އިވެންޓް ކަވަރޭޖް އަދި ފޮޓޯގްރަފީ: ފާޠިމަތު ޒުހުދާ (ޒުހޫ)

13 އޮކްޓޫބަރު 2023 – މިއަދު ގެ މެޗުތަކުން މޮޅުވީ ކްލަބް ޑްރެގަންސް، ޗެލެންޖާރސް އަދި ޔަންގް ސްޓަރސް

ބ.ގޮއިދޫގައި މިއަދު ފަށައިގެން ކުރިއަށްދާ “މާމޮރިސް ގޮއިދޫ ކައުންސިލް ފުޓްސަލް ފިއެސްޓާ 2023″ގައި މިއަދު 3 މެޗެއް ކުޅެފައިވެއެވެ. މިއަދު ހަވީރު 4.30 ގައި ގޮއިދޫ ފުޓްސަލް ދަނޑުގައި މި މުބާރާތް ފަށާފައިވަނީ ޚާއްސަ ރަސްމިއްޔާތަކާއެކުގައެވެ. އެގޮތުން މުބާރާތުގެ ޝަރަފުވެރި މެހެމާން ބ. އަތޮޅުކައުންސިލްގެ ރައީސް އަފްރާހް ވަނީ މެޗް ބައްލަވާލެއްވުމަށް ވަޑައިގެންފައެވެ. މީގެ އިތުރުން ފަލަސްތީނުގެ ރައްޔިތުންނާއެކު ރަށުގެ ރައްޔިތުން ތިބިކަން ހާމަކޮށް ދިނުމުގެ ގޮތުން ސަޕޯޓަރުންނާއި ކުޅުންތެރިން އަޑުއުފުލުމުގެ ޚާއްސަ އިވެންޓެއްވެސް ވަނީ ބާއްވަފައެވެ.

މާމޮރިސް ގޮއިދޫ ކައުންސިލް ފުޓްސަލް ފިއެސްޓާ 2023 ފުރަތަމަ ދުވަހުގެ މެޗް – ފޮޓޯ: ޒީ ކްލިކްސް

މުބާރާތް ފެށުމުގެ ގޮތުން ފުރަތަމަ ކުޅެފައިވަނީ އަންހެން ޑިވިޝަނުގެ މެޗެކެވެ. މި މެޗުގައި ބައްދަލުކުރީ ފެހެންދޫ ޓީމާއި ކްލަބް ޑްރެގަންސްއެވެ. 12-01 ލަނޑުން މި މެޗް ޑްރެގަންސްއިން ވަނީ ފަސޭހަކަމާއެކު ކާމިޔާބުކޮށްފައެވެ. މެޗުގެ ފުރަތަމަ ލަނޑު ކާމިޔާކޮށްފައި ވަނީ ފެހެންދޫ ޓީމުން ބައިކޮޅަށް ވަން ގޯލަކާއެކުއެވެ. ޑްރެގަންސްގެ ލަނޑުތައް ކާމިޔާބުކޮށްދީފައިވަނީ ޖާޒީ ނަންބަރު 05ފާތިމަތު ޔޫހާ 01 ލަނޑު، ޖާޒީ ނަންބަރު 07 ފަރަހާ އަހްމަދު 06 ލަނޑު ، ތޯހިރާ އަހުމަދު 02 ލަނޑު އަދި މަޢިޝާ އަބްދުލް ހަންނާން 02 ލަނޑެވެ. ފެހެންދޫގެ ލަނޑު ކާމިޔާބުކޮށްދީފަ ވަނީ އެޓީމުގެ ޖާޒީ ނަންބަރު 06 އައިޝަތު މިޔާދާއެވެ. މި މެޗުގެ އެއްމެ މޮޅު ކުޅުންތެރިޔަކަށް ހޮވިފައިވަނީ ކްލަބް ޑްރެގަންސްގެ ފަރަހާ އަހްމަދެވެ.

މޮޅު ކުޅުންތެރިޔާ ކްލަބް ޑްރެގަންސްގެ ފަރަހާ އަހްމަދު – ފޮޓޯ: ޒީ ކްލިކްސް

މުބާރާތުގެ ފިރިހެން ޑިވިޝަންގެ މެޗުތައް ކުޅެފައިވަނީ މިރެއެވެ. އެގޮތުން ފުރަތަމަ ބައްދަލުކުރީ ޓީމް އެފް.ސީ ކަރާ އަދި ޗެލެންޖަރސް ސްޕޯރޓްސް ކްލަބެވެ. 03-06ން މި މެޗު ކާމިޔާބުކުރީ ޗެލެންޖާރސް އެވެ. ޗެލެންޖާރސްގެ ގޯލުތައް ކާމިޔާބުކޮށްދީފައިވަނީ ޖާޒީ ނަންބަރު 09 މުހައްމަދު ސާދް ނިޒާރް 03 ލަނޑު، ޖާޒީ ނަންބަރު 19 މުހައްމަދު ރީހާން، ޖާޒީ ނަންބަރު 30 މީސަމް ނައީމް އަދި ހަސަން ޒަރީރް 01ލަނޑެވެ. މި މެޗުގެ އެއްމެ މޮޅު ކުޅުންތެރިއަކަށް ހޮވިފައިވަނީ ޖާޒީ ނަންބަރު 07 އަހުމަދު ބައްސާމުއެވެ.

މޮޅު ކުޅުންތެރިއާ ޖާޒީ ނަންބަރު 07 އަހުމަދު ބައްސާމު – ފޮޓޯ: ޒީ ކްލިކްސް

ދެވަނަ މެޗުގައި ކިންގްސް ކްލަބް ބަލިކޮށް ޔަންގް ސްޓަރ ވަނީ 03-02ން ކުރި ހޯދާފައެވެ. ފުރަތަމަ ހާފު ނިމުނުއިރު ދެ ޓީމަށްވެސް ލަނޑެއް ކާމިޔާބު ވެފައެއް ނުވެއެވެ. އެހެން ނަމަވެސް ދެވަނަ ހާފުގެ ފުރަތަމަ މިނެޓުގައި ޔަންގް ސްޓާރސްގެ ޖާޒީ ނަންބަރު 17 އިބްރާހިމް މާޖިދު ޖެހި ލަނޑާއެކު ޔަންގް ސްޓަރސްއިން ލީޑު ނެގިއެވެ. މި މެޗުގައި ޔަންގް ސްޓަރސް ޖެހި 03 ލަނޑު ވެސް ކާމިޔާބުކޮށް ދީފައިވަނީ މާޖިދުއެވެ. ކިންގްސް ކްލަބުން ޖެހި ދެލަނޑު ޖަހާފައިވަނީ އެ ޓީމުގެ ޖާޒީ ނަންބަރު 07 ހަސަން މާހިރު (ހަންޓެ) އަދި އަލީ ޝައްފާފުއެވެ. އެއްމެ މޮޅު ކުޅުން ތެރިއަކަށް ހޮވިފައިވަނީ ޔަންގް ސްޓަރސްގެ އިބްރާހިމް މާޖިދެވެ.

މޮޅު ކުޅުން ތެރިޔާ ޔަންގް ސްޓަރސްގެ އިބްރާހިމް މާޖިދު – ފޮޓޯ: ޒީ ކްލިކްސް

މި މުބާރާތުގެ ކުޅުން މާދަމާ (14 އޮކްޓޫބަރު 2023، ހޮނިހިރު ދުވަހު) ވެސް އޮންނާނެއެވެ. މާދަމާ ހަވީރުވެސް ކުރިއަށްދާނީ އަންހެން ޑިވިޝަންގެ މެޗެކެވެ. މި މެޗުގައި ވާދަކުރާނީ ކްއީންސް އަދި ޓީމް ޗަޑްސްއެވެ. ފިރިހެން ޑިވިޝަންގައި ފުރަތަމަ ބައްދަލުކުރާނީ ކްލަބް ރޯޔަލް ފްރެންޑްސްއާއި ކްލަބް ޑްރެގަންސް އެވެ. ދެވަނަ މެޗުގައި އެފް.ސީ ކަރާ އަދި ކިންގްސް ކްލަބެވެ.

މުބާރާތުގެ މެއިން ސްޕޮންސަރަކީ މާމޮރިސް، ކޯ-ސްޕޮންސަރަކީ މަޖިލިސް މެމްބަރު ހިސާން ހުސައިންއެވެ. އޮންލައިން މީޑިއާ ޕާރޓްނަރަކީ މުނިއަވަސް، ފޮޓޯގްރަފީ ޕާރޓްނަރ ޒީ ކްލިކްސް އަދި ލައިވް ޕާރޓްނަރަކީ ތޯ ނެކްސަސްއެވެ.

@muniavas މާމޮރިސް ގޮއިދޫ ކައުންސިލް ފުޓްސަލް ފިއެސްޓާ 2023 ފުރަތަމަ ދުވަހުގެ މެޗްތައް #BaaGoidhoo #MARMORIS #MARMORISGoidhooCouncilFutsalFiesta2023 #muniavascreation #maldives #foryoupage #fyp #contentcreators #muniavas #fvpシ #fvpviral #maldivestiktok #futsalMV #zclicks_portraits #Zclicks ♬ original sound – MUNIAVAS

ލިޔުންތެރިޔާގެ ފުރަމަލަ

ފާޠިމަތު ޒުހުދާ (ޒުހޫ)
ފާޠިމަތު ޒުހުދާ (ޒުހޫ)
އަލިއަޅުވައިލަން ޖެހިފައިވާ މުހިންމު މައްސަލަތަކާއި ހާދިސާތަކަށް ވާހަކައާއި ރިޕޯޓް ލިޔުމަކީ ޒުހުދާގެ ޚާއްޞަ ދާއިރާއެކެވެ.

ގުޅުންހުރި ލިޔުން: