މިއަހަރު ދެކުނު އިންޑިއާގެ ފިލްމު އިންޑަސްޓްރީގައި ނެރޭނެ އެންމެ ވަރުގަދަކަމަށް ބެލެވޭ “ކޭޖީއެފް 3″، “ކަލްކީ 2898 އޭޑީ”، “ޕުޝްޕާ 2” އަދި “ސަލާރް” ފަދަ ފިލްމުތަކުން އަނެއްކާވެސް ސައުތު ބޮކްސް އޮފީހުގައި ރަސްކަން ކުރާނެކަމަށް ބެލެވެއެވެ. ނަމަވެސް މީގެތެއިން ގިނަ ފިލްމްގެ ޕޯސްޓް ޕްރޮޑަކްޝަން ނުނިމޭ ކަން ފާހަގަ ކުރެވެއެވެ.

ދެން އެންމެ އަވައަށް ނެރޭނެ ބޮޑު ފިލްމަކީ ލޯކޭޝް ކަނަގް ރާޖާ ޑައިރެކްޓް ކުރާ ތަލަޕަތީ ވިޖޭގެ “ލިއޯ : ބްލަޑީ ސްވީޓް” ކަމަށް ފިލްމީ ޚަބަރުތައް ގެނެސްދޭ މަސްދަރުތަކުން ޚަބަރު ދެއެވެ. އަންނަމަހުގެ 19 ވަނަ ދުވަހު ރިލީޒް ކުރަން ހަމަޖެހިފައިވާ މި ފިލްމުގެ އެޑްވާންސް ބުކިން މިމަހުގެ 7 ވަނަ ދުވަހު އިނގިރޭސިވިލާތުގައި ފެށިއިރު ފިލްމުގެ ޓިކެޓަށް ވަނީ ބޮޑު ތަރުހީބެއް ލިބިފައެވެ. މިވަގުތު 175 ޝޯއަށް 92 ލޮކޭޝަނެއްގައި ހުޅުވާފައިވާ މި ފިލްމު 5500 އަށް ވުރެ ގިނަ ޓިކެޓް ވަނީ ވިކިފައިއެވެ. އެންމެ 12 ގަޑިއިރުގެ ތެރޭގައި ޓިކެޓްގެ ސޭލްސް 76000 ޑޮލަރު އަށް ވުރެ މައްޗަށް ގޮސްފައިވެ އެވެ. މި އަދަދަކީ މަދު އަދަދެއްގެ ތަންތަނުގައި ދެއްކުމަށް ހުޅުވާލައިގެން ލިބުނު އަދަދެކެވެ.

މި ފިލްމަކީ ވިޖޭގެ “މާސްޓަރ” ގެ ކާމިޔާބީއަށް ފަހު ޑައިރެކްޓަރު ލޯކޭޝް ކަނާގަރާޖްގެ ޖޯޑު އަނބުރާ އަންނަ ފިލްމެކެވެ. އަދި ޑައިރެކްޓަރު ލޯކޭޝް ކަނާގަރާޖް ބުނެފައި ވާކަމަށް ވަނީ ކަމަލް ހަސަންގެ “ވިކްރަމް” އާއި ވިޖޭގެ “ލިއޯ” ކަހަލަ ފިލްމުތައް ސްޕްއި ޔުނިވާސް އެއްގެ ތެރެއަށް ގެނެސް އެއްކޮށްލާ ލޯކޭޝްގެ ސިނަމެޓިކް ޔުނިވާސްގެ ބަޔަކަށް ހަދާނެކަމަށެވެ.

17 އަހަރަށް ފަހު ވިޖޭ އާއި ޓްރިޝާ ވެސް އެކުގައި ކުޅޭ ފިލްމަކަށް މިވަނީ “ލިއޯ” ވެފައެވެ. މި ފިލްމަކީ ސަންޖޭ ދަތު ކުޅޭ ދެވަނަ ތަމަޅަ ފިލްމެވެ. ފުރަތަމަ ފިލްމަކީ “ކޭ.ޖީ.އެފް 2” އެވެ. “ލިއޯ”ގައި ސަންޖޭ ދަތު ކުޅެނީ ވިޖޭގެ ބައްޕަގެ ރޯލެވެ. އެންމެ ފަހުން ވިޖޭގެ ރިލީސްވި ފިލްމް “ބީސްޓް” އަށް ބެލުންތެރިންގެ ފަރާތުން ވަނީ ބޮޑުތަރުހީބެއް ލިބިފައެވެ.

“ލިއޯ” ޝޫޓް ކުރަންފެށީ މި އަހަރުގެ ޖެނުއަރީ މަހުގައެވެ. މި ފިލްމު ރިލީޒްކުރާނީ ތަމަޅަ، ޓެލަގޫ، ކަންނާޑާ އަދި ހިންދީ ބަހުންނެވެ. ފިލްމު “ލިއޯ” ސިނަމާގައި ރިލީޒް ކުރުމަށް ހަމަޖެހިފައިވަނީ 19 އޮކްޓޯބަރ 2023 ގައި ސްޓޭންޑަރޑް، އައިމެކްސް އަދި އެހެނިހެން ޕްރީމިއަމް ފޯމެޓްތަކުގައެވެ.

ލިޔުންތެރިޔާގެ ފުރަމަލަ

އަޙްމަދު ޝާހް ޢަލީ
އަޙްމަދު ޝާހް ޢަލީ
ދިވެހި ފިލްމީ ދާއިރާގެ އެފުށާއި މިފުށް ރަނގަޅަށް ދަންނަ ކުރީގެ އެކްޓަރ އަދި މިހާރު ފިލްމު ޕްރޮޑިއުސްކުރާ ޝާހް ޚާއްޞަވަނީ ބޭރުގެ ފިލްމީ ޚަބަރު ލިޔުމަށެވެ.

ގުޅުންހުރި ލިޔުން: