ކަޒްމިކް އިންޓަނޭޝަނަލްގެ ފުރަތަމަ ފީޗާ ފިލްމު “ފްރީ ޑެލިވަރީ”ގެ ޕްރޮމޯޝަނަލް ލަވަ، ‘ފްރީ ޑެލިވަރީ‘ މިހާރު ސްޕޮޓިފައި އިން ވެސް އަޑުއަހައިލެވޭނެ އެވެ. 515 މިލިޔަނަށް ވުރެން ގިނަ މީހުން ބޭނުންކުރަމުން އަންނަ ސްޕޮޓިފައި އިން ފިލްމު “ފްރީ ޑެލިވަރީ”ގެ ތިން ލަވަ އަޑުއަހައިލެވެން ހުރިކަން ފާހަގަކޮށްލެވެ އެވެ.

އިލްޔާސް ވަހީދު ޑައިރެކްޓްކޮށްފައިވާ ފިލްމު “ފްރީ ޑެލިވަރީ”ގެ ޕްރޮމޯޝަނަލް ލަވަ ‘ފްރީ ޑެލިވަރީ‘ ކިޔާފައިވަނީ ބަޖިއްކޮ އަދި ހުމޭ އެވެ. ނަމަވެސް ލަވައިގެ ބައެއް ބައިތައް މި ފިލްމުން ފެނިގެންދާ ދެ ތަރިން ކަމަށްވާ އިފްނާޒް އަދި ޝާރިފް ވެސް ކިޔާފައިވެ އެވެ.

04 ނޮވެމްބަރު 2023ގަ ރިލީޒްކުރާ ފިލްމު “ފްރީ ޑެލިވަރީ”ގެ ޕްރޮމޯޝަނަލް ލަވައިގެ މިއުޒިކް ހެދީ ޝަހީދު ލިގެސީ އެވެ. ރާގު ހެދީ އިލްޔާސް ވަހީދެވެ. ޅެން ހަދާފައިވަނީ އިލްޔާސް ވަހީދުގެ އިތުރުން ޕްރޮޑިއުސަރ އާސިމް ޢަލީ (ސިމްބެ)އެވެ.
ފިލްމު “ފްރީ ޑެލިވަރީ”ގެ ޕްރޮމޯޝަނަލް ލަވަ، ‘ފްރީ ޑެލިވަރީ‘ ޔޫޓިއުބުންވެސް ބަލައިލެވެން ހުންނާނެ އެވެ.

މުނިއަވަސްގެ ކިޔުންތެރިންނަށް ‘ފްރީ ޑެލިވަރީ‘ގެ ލިރިކްސް ހިއްސާކޮށްލާނަމެވެ.

ފްރީ ޑެލިވަރީ

ފަލަވިއްޔާ ފަލައޭ، ބުންޏަސް ވެސް އޯކޭ ވާނެ،
ކޮއްފާ މަލާމާތް ފަހަތުން ނުދުވޭ،
ކުރުވިއްޔާ ކުރޭ. ބުންޏަސް ވެސް އޯކޭ ވާނޭ،
ފީތާ ހިފައިގެން ފަހަތުން ނާދޭ،

ފަސް އިނގިލި ޔޫގެ އެއްވަރުހޭ؟
ނޫނީ ކަލޭ ފުރިހަމަހޭ؟
ސިކްސް ޕެކް ނެތީމާ ސޮރީ،
ޖިމްއަށް ކަލޭ ޕޭ ކޮއްދީ،
ނިންމާފާ ޖިމް ގެއަށް ގޮއްސަދެން ޑައިލް ކުރާނީ ….
ފްރީ ޑެލިވަރީ * 3
ބިރިޔާނި ކާނީ،
ފްރީ ޑެލިވަރީ * 3
ކޮއްތެއް، ލާޖް
ފްރީ ޑެލިވަރީ * 3
ޓޫނާ ރައިސް، އެންޑް ވަން ކޯކް ޕްލީސް …..

