އޮލިމްޕަހުގައި މިހާރު ދައްކަމުން އަންނަ ދިވެހި ފިލްމު “ނީނާ”ގެ އެންމެ ފަހު ޝޯ 04 ސެޕްޓެމްބަރު 2023ވަނަ ދުވަހުގެ ރެއަށް ތާވަލްކޮށްފި އެވެ. އޭގެ ފަހުން މާލެއިން މި ފިލްމު ބަލައިލަން ފުރުޞަތު ނުލިބިދާނެ އެވެ. އެހެންކަމުން މި ފިލްމު ބަލަން ބޭނުންވެ ފިލްމަށް ދާންދާން ކިޔަކިޔާ ތިބި ފަރާތްތަކުން ފިލްމުގެ އެންމެ ފަހު ޝޯ ބޭއްވުމުގެ ކުރިން މިކަމާ އުޅެން އެބަ ޖެހެއެވެ.
އެންމެ ފަހު ޝޯގެ ތާރީޚް އިޢުލާނުކުރަމުން އައި ފިލްމްސް އިން މިއަދު މިވަނީ ފިލްމުގައި ހިމެނޭ އެންމެ ފައްކާ ލަވަ ‘އައްޒަ’ގެ އިތުރު މަންޒަރުތަކެއްވެސް ހިއްސާކޮށްފައެވެ.
ފިލްމު “ނީނާ” ބެލުމަށްފަހު ދެވަރުގެ ކޮމެންޓެއް ދޭ ހަމަ އެކަކުވެސް އަދި މިވީހާތަނަށް ފެންނާކަށް ނެތެވެ. ރާއްޖޭގެ ފިލްމީ މަސައްކަތުގެ އެންމެ ކުރީ ސަފުގައި ގުނާލެވޭ މަޝްހޫރު އަދި ހުނަރުވެރި ޑައިރެކްޓަރު މުޙައްމަދު ނިޔާޒް (ޓެޑްރީ) ވެސް މި ފިލްމު ބަލައިފިއެވެ. ފިލްމު ބެލުމަށްފަހު ޓެޑްގެ ހިތުގެ އަޑިން މި ފިލްމަށްވެސް ވަނީ ކޮމެންޓްކޮށްފައެވެ.
“ނީނާ އަކީ މިހާތަނަށް ދިވެހި ސިނަމާއިން ފެނުނު އެންމެ ވަރުގަދަ އަންހެން ކެރެކްޓަރ. އައި ފިލްމްސް، އިލްޔާސް ވަހީދު، އާސިމް ޢަލީ އަށް މަރުޙަބާ. ތިބާގެ ބެކް-ޓު-ބެކް ފިލްމުތަކުގެ ބޮޑު ކާމިޔާބީ؛ ބަވަތިން ނީނާއަށް ކުރި ދަތުރަކީ ފާހަގަކޮށްލެވޭ ދަތުރެއް.” ޓެޑްގެ ކޮމެންޓްގެ ޚުލާޞާކޮށް ބުނެފައިވެއެވެ.
ކުރިންވެސް ބުނިހެން މި ފިލްމު ބެލުމަށްފަހު ހަމަ ކޮންމެ މީހެއްގެ ފަރާތުންވެސް ލިބެމުން އަންނަނީ ތަޢުރީފު ޝުޢޫރުތަކެވެ. މިއީ ފިލްމުގެ ޕްރޮޑިއުސަރުން ނުވަތަ ޑައިރެކްޓަރުން ބުނެކިޔައިގެން އާއްމުކުރާ ޝުޢޫރުތަކެއް ނޫނެވެ. ކޮމެންޓެއް ކޮށްނުލައި ނުތިބެވިގެން ކޮށްލާ ކޮމެންޓްތައް އައި ފިލްމްސްގެ ފޭސްބްކް، އިންސްޓަގްރާމަށް ބަލައިލުމުން ވެސް ފެންނާނެ އެވެ.
“ދިވެހިރާއްޖޭގެ މުޖުތަމަޢު މިހާރު އޮތް ޙާލަތު “ނީނާ” ފިލްމުން ދައްކުވައިދޭ.
