މުނިއަވަސް ރަހަފަތުގައި މިފަހަރު މި ގެނެސްދޭ “އަލުވި ކޭކް” ވަރުގެ މީރު އަލުވި ކޭކެއް ކެވިފައި ނުވާކަމަށް “ހެލީޒް ސިމްޕަލް ރެސިޕީ’ގައި ބުނެފައިވެ އެވެ. މިއީ ތައްޔާރުކޮށްލަން ފަސޭހަ ރަހަފަތެކެވެ. މާ ބޮޑު ޚަރަދެއް ނުކޮށް ތައްޔާރުކޮށްލެވޭނެ ކެއުމެއްވެސް މެއެވެ.

ބޭނުންވާނެ ތަކެތި:

🍳 3 އަލުވި (420 ގްރާމް)

🍳 ¼ ޖޯޑްގެ ޕާރމެޒަން ޗީޒް

🍳 1 ފެހި ފިޔާ

🍳 ލޮނު އަދި އަސޭމިރުސް

🍳 2 ސައިސަމުސާ އަންސޯލްޓެޑް ބަޓަރު

🍳 2 ކުކުޅު ބިސް

🍳 ½ ޖޯޑު ގޮދަން ފުށް

🍳 1/3 ޖޯޑުގެ ޕާން ކުނޑި

🍳 ކުކިން އޮއިލް

ތައްޔާރުކުރާނެ ގޮތް:

1- އަލުވި މެށުމަށްފަހު އަލުވިން ރިހަކައްކަން ކޮށާ ސައިޒަށް ކޮށާލާށެވެ. ތެއްޔަކަށް 600 އެމްއެލްގެ ފެން އަޅައި ލޮނުލުމަށްފަހު އަލުވިކޮޅު ރަނގަޅަށް މަޑުވަންދެން މަޑުގިނީގައި ކައްކާލާށެވެ. 15 ވަރަކަށް މިނެޓް ކެއްކުމަށްފަހު ފެންފޮދު އުކާލާށެވެ.

2- އަލުވިކޮޅުގެ ތެރެއަށް އަންސޯލްޓެޑް ބަޓަރު، ލޮނު އަދި އަސޭމިރުސް އެޅުމަށްފަހު ރަނގަޅަށް މޮޑެލާށެވެ. އަލުވިތައް ރަނގަޅަށް ފުނޑުވެންދެން މޮޑެލަންވާނެ އެވެ.

3- ރަނގަޅަށް މޮޑެފައި ހުރި އަލުވިކޮޅުގެ ތެރެއަށް ކުދިކޮށް ކޮށާފައި ހުރި ފިޔާކޮޅު، ¼ ޖޯޑްގެ ޕާރމެޒަން ޗީޒް އެޅުމަށްފަހު އަނެއްކާވެސް ރަނގަޅަށް މޮޑެލާށެވެ.

4- މޮޑެފައިހުރި އަލުވިފުށްގަނޑު އައިސްއަލަމާރިއަށް ލާފައި ބައިގަޑިއެއްހާ އިރު ބަހައްޓާށެވެ.

5- ބައިގަޑިއެއްހާ އިރަށްފަހު އަލުވިފުށްގަނޑު ނަގައި ކުދިކުދިކޮށް ފަތާކޮށް ގުޅަ ހަދާށެވެ.

5- ހަދާފައި ހުރި ގުޅަތަކުން ފަހަރަކު ގުޅައެއް ގޮދަންފުށަށް ލުމަށްފަހު ރަނގަޅަށް ގޮދަންފުށް ހާކާލާށެވެ. އެއަށްފަހު ބިހުގެ ތެރެއަށް ލާށެވެ. އޭގެ ފަހުން ޕާންކުނޑިއަށް ލައި ޕާންކުނޑި ހާކާށެވެ.

6- ތެއްޔަކަށް ކުކިން އޮއިލް އެޅުމަށްފަހު މެދުމިނުގެ ގިނީގައި ތެޔޮގަނޑު ހޫނުކޮށް ކެކެން ފެށުމުން ތެލުގެ ތެރެއަށް ފަހަރަކު ކޭކެއް ލައިގެން ހައެއްކަ މިނެޓް ވާންދެން ތެލުލާށެވެ. ކޮންމެ ފަޅިއަކަށް ތިން މިނެޓް ހޭދަކޮށްލުން ރަނގަޅުވާނެ އެވެ.

އިތުރު އެހީއަކަށް ހެލީގެ މި ވީޑިއޯ ބަަލައިލާށެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: