒިންގެ އިތުރުން އަލީފް ޢަލީ އާއި ނަފްހާ އެވެ.

ފިލްމު “ލޯބިވެވިއްޖެ” ޕްރިމިއާއަށް މުނިއަވަސްގެ ސީއީއޯ އަޙްމަދު ރަޝީދު (އަންނާރޭ) އަދި މުނިއަވަސް މެންބަރ ލައިނާ އިބްރާހީމް

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: