އުމުރުން އެންމެ 16 އަހަރުގެ ޖުން ތާލްޔާ ޝަމްޢޫން އަށް މިރެއަކީ ހަމަގައިމުވެސް ބޮޑު ރެއެކެވެ. ކީއްވެގެން ކަމެއް އެހާ އަވަހަށް އަހަރުމެން ބުނާކަށް ނެތީމެވެ. އޭގެ ކުރިން މި ވީޑިއޯއާއި ޖުން ގެ އިންސްޓަގްރާމްގައި ހުރި ‘ސަޅި’ ވީޑިއޯތައް ބަލައިލާށެވެ.

 

View this post on Instagram

 

A post shared by jun talya (@jamtalya)


ހިއްސާކުރި ވީޑިއޯވެސް ‘ސަޅި’ދޯ އެވެ.

ޖުން ތާލްޔާ ޝަމްޢޫން އަކީ ކޮން ކުއްޖެއް؟

ޖުން އަކީ ކުރިންވެސް ފާހަގަކުރެވުނު ފަދައިން އެންމެ 16 އަހަރުގެ ޒުވާން މިއުޒީޝަނެކެވެ. އޭނާގެ ދެފަރާތު އާއިލާ (ހ.މީނާޒް އަދި ހ.މައިޒާންދޮށުގެ) އާއިލާއަކީ މިއުޒިކާ ގުޅުންބޮޑު، މިއުޒިކީ ފަންނުވެރިން ހިމެނޭ އާއިލާާއެއް ކަން ރާއްޖޭގެ މިއުޒިކް ދަންނަ އެންމެނަށްވެސް އެނގޭނެއެވެ. ޖުންގެ ބައްޕައަކީ މަޝްހޫރު މިއުޒިކް ކޮމްޕޯސަރެކެވެ. ހ. މީނާޒް ޝަމްޢޫން ޙަމީދު އޭ ބުނުމުން ނުދަންނަ މީހަކު ނުހުންނާނެ އެވެ. ޖުންގެ މަންމައަކީ ހ. ފޭދޫ ޚަދީޖާ ނަޞްރާ އެވެ. އެއީވެސް ފަންނުވެރި މަސައްކަތްތެރިއެކެވެ.

ޖުން ތާލްޔާގެ ވާހަކައަށް ޖެހިލަމާ ހިނގާށެވެ. މިރޭ ޖުން އަަށް ބޮޑުރެއަކަށް ވަނީ ހުޅުމާލޭ ސެންޓްރަލް ޕާކްގައި މިރޭ ކުރިއަށްދާ “ފަންނުގެ ދަރިން – 30” ހަރަކާތުގެ ތެރެއިން ޖުންގެ ހުނަރުވެރިކަން ފެނިގެންދާނެ އެވެ. ޖުންއަކީ ހަޤީޤީ ފަންނުގެ ދަރިއެއްކަން އެނގޭނެއެވެ.

ޖުންގެ މިއުޒިކީ ހުނަރުތަކުގެ ތެރޭގައި އޭނާއަކީ ބޭސް ގިޓާ، އިލެކްޓްރިކް ގިޓާ، ސްޓީލް ޑްރަމްސް ކުޅުމުގެ އިތުރުން އަރަމުން އަންނަ ލަވަކިޔުންތެރިއެކެވެ. އޭނާ އެންމެ ފުރަތަމަ ޕަރފޯމް ކުރަން ފެށީ ކިޔަވަމުންދާ ސްކޫލް، ސްރީ ލަންކާގެ އެލިޒަބެތު މޮޔަރ ސްކޫލްގައެވެ.

ޖުން ކިޔަވަމުން އަންނަ ސްކޫލްގެ އިންޓަރހައުސް މިއުޒިކް މުބާރާތުގައި ވިދިވިދިގެން މިހައިތަަނަށް ތިން އަހަރު 1 ވަނަ ޙާސިލުކޮށްފައިވެއެވެ.

ޖުންގެ މިއުޒިކް ހުނަރު ކުރިއެރުވުމަށް އޭނާގެ ބޭބެ ޢަމްރް ދާންޔާލް އަދި ދައްތަ ނޫރް ދާންޔާ ގެ ފަރާތުން އިރުޝާދާއި ހިތްވަރު ވަރަށް ބޮޑަށް ލިބެމުން އަންނަކަމީ އޭނާގެ މި އުއްމީދީ މަސައްކަތަށް ލިބިގެންދާ ވަރުގަދަ ހިތްވަރެކެވެ. އޭނާ އެންމެ ކުޅޭހިތްވާ މިއުޒިކް ޖޯންރާ ތަކަކީ ރޮކް އަދި ފަންކް މިއުޒިކް ނަމަވެސް ހުރިހައި ޖޯންރާއެއްގެ މިއުޒިކް ވެސް ކުޅޭހިތްވާކަމަށް ބުނެއެވެ.

މިރޭ 08:00 އާއި 10:00 އާއި ދެމެދުގެ ވަގުތެއްގައި ޖުންގެ ހުށައެޅުންތައް ފެނިގެންދާނެ އެވެ. މީގެ ކުރިން ޖުންގެ ހުށައެޅުމެއް ރާއްޖޭގެ އޯޑިއަންސަށް ފެނިފައި ނުވިޔަސް މީގެ ކުރިންވެސް އޭނާގެ ހުނަރުވެރިކަން ދައްކައިލުމަށް މަސައްކަތްކޮޮށްފައި ވެއެވެ.

މި ހުނަރުވެރި ފަންނާނު، ރާއްޖޭގައި އޭނާ އެންމެ ފުރަތަމަ ޕަރފޯމް ކުރަން ހަމަޖެހިފައި އޮތީ އެކްސް-ރޭ ޢާތިފް އިންތިޒާމު ކުރައްވައިގެން ބޭއްވި “ރޮކް 50” މިއުޒިކް ކޮންސެޓުގައެއެވެ. އެހެންނަމަވެސް އެކި ސަބަބުތަކާ ހުރެ ޝޯގެ ތާރީޚު ފަސްވެގެން ގޮސް ޝޯ ބޭއްވި ދުވަސްވަރު ސްކޫލް އިމްތިޙާނާ ދިމާވުމުން އެ ޝޯގައި ޖުން އަށް ފަރފޯމް ނުކުރެވުނީ އެވެ.

ޖުން އަކީ ދިވެހި ތާރީޚަށާއި ދިވެހި ސަޤާފަތާއި ދިވެހީންގެ ދިވެހިވަންތަކަމަށް ލޯބި ކުރާ ކުއްޖެއްވެސް މެއެވެ. ފޮތްތެރިކަމަށާއި، ކުރެހުމަށާއި ފިލްމު ބެލުމަށް ޝައުޤުވެރިކަން ހުންނަ ޖުންގެ ހުނަރުވެރިކަން މިރޭ ފެނިގެންދާނެ އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: