ރާއްޖޭގެ މަޝްހޫރު ފިލްމީ ތަރި އަދި ޑައިރެކްޓަރ/ޕްރޮޑިއުސަރ ޢަލީ ސީޒަން ފިލްމީ މަސައްކަތުން ދުރަށްޖެހިލައި ބްރޭކެއް ނަގަން ނިންމައިފި އެވެ.

ފިލްމީ ދާއިރާގައި ފިލްމު ކުޅުމާއި ޑައިރެކްޓްކުރުން އަދި ފިލްމީ ހުރިހައި ކަމަކުން ސީޒަން ދުރަށްޖެހިލަން ނިންމާފައިވަނީ ކޮން ސަބަބަކާ ހުރެކަން ސީދާ ބުނެފައެއް ނުވެއެވެ.

“މިވަގުތު ދެން މަސައްކަތްތަކާ އަދި އެހެން ކަންކަންވެސް ހުރީމަޔާ އެއްކޮށް އިހަށް މި ވިސްނަނީ ދެން ބްރޭކެއް ފިލްމީ މަސައްކަތުން ނަގަން.

އެހެން ނަމަވެސް ފަހަރެއްގަވެސް އެއްކޮށް ފިލްމީ ދާއިރާއާ ވަކިވެގެން ދިއުމެއް ނޫން. ދެން ވަކިވެން ދާކަށް ފަސޭހައެއްވެސް ނުވާނެކަން ނޭނގެ އެތައް ޒަމާނެއް ވަންދެން އެއްކޮށް މަސައްކަތްކޮށްފަ ތިބި ހަމަ ވަރަށް ގާތް އެއްބަނޑު އެއްބަފާ އިހްސާސްކުރެވޭ ވަރަށް ބައިވަރު ފަންނާނުންތަކެއް މި އުޅެނީ.

ދެން އެހެން ނަމަވެސް މިވަގުތު ކަންކަން ހުރިގޮތުން ފިލްމީ ދާއިރާއާ ކުޑަ ދުވަސްކޮޅަކަށް ހަމަ ދުރަށް ޖެހިލުމުގެ ވިސްނުން މިހާރު މިހުރީ.”

– ޢަލީ ސީޒަން : އެކްޓަރ / ޑައިރެކްޓަރ އަދި ޕްރޮޑިއުސަރ

@muniavas @Seaxanali Taking A Break #fvpシ #fvpviral #foryoupage #maldives #foryou #maldivestiktok #breakingnews #muniavasnews #dhivehi #sproductions #dhivehifilm ♬ Breaking News, TV Shows, Report, Broadcast, Live, Serious, Business, World(1323125) – SAKUMAMATATA

ސީޒަންގެ ފިލްމީ މަސައްކަތްތަކަށް ބަލައިލާއިރު، އެންމެ ފަހުން ސީޒަންގެ އެސްޕްރޮޑަކްޝަންގެ ބޮޑު ހިއްސާއަކާ އެކު ގެނެސްދީފައިވަނީ ސިންގަޅަ ފިލްމު “ކައުޝީ”އެވެ. މީގެ އިތުރުން މިމަހު 07 ވަނަ ދުވަހުގެ ރޭ އޮލިމްޕަހުގައި ރިލީޒްކުރި ނިޢުމާ މުޙައްމަދުގެ “ކަޅަކި” ފިލްމުގައިވެސް ސީޒަންގެ މުހިންމު ރޯލެއް ފެނިގެންދެއެވެ.

ކިޔެވުން ނިންމައިލުމަށްފަހު ފިލްމީ ދާއިރާއަށް ވަނުމަށް 1998 ވަނަ އަހަރު މަސައްކަތްކުރަމުން ދަނިކޮށް ޓީވީ ސްކްރީނުން ފެނިލުމަށް ސީޒަން އަށް އަލަތު ފުރުޞަތު ލިބިގެން ދިޔައީ ސީޒަންގެ އުމުރުން 22 އަހަރުގައެވެ. އެއީ ޓީވީއެމްގެ ހޭޔަންބޯ ޕްރޮގްރާމުގެ 200 ވަނަ އެޕިސޯޑްގައި ގެނެސްދިން އާޅެމަކުންނެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: