އިވެންޓް ކަވަރޭޖްހެދީ: އަޙްމަދު ރަޝީދު (އަންނާރޭ)

ޝައި ޕްރޮޑަކްޝަން އަދި ސެޓަރން ސްޓޫޑިއޯ ގުޅިގެން އުފެއްދި ކޮމެޑީ ފިލްމު “ޖޯކަރު“ ޕްރިމިއާކޮށްފި އެވެ. ރަތް ދޫލަ އިވެންޓެއްގައި ޕްރިމިއާކުރި މި ފިލްމު ބެލުމަށްފަހު ހުރިހައި ބެލުންތެރިންގެ ކޮމެންޓްތައް ވެސް ހުރީ ވަރަށް ފައްސިކޮށްކަން ފާހަގަކޮށްލެވެ އެވެ. ފުރަތަމަ ޝޯ ދެއްކީ ހައުސްފުލްކޮށް ކަން ފާހަގަކޮށްލެވެ އެވެ.

މުނިއަވަސް އިން ފިލްމަށް ދިޔައީ މުނިއަވަސްގެ ސީއީއޯ އަޙްމަދު ރަޝީދު (އަންނާރޭ) އަދި މުނިއަވަސް ކްލަބްހައުސްގެ ޕްރެޒެންޓަރ ލައިނާ އިބްރާހީމެވެ.

ފިލްމު “ޖޯކަރު“ ބެލުމަށްފަހު ފިލްމާމެދު އަޙްމަދު ރަޝީދު (އަންނާރޭ)ގެ ފީޑްބެކް ހިއްސާކޮށްލާނަމެވެ. އަންނާރޭ އަކީ ފިލްމެއް ބަލައި ނިމިގެން އެ ފިލްމާމެދު ދެކޭ ގޮތް އެއްވެސް ފޮރުވުމެއް، އޮފުކުރުމެއް ނެތި ހާމަކުރާ ފަރާތެއްކަން ފާހަގަކޮށްލަމެވެ.

ފިލްމު “ޖޯކަރު“ މިއީ ރީތި، މޮޅު ކޮމެޑީއެއްގެ ގޮތުގައި ފާހަގަކުރަމުން އަންނާރޭ ހިއްސާކުރި ނުކުތާތައް ހިއްސާކޮށްލާނަމެވެ. މި ފިލްމަކީ ރާއްޖޭގެ މިހާރު މިއޮތް ސިޔާސީ ކަންތަައްތަކާ ވަރަށް ބޮޑަށް ގުޅުވާލައިގެން ގެނެސްދީފައިވާ ފިލްމެއް ކަމަށްވެސް އަންނާރޭ ފާހަގަކުރި އެވެ.

@muniavas JOKARU Premier event #contentcreators #maldivestiktok🇲🇻 #fyp #foryou #viralvideo #fvpviral #foryoupage #dhivehi #jokaru @EP @Shy Production mv ♬ original sound – MUNIAVAS

“ސަޅިބައިސާ ސީރީޒްގެ ނިމާލްގެ ކެރެކްޓަރ، މި ފިލްމާ ވަރަށް ބޮޑަށް ގުޅުވާލަފަ ހުރި. ހުރިހާ ތަރިންގެ އެކްޓިން ވަރަށް މޮޅު، ވަކީން ޚާއްޞަކޮށް ނިމާލް ވަރަށް މޮޅު.

ސްޓޯރީ ގެނެސްދީފަ އިން ގޮތް ވަރަށް މޮޅު. ފިލްމުގެ ނިމުން ގެނެސްދީފަ ވާގޮތް ފުރިހަމަކަން ފާހަގަކޮށް، ފިލްމު ނިމިގެން ފިލްމަށް ދިޔަ އެންމެން ކަހަލަ ގޮތަކަށް އެއްކޮށް އަތްޖަހާ ތަޢުރީފުކޮށްފައިވޭ.

ބެލުންތެރިން އެއްކޮށް ހެއްވައިލި މޮޅު ޑައިލޮގުތަކެއް ފެނިގެން ދިޔަ.

ޚާއްޞަ ފެނިލުމެއްގައި ޔޫއްޕެގެ ‘ފަރި ހަރަކާތެއް’ ފެނިގެން ދިޔަ.

ފިލްމުގެ މަންޒަރުތައް ކެމެރާކޮށްފައި ހުރި ގޮތް ވަރަށް ސާފު. މަންޒަރުތައް ނެގުން ވަރަށް ފުރިހަމަ.

ޝީލާ އަދި ނާއްކޮގެ ތަފާތު އެކްޓިންއެއް ފެންނަ ރޯލެއް ހިމެނޭ.

ސިޔާސީ މި ދުވަސްވަރާ ގުޅުވާލާ ގޮތަށް ބައެއް މަންޒަރުތަކާ ޑައިލޮގުތައް ގެނެސްދީފައި ހުރި.

މިއީ ފިލްމުގެ ނިންމުން ވެސް ވަރަށް މޮޅަށް ގެނެސްފަ ހުރި ފިލްމެއް. ފިލްމު ނިމެންދެން ބަލައިގެން ނޫނީ ފިލްމުގެ ވާހަކަ އޮތް ގޮތް ނޭނގޭހާ މޮޅަށް ފިލްމު ގެނެސްދީފައި އޮތްކަން ފާހަގަވި.”

– އަޙްމަދު ރަޝީދު (އަންނާރޭ) / މުނިއަވަސް ސީއީއޯ

ފިލްމު “ޖޯކަރު“ ބެލުމަށްފަހު އަންނާރޭ ފާހަގަކުރީ އެންމެ ނައްސި ކަމެކެވެ. ނަމަވެސް އަންނާރޭގެ އެ ފާހަގަކުރެވުމަކީ ދިވެހި ފިލްމީ ފަންނާނުންގެ އަދަދު މަދުވެފައި، އެވެނި މިވެނި މީހެއްގެ އަޑު ޖެހޭ އިރަށް އެއީ ކާކުގެ އަޑެއްކަން ދިވެހީންނަށް އެނގޭތީ ވީގޮތެއް ކަމަށްވެސް ވެދާނެ އެވެ. ކޮންމެއަކަސް މި ފިލްމާމެދު އަންނާރޭގެ ހިތްހަމަޖެހުން ހުރީ ސަތޭކައިގައެވެ. ހިތްހަމަ ނުޖެހުނު ތަންކޮޅުވެސް ފާހަގަކޮށްލަން ވާނެތާއެވެ.

“ފިލްމުގައި އީމާއުގެ ކެރެކްޓަރ އަށް ޑަބްކޮށްފަ ހުރީ ޒިޔާ، އެކަމުގެ އޮޑްކަމެއް ފާހަގަވި.”

– އަޙްމަދު ރަޝީދު (އަންނާރޭ) / މުނިއަވަސް ސީއީއޯ

ފިލްމު “ޖޯކަރު“ގެ މައިގަނޑު ކާސްޓުގައި ހިމެނެނީ ވެޓަރަން އެކްޓަރ އަޙްމަދު ނިމާލް، ހުނަރުވެރި އެކްޓަރު އަޙްމަދު ސަޢީދު، ޢަލީ އާޒިމް (ދޮން އައްޔަ)، ޝީލާ ނަޖީބް، ނާޝިދާ މުޙައްމަދު (ނާއްކޮ)، އިބްރާހީމް ރަޝީދު މޫސާ (ބްރޯ)، މުޙައްމަދު ރިފްޝާން (ރިއްޕެ)، ހަމްދާން ފާރޫޤް، ޝަހީދާ އަޙްމަދު، އީމާއު، މޫސާ އަލީފް އަދި ނަދުވީ ފަދަ ފަންނާނުން ހިމެނެއެވެ.

ފިލްމު “ޖޯކަރު” އަކީ ޔޫއްޕެ ލިޔެ ޑައިރެކްޓްކޮށް ގެނެސްދޭ ފިލްމެކެވެ. ޕްރޮޑިއުސްކުރީ އިސްމާޢީލް ޝަފީޤް އަދި ޢަލީ ޝާނީޒް މުޙައްމަދު އެވެ. ކެމެރާކުރީ ޝިވާޒް (މާސްކޭ) އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: