“އަލްޙަމްދުލިﷲ. އަހަންނަށް ފިލްމު “ނީނާާ” ބަލައިލުމުގެ ފުރުޞަތު އެންމެފަހުން ލިބިއްޖެ، 
އަހަންނަށް މި ފިލްމު ތަކުރާރުކޮށް ކިތަންމެ ފަހަރަކުވެސް ބެލިދާނެ، ފިލްމުގެ ހުރިހައިކަމެއްވެސް އަހަންނަށް ވަރަށް ލޯބި. (ފިލްމުގެ ހުރިހައި ކަމެއްވެސް އަހަންނަށް ވަަރަށް ކަމުދިޔަ). ހަމްދޫން ފާރޫޤްގެ އަލްބޯ ކެރެކްޓަރ 
އަދި މި ޕްރޮޖެކްޓަށް އާނބަސް ބުނެވުނީތީ އަހަރެން ވަރަށް އުފާކުރަން، ނީނާގެ ކެރެކްޓަރ ކުޅެން ލިބުނީތީ އަލްޙަމްދުލިﷲ. އަހަންނަށް އިތުބާރުކުރީތީ އިލްޔާސް ވަހީދަށް ޝުކްރިއްޔާ، 
” ރޭ އޮލިމްޕަސް ސިނަމާގައި ރިލީޒްކުރި އައި ފިލްމްސްގެ ދެވަނަ ފީޗާ ފިލްމު ބަލައި ނިމުމަށްފަހު ފިލްމުގެ ލީޑް ކުޅުނު ނުޒުހަތު ޝުޢައިބް އޭނާގެ ފޭސްބްކްގައި ލިޔެލާފައިވެއެވެ. މިއީ ފިލްމުގެ ލީޑްކުޅެން ލިބުނީތީ، ނުވަތަ ނުޒޫ މަސައްކަތްކޮށްފައި އޮތް ފިލްމަކަށް ވީތީ އޭނާ ކޮށްފައި އޮތް ކޮމެންޓެއް ނޫންކަން، ރޭ އޮލިމްޕަހުން މި ފިލްމު ބަލައިލި ހަމަ ކޮންމެ މީހަކުވެސް އެއްބަސްވާނެ ކަމާމެދު އެއްވެސް ޝައްކެއް ނެތެވެ.
ދިވެހި ފިލްމެއް ބަލައިނިމިގެން އެ ފިލްމަށް އާޓިކަލްއެއް ލިޔަން ފަށާނެ ދިމާއެއް ނޭނގިގެން މީގެ ކުރިން ހަމަ ގައިމުވެސް އަހަންނަށްށް ހުންނަން ޖެހިފައެއް ނެތެވެ. ދިވެހި ފިލްމު “ނީނާާ”އާ މެދު ދައްކަން ވަރަށް ގިނަ ވާހަކަތައް އެބަހުއްޓެވެ. މިއީ ތަފާތު، މޮޅު، ކޮލިޓީ ފިލްމެކޭ ބުނެ ފަރުޖައްސައިލެވެން ނެތްހާވެސް މޮޅު ފިލްމެކެވެ. ނުޒޫގެ ކޮމެންޓްގައި އެ ދެއްކީ ހަމަ އަހަރުމެންވެސް ދައްކަން ހުރި ވާހަކަތަކުން ކުޑަ މިންވަރެކެވެ.
🎦 ފިލްމު “ނީނާ”ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިންކަމަށް މިފަހަރު ބުނެލަން ޖެހެެނީ ހަމަ ހަޤީޤަތުގައިވެސް ވަރަށް ފަޚުރުވެރިކަމާއެކުގައެވެ. މި ފިލްމަށް މުނިއަވަސްގެ ސީނިއާ މެެނޭޖްމެންޓް ޓީމުގެ ތިން މެންބަރުން ދިޔަކަން މިތަނުގައި ފާހަގަކޮށްލަން ޖެހޭ އެއް ކަމަކީ، އަހަރުމެން ތިން މީހުންނަށްވެސް މި ފިލްމުބެލި މީހުންގެ މެޖޯރިޓީއަށް ވުރެންވެސް ބޮޑުބައެއް އެ ބުނާހެން މި ފިލްމަކީ ދިވެހި ކޮލިޓީ އުފެއްދުމެއް ބަލައިލަން ބޭނުންނަމަ ހަމަ ކޮންމެހެންވެސް ބަލައިލަން ޖެހޭ ފިލްމެއްކަމެވެ.
ދިވެހި ފިލްމު “ނީނާާ”ގެ ސްކްރީންޕްލޭ، އެކްޓިން، ޑައިރެކްޝަން، ޑައިލޮގްތައް، ފައިޓް ސީންތައް، ކެމެރާކުރުން، ޓެކްނިކަލް މަސައްކަތްތައް – މިހެން ގޮސް ހުރިހައިކަމަށްވެސް ‘އޭ ސްޓަރއެއް’ ދެމުން ބުނެވެން އޮތީ މިއީ މާސްޓަރޕީސް ދިވެހި ފިލްމެއް ކަމަށެވެ. ޙަޤީޤަތަކީ މި ފިލްމުގެ ސަޅި ވާހަކަދެއްކުން ނޫން އެހެންކަމެއް، އެހެން ވާހަކަތަކެއް ދެއްކެން ހަމަ ނެތެވެ. އެކަން މި ފިލްމު ބެލި ފަރާތްތަކުން މީޑިއާތަކަށް ދިން އިންޓަވިއުތަކުގެ އިތުރުން، ކުރިއަށް މިއޮތް ވަގުތުތަކުގައި މީސްމީޑިއާގެ މަންސަތައް މެދުވެރިކޮށް ދޭ ކޮމެންޓްތަކުން އެނގިގެންދާނެ އެވެ.
މުނިއަވަސް މެދުވެރިކޮށް 3000 އަށް ވުރެންް ގިނަ ފިލްމީ އާޓިކަލްތައް ލިވެފައިވާ މީހެއްގެ ހައިސިއްޔަތުންވެސް އަހަންނަށް ބުނެެވެން އޮތީ ހަމަ އެންމެ ވާހަކައެކެވެ. މިއީ ކޮލިޓީ މާސްޓަރ ޕީސް ފިލްމެކޭ ބުނުން ނޫން އެހެން ގޮތަކަށް މި ފިލްމުގެ ކޮލިޓީގެ ވާހަކަތައް ބުނެދެވޭކަށް ނެތެވެ. އަދި އެންމެ މުހިންމު ވާހަކަ އޮތީއެވެ. ފިލްމުން ދޭ މައިގަނޑު މެސެޖްގެ ވާހަކައެވެ. “އަންހެނުންނަކީ ފިސާރި ބާރުގަދަ ބައެއްކަން”މި ފިލްމުން އެނގޭނެއެވެ. މިއީ އަންހެނުން ބާރުވެރިކުރުވުމަށް ބާރުއަޅައި އެކަން ރަނގަޅަށް ދައްކައިދީފައިވާ ފިލްމެކެވެ.
ފިލްމު ބަލައިލުމުން އަހަރެން ނުވަތަ އަހަރުމެންގެ ޓީމުން މި ބުނީ ހެޔޮ ވާހަކަތަކެއްކަން ޔަޤީންކުރެވޭނެ އެވެ.
ލިޔުންތެރިޔާގެ ފުރަމަލަ
ކިހިނެއް ހަމަ ތިހެން މާސްޓާޕީސްއެކޭ ބުނެވޭނީ
އަހަރެން ބުނާނީ “ނީނާ”އަކީ އޭޝިޔާ ފެންވަރުގެވެސް މާސްޓާޕީސް އެކޭ. ހުރިހާ ގޮތަކުންވެސް ޕާފެކްޓް