އަދުގެ ޒުވާން ޖީލަށް އެންމެ ކަމުދާ ސްޓައިލްގައި ހިތްގައިމު ފިލްމީ އުފެއްދުންތަކެއް ގެނެސްދެމުން އަންނަ ‘އައި ފިލްމްސް‘ އަދި ‘ކަޒްމިކް އިންޓަނޭޝަނަލް’އިން އެކްޓްކުރަން ޝައުޤު ހުންނަ ހުނަރުވެރި އެކްޓަރުން ހޯދަން ބޭނުންވެގެން އިޢުލާނުކޮށްފި އެވެ.
‘އައި ފިލްމްސް‘ އަދި ‘ކަޒްމިކް އިންޓަނޭޝަނަލް’އިން މިއަދު އާއްމުކުރި ހޮވެލި އިޝްތިހާރެއްގައި ބުނެފައިވަނީ އެކްޓްކުރުމަށް ޝައުޤުވެރިވާ ހުނަރުވެރި ފިރިހެން އަދި އަންހެން އެކްޓަރުން ހޯދަން ބޭނުންވާ ކަމަށެވެ. އަދި މިކަމަށް ޝައުޤުވެރިވާ ފަރާތްތަކުން 7242555 ނަންބަރަށް ވައިބަރު މެދުވެރިކޮށް މެސެޖްކުރުމަށް އެދިފައިވެއެވެ.
އެކްޓްކުރުމަށް ޝައުޤުވެރިވާ ފަރާތްތަކުން ވައިބަރަށް މެސެޖްކުރާއިރު އެ މެސެޖްގައި ފުރިހަމަ ނަން، އުމުރު، އެންމެ ފަހުގެ ފޮޓޯއެއްގެ އިތުރުން އެކްޓަރަކަށް ވާން ބޭނުންވާ ސަބަބު އެއް ޖުމުލައިން ބަޔާންކުރުމަށްވެސް ބުނެފައިވެއެވެ. މިއީ ހުރިހައި އުމުރުފުރާއެއް އަދި ހިއްކަސް، ފަލަޔަސް، އިސްކޮޅުން ދިގަސް އަދި ކުރަސް، ހުނަރުހުރި ފަރާތްތަކަށް ހުޅުވާލާފައިވާ ރަނުގެ ފުރުޞަތެއްކަން ފާހަގަކޮށްލެވެއެވެ.
‘އައި ފިލްމްސް‘ އިން މިހައިތަނަށް އައިއިރު ގެނެސްދީފައިވާ އުފެއްދުންތަކުގެ ތެރޭގައި ފީޗާ ފިލްމު “ބަވަތި“، ވެބް ސީރީޒް “ބިރުވެރި ވާހަކަ” އަދި ފީޗާ ފިލްމު “ނީނާ” ހިމެނެއެވެ. މިދިޔަ މަހު ހައެއްގައި ރިލީޒްކުރި ފިލްމު “ނީނާ“ގެ ކާމިޔާބު ތިރީސް ޝޯ މާލޭގައި ދައްކާފައިވެއެވެ. މީގެ އިިތުރުން ބައެއް ރަށްރަށުގައިވެސް މި ފިލްމު ދައްކާފައިވާއިރު، ރަށްރަށުގައި ފިލްމު ދައްކަން ބޭނުންވާ ފަރާތްތަކަށް އެ ފުރުޞަތު މިހާރުވެސް ވަނީ ހުޅުވައިލެވިފަ އެވެ. ރަށްރަށުގައި ފިލްމު “ނީނާ” އަޅުވަން ބޭނުންވާ ފަރާތްތަކުން ވެސް 7242555 އަށް ގުޅުމަށް އައި ފިލްމްސް އިން އެދެއެވެ.
ފިލްމީ މަސައްކަތުގައި ‘އައި ފިލްމްސް‘ އާއެކު މަސައްކަތް ކުރަމުން އަންނަ ‘ކަޒްމިކް އިންޓަނޭޝަނަލް’ އިން “މަޒްލޫމް” އަދި “ދަރަކަ” ވެބް ސީރީޒް ގެނެސްދީފައިވާއިރު، މި އަހަރު ނޮވެމްބަރު 04ގައި އެ ޕްރޮޑަކްޝަންގެ ފުރަތަމަ ފީޗާ ފިލްމު “ފްރީ ޑެލިވަރީ” ރިލީޒްކުރުމަށް މިހާރު ތިބީ ތައްޔާރުވެގެންނެވެ.
އައި ފިލްމްސްގެ ފިލްމު “ބަވަތި” އަދި “ނީނާ“ގެ އޮންލައިން މީޑިއާ ޕާޓްނަރުކަމާއި ކަޒްމިކްގެ ފުރަތަމަ ފީޗާ ފިލްމު “ފްރީ ޑެލިވަރީ“ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
