🎦 ފިލްމު “ނީނާ”ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން
“ހަމްދުއަށް އެނގޭތަ މަގޭ ނަމުގެ މާނަ؟” ފިލްމުގެ ލީޑް ކުޅޭ ނުޒޫ (ނީނާ) ސުވާލުކޮށްލާ އަޑު އިވެއެވެ.
“އުނހޫނ. ކިޔާބަލަ!” ފިލްމުގައި ހަމްދުގެ ބައި ކުޅޭ ޝަރަފުއްދީން ޢަބްދުﷲ ޖަވާބުގައި ބުނާއަޑު އިވެއެވެ.
“ރީތި، ހިތްހެޔޮ، ފްރެންޑްލީ، ޕަވަރފުލް، އިންޓެލިޖެންޓް، ސްޓްރޯންގް ވޯރިއަރ. ވަރަށް ވަރުގަދަ ނަމެއް ދޯ؟ އެހެންވީމަ ހަމްދު އެއްވެސް ކަމަކާ ވިސްނާނެ ކަމެއް ނެތް. އަހަރެން ހަމްދު ހުރިހާ ކަމަކުން ސަލާމަތްކުރާނަން.” ނުޒޫ ކިޔައިދެއެވެ.
“އެހެންތަ؟” ފިރިހެން ކުއްޖާ މިހެން ބުނުމާއެކު ދެމީހުން އެއްކޮށް ހިނިގަނޑެއް ޖަހާލާ އަޑު އިވެއެވެ.
ދެން އެއަށްފަހު އިވިގެންދަނީ ފިރިހެން ކުއްޖާ އެހީއަކަށް އެދި ވޭނާއި އާދޭހުގެ ރާގުގައި “ނީނާ” އޭ ކިޔާފައި ގޮވާލާ އަޑެެވެ. އެ ހިސާބުން “ނީނާ”ގެ ނަން ވެސް ވީޑިއޯއިން ފެނިގެންދެއެވެ. މިއީ 15 ޑިސެމްބަރު 2019ގައި އައި ފިލްމްސް އިން ރިލީޒްކުރި ފިލްމު “ނީނާ”ގެ ފުރަތަމަ ވީޑިއޯ ޕޯސްޓުން ފެންނަ އަދި އިވޭ އަޑުތަކެވެ.
“ނީނާ”ގެ ޙަޤީޤީ މާނައަކީ ކޮބައިކަން ބެލުންތެރިންނާ ހަމައަށް ފެންނަން ދެން ބާކީ އޮތީ ހަމަ އެންމެ ތިން ދުވަހެވެ. މި ފިލްމަކީ، ފިލްމު “ބަވަތި” އުފައްދައި ގެނެސްދިން ޑައިރެކްޓަރު އިލްޔާސް ވަހީދު (އިއްލެ) ނެރޭ ވަރުގަދަ، ތަފާތު ފިލްމެކެވެ. މި ފިލްމުގެ ވެސް ޓެކްނިކަލް މަސައްކަތްތަކުގެ ފަހަތުގައި ތިބީ “ބަވަތި”ގެ ވެސް މަސައްކަތްކުރި ޓީމެވެ.
“ނީނާ”އިން ފެނިގެންދާނެ މުހިންމު ތަރިންގެ ތެރޭގައި “ބަވަތި” ގެ ލީޑް ރޯލުން ފެނިގެންދިޔަ ނުޒުހަތު ޝުޢައިބް (ނުޒޫ) އާއި ކުރިއަރަމުން އަންނަ ފިރިހެން ތަރި ޝަރަފުއްދީން ޢަބްދުﷲ، ވެޓަރަން އެކްޓްރެސް މަރިޔަމް ރަޝީދާއާއި މަރިޔަމް ޝަކީލާ އަދި ހަމްދޫން ފާރޫޤް (އައްކި) ހިމެެނެއެވެ. މީގެ އިތުރުންވެސް އިތުރު މުހިންމު ތަރިންތަކެއް ފެނިގެންދާނެ އެވެ.
މި ފިލްމުގެ މަސައްކަތް ފެށުމުގެ ކުރިން ފިލްމުގެ ލީޑް ނުޒޫ އަދި ވިލަން އައްކި ވަނީ ޚާއްޞަ މާޝަލް އާޓްސް ޓްރެއިނިންތަކެއް ޝިން އެޓެމީ މޯލްޑިވްސް އިން ހަދާފައެވެ.
06 އޯގަސްޓް 2023 ވަނަ ދުވަހުގެ ރޭ ފިލްމު ޕްރިމިއާކުރަން ހަމަޖެހިފައިވާއިރު، ފިލްމުގެ ޕްރިމިއާ ޝޯ ފިޔަވައި ކުރިއަށް ހުރި ޝޯތަކުން ޓިކެޓް ލިބެން ހުންނާނެ އެވެ. 30 ޝޯ ދެއްކުމަށް ހަމަޖެހިފައިވާ ފިލްމު “ނީނާ”ގެ ކުރިއަށް ހުރި ޝޯތަކުން ޓިކެޓް ހޯދުމަށް 7242555 ނަންބަރަށް ގުޅައިގެން ނުވަތަ އޮލިމްޕަސް ޓިކެޓްކައުންޓަރަށް ގޮސްގެން ކުރިއަށްގެންދެވޭނެ އެެވެ. ޓިކެޓްގެ އަގަކީ 150ރުފިޔާ އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
ނޫން. ޖެހޭނީ މާނަ ފޮތް ބަލައިލަން
ނުޒޫ އަކީ ރާއްޖޭގަ ހުރި އެންމެ މޮޅު އަންހެން ސްޓަރ. ބަވަތި ފިލްމުން ނުޒޫ ދެއްކި އެކްޓިންއަށް ވުރެން މޮޅު އެކްޓިންއެއް މި ފިލްމުން ފެންނާނެކަން ޔަގީން. ފުރަތަ ޝޯގެ އިވެންޓްގަ ނުޒޫ އާ މީޓްކޮށްލަން ވަރަށް ވަރަށް ބޭނުން