“ރޫޅިފައިވާ ޢާއިލާ، މަސްތުވާތަކެއްޗާއި، އަނިޔާއާއި، ގޭންގް ރޭޕާއި، މަރުގެ މައްސަލައާއި، ޝިކާރައަކަށްވާ މީހުންނާއި ޝިކާރައަކަށްވާ މީހުންނަށް ދުވަހަކުވެސް އެކަށީންވާ އިންސާފު ނުލިބި މަދު ވޯޓްކޮޅެއް ހޯދުމުގެ ދަހިވެތިކަމުގައި ކުށްވެރިންނަށް މިނިވަންކަން ލިބޭ ފަސާދަވެފައިވާ މުޖުތަމަޢުއެއް (މި ފިލްމުން ވަރަށް ރަނގަޅަށް ދައްކުވައިދޭ).
މިއީ ބާރުވެރި އަންހެނަކު، އެއްވެސް ޖެހިލުންވުމެއް ނެތި އަނިޔާއާ ދެކޮޅަށް ތެދުވެ މަސައްކަތްކުރާތަން ފެނިގެންދާ ‘މާސްޓަރޕީސް’އެއް.
އަންހެނެއް އަދި މަންމައަކަށް ވާތީ އަހަންނަށް ވަރަށް އަސަރުކުރި. އަހަރެން ގިނަ ވަގުތު ނޭވާ ހިފަހައްޓައިގެން އިންއިރު، ފެންނަމުން ދިޔަ މަންޒަރުތައް މުޖުތަމަޢުއާ ގުޅުންހުރިލެއް ބޮޑުކަމުން އަހަންނަށް ހަޅޭއްލަވައިގެނެވި ރޮވުނު.
އިލްޔާސް ވަހީދުގެ މާސްޓަރޕީސް ސްޓޯރީލައިނަށް އަހަރެން ސާބަސްދެން.
ފެށިގެންގޮސް ނިމެންދެންވެސް އެއީ ބިރުވެރި-ޝައުޤުވެރިކަމެއް ފެންނަ ފިލްމެއް.
ފިލްމުގައި ބައިވެރިވި ހުރިހާ ތަރިން، ވަކީން ޚާއްޞަކޮށް އިސް ބަޠަލާ ނުޒުހަތު ވަރަށް މޮޅަށް މަސައްކަތްކޮށްފައިވޭ.
އެންމެފަހުން އަހަރެންގެ ޢަލީ އިނާޒް (ދަރިވަރު) އެކްޓްކުރަނިކޮށްވެސް ފެނިއްޖެ. އިއްލެއާ މެދު އަހަރެން ވަރަށް ބޮޑަށް ފަޚުރުވެރިވަން. 👏👏
އެހެން ގޮތަކުން އެ އިހުސާސްތަކާއި، ވަރުގަދަކަމާއި، ހަގީގަތާއި ގުޅުވާލާފައިވާ މިންވަރު އަލުން ކިޔައިދެވޭކަށް ނެތް.
“ނީނާ” އަކީ ކޮންމެހެން ބަލަންޖެހޭ ފިލްމެއް، ވަކީން ޚާއްޞަކޮށް ކަނބަލުން.
އާނ، އަހަރުމެން އަނިޔާވެރިކަމަށް ބޮލެއް ނުލަނބާނަން އަދި ކިއެއްތަ އިންސާފުހޯދުމަށް މަސައްކަތްކުރާނަން. “މިކަމަށް ސަމާލުވެ ތިބޭތި”
– އައިންތު ޢަލީ (އާނީ އެސޯސިއޭޓްސް)
🎦 ފިލްމު “ނީނާ”ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 24 ޑިސެމްބަރ 2024ޚަބަރުނިޝާ އާރްޖޭއަކަށް!
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
ނީނާ ބަލައިފިން. އެންމެ ހަބޭސް ދިވެހި މޫވީ ސޯ ފާ
އައްޒަ ސޯންގް ނެރެބަލަ