NINA mirey Olimpahah

🎦 ފިލްމު “ނީނާ”ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން

އައި ފިލްމްސްގެ ދެވަނަ ފިލްމު “ނީނާާ”ގެ ޝޫޓިން މާލޭގައި ފެށީ މީގެ ހަތަރު އަހަރު ކުރިންނެވެ. ފިލްމުގެ ބޮޑުބައެއް ލ. އަތޮޅުގައި ޝޫޓްކޮށްފައިވާއިރު އެ މަސައްކަތް ފެށީ 04 ފެބްރުއަރީ 2020 ވަނަ ދުވަހު އެވެ. 2021ވަނަ އަހަރު މި ފިލްމު ރިލީޒްކުރަން ހުރިހައިކަމެއް ނިންމިޔަސް ކޮވިޑްގެ ބަލިމަޑުކަމާއި ގުޅިގެން ފިލްމު ރިލީޒް ކުރުން ފަސްކުރަން ޖެހުނެވެ. ނަމަވެސް ކުރަން ޖެހުނު ދިގު އިންތިޒާރުގެ ނިމުން މިރޭ އަންނާނެއެވެ.

ރެޑް ކާޕެޓް އިވެންޓެއްގައި ފިލްމު “ނީނާާ” ރިލީޒްކުރާއިރު, ލިޖެންޑަރީ އެކްޓްރެސް މަރިޔަމް ރަޝީދާގެ އިތުރުން މި ފިލްމުގެ ގިނަ ތަރިންތަކަކާއި ޓެކްނިކަލް ކްރޫ ބައިވެރިވާނެ އެވެ.

ފިލްމު “ނީނާާ”ގެ ކާސްޓަށް ބަލައިލާއިރު، ލީޑްގައި ހަރަކާތްތެރިވަނީ ނުޒުޙަތު ޝުޢައިބް އާއި އަލަށް ތަޢާރަފުކުރާ ޝަރަފް ޢަބްދުﷲ އެވެ. ވެޓެރަން އެކްޓްރެސް މަރިޔަމް ރަޝީދާ ގެ އިތުރުން އާދަމް ރިޒްވީ (ރެކްސް)، ހަމްދޫން ފާރޫޤް، ޢަލީ ޔޫޝަޢު އާއި އަލަށް ތަޢާރަފްވާ ނަތާޝާ ޖަލީލް، ޢަލީ އިނާޒް، އަލަށް ތަޢާރަފްވާ އިބްރާހިމް ޝާއިފް (ޑެވިލް ޝާއިފް)، އަލަށް ތަޢާރަފްވާ ޙަސަން ސާމިހް މުޙައްމަދު، ހަސަން ޝިނާން އަދި މަރިޔަމް ޝަކީލާ އާދަމްގެ އިތުރުން އައިޝާ އަލީ ހިމެނެއެވެ.

ފިލްމުގެ މިއުޒިކް ހެދީ ޝަހީދު ލިގެސީ އެވެ. މޭކަޕް ހެދީ ”ބަވަތި“ގައި ފެނިގެންދިޔަ ފުރިހަމަ މޭކަޕްތައް ހެދި އާޓިސްޓް ރުޠުބާ އަޙްމަދު އެވެ.

މި ފިލްމުވެސް ކެމެރާކުރީ ”ބަވަތި“ ކެމެރާކުރި ހުނަރުވެރި ކެމެރާމަން ވިޝާން (ކަނޑި) އެވެ. އެޑިޓިން އާއި ޕޯސްޓް ޕްރޮޑަކްޝަން ހެދީ ”ބަވަތި“ ގައި ވެސް އެ މަސައްކަތްތައް ވަރަށް ފުރިހަމައަށް ކޮށްފައިވާ ’އޯކޭޒް އިންކް‘ އިނެވެ. ވިޝުއަލް ހެދީ އޯކޭޒް އިންކް ގެ ސާމީ އެވެ.

ފިލްމު “ނީނާާ” ލިޔެ ޑައިރެކްޓްކުރީ އިލްޔާސް ވަހީދު (އިއްލެ) އެވެ. އެސިސްޓެންޓް ޑައިރެކްޓަރެއްގެ ގޮތުގައި ހަރަކާތްތެރިވީ “ބަވަތި”ގެ އެކްޓަރ އިފްނާޒް އެވެ. ފިލްމުގެ ޕޯސްޓްޕްރޮޑަކްޝަންގެ މަސައްކަތްކުރީ އޯކޭޒް އިންނެވެ.

މިފަހަރު ވެސް ފިލްމުގެ ޕްރޮޑިއުސަރުންނަކީ އާސިމް އަލީ އަދި އަހުމަދު ވަހީދުގެ އިތުރުން އިލްޔާސް ވަހީދު (އިއްލެ)އެވެ.