ބޮލީވުޑްގެ މަޝްހޫރު ބަޠަލާ އާލިޔާ ބަަޓްގެ އަލަތު ހޮލީވުޑް ފިލްމު “ހާރޓް އޮފް ސްޓޯން”ގައި އާލިއާ ފެނިގެންދާ ފޮޓޯއެއް އާއްމުވުމާއެކު ގިނަބައެއްގެ ސަމާލުކަން އެ ފޮޓޯއަށް ހުއްޓިއްޖެއެވެ. މި ފިލްމުގައި އިޒްރޭލުގެ މޮޑެލް އެކްޓްރެސް ގެލް ގެޑޮޓް ވެސް ހަރަކާތްތެރިވެއެވެ.
ފިލްމު “ހާރޓް އޮފް ސްޓޯން”އިން އާލިއާ ބަޓް ހޮލީވުޑަށް ނުކުންނަށް އުޅޭކަށް އިޢުލާނުކުރި ފަހުން، އިންޑިއާގައި ތިބި އާލިއާގެ ފޭނުން އިންތިޒާރުކުރަމުން ދިޔައީ އެ ފިލްމުގައި އާލިއާ ކުޅޭނެ ރޯލެއް އެނގޭނެ ވަގުތަކަށެވެ. އެމީހުންގެ އެ އިންތިޒާރުގެ ނިމުން އައީ މިދިޔަ އަންގާރަ ދުވަހު ނެޓްފްލިކްސްއިން އާލިއާގެ އައު ފޮޓޯއެއް އާއްމުކުރި ހިސާބުންނެވެ.
އެ ފޮޓޯއިން އާލިއާ ފެންނަނީ ކެހެރިން ހަދާފައިވާ ޖެކެޓެއް ލައިގެން ހުންނަތަނެވެ. ސީދާ ކެމެރާއަށް ބަލަން ހުންނަ ތަނެވެ. ފޮޓޯއާއެކު ލިޔެލާފައިވާ ކެޕްޝަންގައި ބުނެފައިވަނީ، “އާލިއާބަޓް އަންނަނީ އަހަރުމެންގެ ހިތްތައް ހެކްކުރަން. 💘 އަދި އެ ހިތާ 👩💻. ހާރޓް އޮފް ސްޓޯން އިން ފެނިގެންދާނެ ހުރިހައި ތުރިލްސް އަކާއި ޗިލްސްތަކެއް ހަމައެކަނި ނެޓްފްލިކްސް އިން 11 އޯގަސްޓްގައި ބަލައިލަން ތިބޭ. 😍 ހާރޓް އޮފް ސްޓޯން.”
އެ ޕޯސްޓަރަށް ރިއެކްޓްކުރަމުން ސަމާސާގޮތަކަށް ފޭނެއް ބުނީ “އާލިއާގެ އަސްލު އިސްތަށިގަނޑު ކޮންތަނަކަށް ލާފަބާ ކެހެރި އިސްތަށިގަނޑެއް ފެންނަން އެހުރީ؟” އެހެން މީހެއްގެ ކޮމެންޓެއްގައި ބުނީ، “ނުރައްކާތެރި ވައިބެއް ދޭ ސަޅި ލުކެއް.” އަދިވެސް އެހެން ކޮމެންޓެއްގައި ބުނެފައިވަނީ “ހިތްތައް އަތުލަނީ ކިހިނެއްބާ؟” ގިނަ ކޮމެންޓްތަކެއް ހުރިއިރު އެހެން ފޭނެއް ބުނީ “މި ތްރިލިންގ ފިލްމުން އާލިއާ ބަލާލާހިތުން ހުރެވެނީއެއް ނޫން.” ކަމަށެވެ.
“ހާރޓް އޮފް ސްޓޯން”ގައި އާލިއާ
“ހާރޓް އޮފް ސްޓޯން” ޕްރިމިއާކުރަން ނިންމާފައިވަނީ އޯގަސްޓް 11 ވަނަ ދުވަހު ހަމައެކަނި ނެޓްފްލިކްސްގައެވެ. މި ފިލްމު ޑައިރެކްޓްކޮށްފައިވަނީ ޓޮމް ހާރޕާރ އެވެ. މިއީ ގްރެގް ރުއްކާ އަދި އެލިސަން ޝްރޫޑަރ ޑައިރެކްޓްކޮށް ގެނެސްދޭ ފިލްމެކެވެ.
މި ފިލްމުގެ ޝޫޓިންގައި ކުރެވުނު ތަޖުރިބާތައް މިޑް-ޑޭ އާ ހިއްސާކުރަމުން އާލިއާ ބުނެފައިވަނީ މިއީ އެންމެ ފުރަތަމަވެސް ވަރަށް ޚާއްޞަ ފިލްމެއް ކަމަށާ އޭނާ މި ފިލްމު ކުޅުނީ ވަރަށް ހިތްހަމަޖެހި އުފަލުން ހުރެ ކަމަށެވެ. ސަބަބަކީ މި ފިލްމު ކުޅެން ލިބުނު ވަގުތަކީ އެހެން ބަހެއްގެ ފިލްމެއް ކުޅެން، ނުވަތަ ހޮލީވުޑަށް ވަންނަން ލިބުނު ރަނގަޅު ވަގުތެއް ކަމަށްވެސް އާލިއާ ބުންޏެވެ.
އާލިއާގެ އިތުރަށް ހުރި ފިލްމުތައް
ހާޓް އޮފް ސްޓޯން ގެ އިތުރުން އާލިއާ އަންނަނީ މިމަހު 28 ގައި ރިލީސް ކުރަން އޮތް ފިލްމް “ރޮކީ ކީ ޕްރޭމް ކަހާނީ”އަށް ތައްޔާރީ ތަކެއް ވަމުންނެއެވެ. ކަރަން ޖޯހަރް ޑައިރެކްޓްކުރާ މި ފިލްމުން އާލިއާ ބަޓް އަނެއްކާ ވެސް ފެނިގެން ދާނީ “ގަލީ ބޯއީ”ގެ ތަރި ރަންވީރް ކަޕޫރާއި އެކުގައެވެ. މި ފިލްމުގައި ހަރަކާތްތެރިވާ މަޝްހޫރު އެހެން އެކްޓަރުންގެ ތެރޭގައި ޝަބާނާ އާޒްމީ، ދަރްމެންދްރާ އަދި ޖާޔާ ބައްޗަން ފާހަގަކޮށްލެވެ އެވެ. މި ފިލްމު ސިނަމާތަކަށް އަންނާނީ މިމަހު 28ވަނަ ދުވަހު އެވެ.
View this post on Instagram
ލިޔުންތެރިޔާގެ ފުރަމަލަ
- ޙަސަން އަރީން (އެޑީ)އަކީ މުނިއަވަސް ކްލަބްހައުސްގެ އާރްޖޭއެއްގެ އިތުރުން މުނިއަވަސް އަށް ޚަބަރުލިޔާ ލިޔުންތެރިއެއް
މި ލިޔުންތެރިޔާގެ ބައެއް އެހެން ލިޔުންތައް
- 1 ސެޕްޓެމްބަރ 2023މަޢުލޫމާތުކޮންމެ ލޭ ތިއްކަކީ ޞަދަޤާތެއް – އެތަކެއް ފުރާނައެއް ސަލާމަތްކުރެވިދާނެ
- 28 ޖުލައި 2023ހޮލީވުޑް“ވަން ޕީސް” ލައިވް އެކްޝަން ނެޓްފްލިކްސް އަށް
- 27 ޖުލައި 2023ހޮލީވުޑްމާވެލް ސްޓޫޑިއޯގެ “ލޯކީ” ސީޒަން 2 ގެ ޓްރެއިލާއާއެކު ކާސްޓުން އިއުލާނުކޮށްފި
- 24 ޖުލައި 2023ހޮލީވުޑް“ހާޓް އޮފް ސްޓޯން” ގެ އާ ޕޯސްޓަރުގައި އާލިއާ ބަޓްގެ ލުކަށް ބޮޑު ސަމާލުކަމެއް
