ހިތްގައިމު ދިވެހި ފޮންޓްތަކެއް އެއްތަނަކުން ލިބެން ހުންނަ dhivehifont.com ވެބްސައިޓަކީ ފަސޭހަކަމާއެކު ޒަމާނީ ސްޓައިލްތަކުގެ ތާނަ ފޮންޓްތަކެއް ލިބެން ހުންނަ ވެބްސައިޓެކެވެ. މި ވެބްސައިޓްގައި ހުރި ފޮންޓްތަކުން، ވަރަށް ހިތްގައިމު ފޮންޓެއް ލޮލުގައި އަޅައިގަތެވެ.

އެމްވީ މީމު އަލީ ނަމުގައި ހިމަނާފައިވާ މި ފޮންޓަކީ އަވަސް އަތުލިޔުމުގެ ފޮންޓެކެވެ. ފޮންޓް ހެދީ ޙުސައިން ނިޔާޒެވެ. ނަމަވެސް މި ފޮންޓަކީ މުނިއަވަސްއާ ގުޅުމެއް އޮތް ޒުވާނަކާ ނުހަނު ބޮޑު ގުޅުމެއް އޮތް ފޮންޓެކެވެ. މިއީ މުނިއަވަސް ރަސްމީ ލޯގޯ ފަރުމާކޮށްފައިވާ ލ. މާވަށު މުޙައްމަދު ޢަލީ (މާވަށު މޯޑް)ގެ ހިތްގައިމު އަތުލިޔުން އަސްލަކަށް ބަލައިގެން ތައްޔާރުކޮށްފައިވާ ފޮންޓެކެވެ.

އެމްވީ މީމު އަލީ ހެދީ މުޙައްމަދު ޢަލީގެ އެކުވެރިއެކެވެ. ފޮންޓްގެ ތަޢާރަފުގައި ލިޔެލާފައިވާ އިބާރާތްކޮޅު ނަކަލުކޮށްލާނަމެވެ.

“އެކުވެރި މުޙައްމަދު ޢަލީ (ލ. މާވަށް) ފޮންޓް ހެދިފައި މިވަނީ އަތިލިޔުމުގެ އަސްލު ނުގެއްލޭނެ ގޮތަށް ބަލައިގެންނެވެ. މި ފޮންޓްގެ އެއް އަކުރެއް އަދި ފިލިވެސް އެކި ބަސްތަކުގައި އެކި ގޮތަށް ލިޔެވޭނެ އެވެ. މި ފޮންޓް ހެދުމުގެ މަސައްކަތަކީ ތަފާތު ތަޖުރިބާއެކެވެ.”

ޙުސައިން ނިޔާޒު / ދިވެހިފޮންޓް

މިއީ ބައްދަލުވުންތަކުގައި ޔައުމިއްޔާ ނޯޓު ނެގުމާއި ސިޓީ ބިޓީ ފަދަ ލިޔުންތަކުގެ ދެލިކޮޕީ ތައްޔާރުކުރުން ފަދަ ކަންކަމުގައި، މުހައްމަދު އަލީ އަވަސް އަތުލިޔުން ލިޔެއުޅޭ ގޮތުގެ ނަކަލަކާ ވައްތަރުކޮށް ހެދިފައިވާ ފޮންޓެއް ކަަމަށް ދިވެހިފޮންޓް ވެބްސައިޓްގައި ބުނެފައިވެއެވެ. ނުރަސްމީ ލިޔުންތައް، އިސްތިހާރު އަދި އެކިއެކި ހަފުލާތަކުގެ ދަޢުވަތު ކާޑު ފަދަ ތަކެތީގައި ލިޔުމަށް މި ފޮންޓް ބޭނުން ކުރެވިދާނެ ކަމަށް ވެސް ބުނެފައިވެއެވެ.

އެމްވީ މީމު އަލީ ފޮންޓް ބޭނުންކޮށްގެން ލިޔުންކޮޅެއް ލިޔެފައި – ފޮޓޯ: މުނިއަވަސް

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
• 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
• 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
• 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!