ކާލައިގެން ހައި ނުފިލާނޭ
ކިހިނެއްވީ؟ މަށަށް ނުވާނެ؟
ޖިމްއަށް ދޭން ލާރި ނުވާނޭ
ފަލަވީމާ މަަށަށް ބަވާނޭ
ކުރުވީމާ ބިޓުން ނުވާނޭ
ދިގުވީމާ ކަމަކު ނުދާނޭ
ހިކިވީމާ ވަޔާ ދާނޭ
ރަނގަޅު އެއްގޮތް ނުވާނޭ
އެންމެނަށް ފަސޭހަވާނޭ
އޯޑަރުކޮށްލައިގެން ގެއަށް؟ ވާނޭ
ޕިއްޒާ ރައިސް ފިޒީ ބޮވާނޭ،
މިގޮތް މާ އީޒީ ވާނޭ
ގެއަށް ގެނެސް ކާލަން
ފްރީ ފްރީ ފްރީ ފްރީ
ފްރީ ޑެލިވަރީ * 3

ކުރުވީމާ ސައިޒެއް ނުލިބުނަސް އޯކޭ ވާނެ،
ކޮށްލާނީ ޝެއިން އިން އޯޑަރ މިރޭ،
ކުޑަވީމާ ޝޫޒްއެެއް ނުލިބުނަސް އޯކޭ ވާނޭ،
ކަލޭގެ ކިޑްގެ ކޮރޮކްއެއް ގެނޭ،

ދިގު ވިއްޔާ ހަރުގަޑެކޭ ތީ،
ކުރުވިއްޔާ ދަރިއެއް ހޭ ތީ،
ބަސް ބުނުމުން އައި ވީ ގޯސްހޭ،
ކަލޭ މަލާމާތް ކުރިޔަސް އޯކޭ
ތިހާ ދެރަވަންޏާ އައި އަށް ގަތްދީ ސިކްސް އިންޗް ހީލް އެއް ….
ފްރީ ޑެލިވަރީ * 3
އެންމެން ބޭނުން،
ފްރީ ޑެލިވަރީ * 3
ހެދިކާ ލިބޭ ….
ފްރީ ޑެލިވަރީ * 3

އޯޑަރ ކުރާތާ ހަފްތާއެއް ތެރޭގަ ލިބިވަޑައިގަންނަވާނެ …. ޝުކުރިއްޔާ ….

ކޮމެޑީ ފިލްމު “ފްރީ ޑެލިވަރީ”ގެ މައިގަނޑުކާސްޓުގައި ތާތި އާދަމް، އައިޝާ ޢަލީ، ރައުފަތު ޞާދިޤް، އަޙްމަދު ޝާރިފް، ވާޝިޔާ މުޙައްމަދު، ހާޒިފް މުޙައްމަދު، ފަޒިލް ފަޔާޒް، އިމާދް ޢަލީ، ފާޠިމަތު ލަޠީފާ، މަރިޔަމް ވަހީދާ (ޔަމް)، މުޙައްމަދު ސާމިހް، ޢަބްދުﷲ ސަމޫހް، މުޙައްމަދު މައިޝަމް، ޢަލީ އިނާޒް، އިބްރާހީމް ފައިރޫޒް، ސާމީ ޙުސައިން ދީދީ އަދި އަޙްމަދު ޝާކިރު (ޝާއްކޮ އައްމަޑޭ) ހިމެނެއެވެ.

މި ފިލްމަކީ އާސިމް ޢަލީ އަދި އާމިރާ ޢަލީގެ ދެބެއިންނާއި އިލްޔާސް ވަހީދު (އިއްލެ) ޕްރޮޑިއުސްކޮށްފައިވާ ފިލްމެކެވެ.

ފިލްމުގެ އެޑިޓިން ހެދީ މުޙައްމަދު ޢަބްދުލް ޣަނީ (ޑޫ މޯރ) އެވެ. މިއުޒިކް ހަދާފައިވަނީ އިއްލެގެ “ނީނާ”ގެ ވެސް ހިތްގައިމު މިއުޒިކް ހެދި ޝަހީދު ލިގެސީ އެވެ.

ކަޒްމިކް އިންޓަނޭޝަނަލްގެ ފުރަތަމަ ފީޗާ ފިލްމު “ފްރީ ޑެލިވަރީ”ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: