ދިވެހި ފިލްމު ބަލާހިތެއް ނުވޭ، ދިވެހި ފިލްމުގަ ކޮލިޓީއެއް ނުހުންނާނޭ، ދިވެހީން ހާވާނީ ހަޑިއޭ ބުނެ ދިވެހި ފިލްމީ އުފެއްދުންތަކަށް ހަޖޫޖަހައި މަލާމާތްކުރާ ފަރާތްތަކުގެ ވިސްނުން ބަދަލުކުރަން ބަޔަކަށް ކުރެވޭނެ ކަމެއް ނޯންނާނެކަން މިއީ އެނގޭ ކަމެކެވެ. ނަމަވެސް އެއްޗެއްގެ ހުރި މޮޅުކަމެއް، ދެރަކަމެއް އެނގޭނީ އެއެއްޗެއްގެ އަޖުމަ ބަލައިލައިގެން ކަން މިއީ އެންމެންވެސް ދަންނަ ޙަޤީޤަތެކެވެ. އިރެއްގައި އުފެއްދި ދިވެހި ފިލްމުތައް އެ ބުނާހެން ‘ކަޑަޔަސް’ މިހާރު މިއީ އެހެން ޒަމާނެކެވެ. މި ޒަމާނުގެ ދިވެހި ފިލްމެއް ބަލައިގެން މެނުވީ މިހާރު އުފައްދާ ދިވެހި ފިލްމުތަކުގެ އަގުކުރާކަށް ހަމަ ހިލާވެސް ނޭނގޭނެއެވެ.

07 އޮކްޓޫބަރު 2023ވީ ހޮނިހިރު ދުވަހުގެ ރޭ އޮލިމްޕަސް ސިނަމާގައި ރިލީޒްކޮށްފައިވާ ދިވެހި ބިރުވެރި ފިލްމު “ކަޅަކި” ބަލަމުން ދިޔައިރު، ސިނަމާ ހޯލުތެރެއިން އަޑުފަށްގަނޑު ކަނޑައިގެން ނުދެއެވެ. ހަޅޭއްލަވާ އަޑެވެ. ރުއިމުގެ އަޑެވެ. ބިރުން ސިއްސައިގެން ގޮސް އަނގައިން ބޭރުކޮށްލެވޭ އާހްގެ އަޑެވެ.

“މިއީ މިހައިތަނަށް ދިވެހީން އުފައްދާފައިވާ އޮތް އެންމެ މޮޅު، އެންމެ ބިރުވެރި ފިލްމު. ފިލްމާމެދު ބުނާނެ އެއްޗެއް ނޭނގޭ. ފިލްމު ބަލައިލުމުން ނޫނީ މި ފިލްމުގެ މޮޅުކަމާ ސަޅިކަމެއް ނޭނގޭނެ. މިއީ ދިވެހިން ފަޚުރުވެރިވާ ފަދަ އައުޓްސްޓޭންޑިންގ މަސައްކަތެއް.“

– ފިލްމު “ކަޅަކި” ބެލި މީހެއް

ފިލްމު “ކަޅަކި” ބަލަން މުނިއަވަސް އިން ސިނަމާއަށް ދިޔަ މުނިއަވަސްގެ ސީއީއޯ އަޙްމަދު ރަޝީދު (އަންނާރޭ) ވެސް މި ފިލްމާމެދު ބުނީ މިއީ ވަރަށް މޮޅު ފިލްމެއް ކަމަށެވެ. ތަރީންގެ އެކްޓިން ވަރަށް މޮޅު ކަމަށެވެ. މޭކަޕްގެ ކޮލިޓީކަމުގެ ވާހަކަތައްވެސް އެތައް ފަހަރަކު ފާހަގަކުރިއެވެ.

@muniavas KALHAKI Audience Reaction #fvpシ #fvpviral #foryoupage #maldives #foryou #maldivestiktok #muniavasnews #dhivehi #kalhaki #niuxofilms ♬ original sound – MUNIAVAS

ސިނަމާ ހޯލުތެރޭގައި ވަރަށް ފޯރިހުރިކަން ތަކުރާރުކޮށް ފާހަގަކުރަމުން އެކަމުގެ ހެކިވެސް ހިއްސާކުރިއެވެ.

“ފިލްމު ވަރަށް މޮޅު. ތަރިންގެ އެކްޓިން ވަރަށް މޮޅު. ވާޝިޔާ 👏👏. ފިލްމުގެ ކްލައިމެކްސް (ކުންނު) ވަރަށް ތަފާތު. މޭކަޕް ސްޕަރބް، ހަޤީޤަތުގައިވެސް މޭކަޕް ވަރަށް މޮޅު.

