ކަޒްމިކް އިންޓަނޭޝަނަލްގެ ފުރަތަމަ ފީޗާ ފިލްމު “ފްރީ ޑެލިވަރީ”ގެ ޕްރޮމޯޝަނަލް ލަވަ މިއަދު ރިލީޒްކޮށްފި އެވެ. މިއަދު މެންދުރު ފަހު ދޭއްޖެހިއިރު ނެރުނު މި ފޯރިގަދަ ލަވައިން ފިލްމުގެ މަޖާ މަންޒަރުތަކެއް ފެނިގެންދެއެވެ.
އިލްޔާސް ވަހީދު ޑައިރެކްޓްކޮށްފައިވާ ފިލްމު “ފްރީ ޑެލިވަރީ”ގެ ޕްރޮމޯޝަނަލް ލަވަ ކިޔާފައިވަނީ ބަޖިއްކޮ އަދި ހުމޭ އެވެ. ނަމަވެސް ލަވައިގެ ބައެއް ބައިތައް މި ފިލްމުން ފެނިގެންދާ ދެ ތަރިން ކަމަށްވާ އިފްނާޒް އަދި ޝާރިފް ވެސް ކިޔާފައިވެ އެވެ.
04 ނޮވެމްބަރު 2023ގަ ރިލީޒްކުރާ ފިލްމު “ފްރީ ޑެލިވަރީ”ގެ ޕްރޮމޯޝަނަލް ލަވައިގެ މިއުޒިކް ހެދީ ޝަހީދު ލިގެސީ އެވެ. ރާގު ހެދީ އިލްޔާސް ވަހީދެވެ. ޅެން ހަދާފައިވަނީ އިލްޔާސް ވަހީދުގެ އިތުރުން ޕްރޮޑިއުސަރ އާސިމް ޢަލީ (ސިމްބެ)އެވެ.
ކޮމެޑީ ފިލްމު “ފްރީ ޑެލިވަރީ”ގެ މައިގަނޑުކާސްޓުގައި ތާތި އާދަމް، އައިޝާ ޢަލީ، ރައުފަތު ޞާދިޤް، އަޙްމަދު ޝާރިފް، ވާޝިޔާ މުޙައްމަދު، ހާޒިފް މުޙައްމަދު، ފަޒިލް ފަޔާޒް، އިމާދް ޢަލީ، ފާޠިމަތު ލަޠީފާ، މަރިޔަމް ވަހީދާ (ޔަމް)، މުޙައްމަދު ސާމިހް، ޢަބްދުﷲ ސަމޫހް، މުޙައްމަދު މައިޝަމް، ޢަލީ އިނާޒް، އިބްރާހީމް ފައިރޫޒް، ސާމީ ޙުސައިން ދީދީ އަދި އަޙްމަދު ޝާކިރު (ޝާއްކޮ އައްމަޑޭ) ހިމެނެއެވެ.
މި ފިލްމަކީ އާސިމް ޢަލީ އަދި އާމިރާ ޢަލީގެ ދެބެއިންނާއި އިލްޔާސް ވަހީދު (އިއްލެ) ޕްރޮޑިއުސްކޮށްފައިވާ ފިލްމެކެވެ.
ފިލްމުގެ އެޑިޓިން ހެދީ މުޙައްމަދު ޢަބްދުލް ޣަނީ (ޑޫ މޯރ) އެވެ. މިއުޒިކް ހަދާފައިވަނީ އިއްލެގެ “ނީނާ”ގެ ވެސް ހިތްގައިމު މިއުޒިކް ހެދި ޝަހީދު ލިގެސީ އެވެ.
ކަޒްމިކް އިންޓަނޭޝަނަލްގެ ފުރަތަމަ ފީޗާ ފިލްމު “ފްރީ ޑެލިވަރީ”ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