އިންގްލިސް ހޮރޯ މޫވީސްތަކާ ރޭންކްކޮށްލެވޭ. މިއީ މިހާތަނަށް ބެލުނު އެންމެ މޮޅު ދިވެހި ބިރުވެރި ފިލްމު.“

– މުނިއަވަސްގެ ސީއީއޯ އަޙްމަދު ރަޝީދު (އަންނާރޭ)

ފިލްމުން ފާހަގަކޮށްލެވުނު މޮޅު ކަންކަމުގެ އިތުރުން، ފިލްމުގައި ހުރި ބައެއް މައްސަލަތައް ކަމަށް އަންނާރޭއަށް ޤަބޫލުކުރެވޭ ބައެއް ކަންކަން ވެސް ހިއްސާކުރި އެވެ.

“ހަމަ އެކަނި އިޝޫއަކީ ބެކް މިއުޒިކް، ޑަބިން، އެޑިޓިން އިޝޫސް.“

– މުނިއަވަސްގެ ސީއީއޯ އަޙްމަދު ރަޝީދު (އަންނާރޭ)

ފިލްމުގައި ހުރި ރަނގަޅުކޮށްލަން ޖެހޭ ބައެއް ކަންކަން ފާހަގަކުރިޔަސް، އެ ހުރިހާ ކަމެއް ފަނޑުކޮށްލާހާ މޮޅަށް ފިލްމުގެ ޑައިރެކްޝަން، މޭކަޕް، ކެމެރާކުރުން، އިފެކްޓްތައް، ލައިޓިން ފަދަ ގިނަ ކަންތައްތަކެއްގެ ފުރިހަމަކަމުން މިއީ ކޮލިޓީ އުފެއްދުމެއް ކަމަށް ފިލްމު ބެލި ފަރާތްތަކުން ފާހަގަކުރެއެވެ.

@muniavas KALHAKI Releasing on 07.10.2023 @ecreativemedia @eupeonline0 @neumamohamed77 @lark4050 #onlinemedia #fvpシ #fvpviral #maldivestiktok ♬ original sound – MUNIAVAS

ފިލްމުގައި ހަރަކާތްތެރިވެފައި ހުރިހާ ތަރިންގެ އެކްޓިން މޮޅުކަން މިއީ ޕްރިމިއާ ޝޯއަށް ދިޔަ ގިނަ ބަޔަކު އިއްތިފާޤްވާ ކަމެކެވެ. ތަރިންގެ ތެރެއިން ވާޝިޔާގެ ހުނަރުވެރިކަމުގެ ވާހަކަ މާބޮޑަށްވެސް ބެލުންތެރިން ފާހަގަކުރެއެވެ.

“ބުނާނެ އެއްޗެއް ނެތް ޑިއަރ ވާޝިޔާ. ޔޯރ އެކްޓިންގ ވޯޒް ހަމަ އައުޓްސްޓޭންޑިންގ. ކީޕްއިޓް އަޕް❤️.“

– ހުނަރުވެރި ފިލްމީ ތަރި އަޒޫ

އަޒޫ އިތުރަށް ބުނެފައިވަނީ ފިލްމުގެ ހުރިހާ ކާސްޓުންގެ އެކްޓިން ވެސް ވަރަށް ވަރަށް މޮޅު ކަމަށާ އާމިނަތު ރިޝްފާގެ ހުނަރުވެރި މޮޅު އެކްޓިންއިން ފެނިގެން ދިޔައީ ރިޝްފާ ހަމަ އަސްލަށްވެސް ބިރުގެންފައި ހުރި ގޮތަށް ކަމަށެވެ. މީގެ އިތުރުން ފިލްމުގެ މޭކަޕްތައް ހެދި މޭކަޕް އާޓިސްޓުގެ ހުނަރަށާއި ޔޫއްޕެގެ ހުނަރުވެރި ޑައިރެކްޝަނަށްވެސް ތަޢުރީފުކޮށް އަޒޫ ކޮމެންޓްކޮށްފައިވެއެވެ.

@muniavas KALHAKI Premier event #fvpシ #fvpviral #foryoupage #maldives #foryou #maldivestiktok #muniavasnews #dhivehi #kalhaki #niuxofilms @EP @neumamohamed77 ♬ original sound – MUNIAVAS

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: