މިއަދު ކުރިއަށް ދިޔަ މާމޮރިސް ބ.ގޮއިދޫ ފުޓްސަލް ފިއެސްޓާގެ އަންހެން ޑިވިޝަންގައި ކްއީންސް އަދި ޓީމް ޗަޑްސް ބައްދަލުކޮށް 0-1ން ކްއީންސް ކުރި ހޯދައިފިއެވެ.
ލަނޑެއް ޖަހާނެ ގިނަ ފުރުސަތުތަކެއް ލިބުނު ނަމަވެސް ފުރަތަމަ ހާފު ނިމިގެންދިޔައީ ދެ ޓީމުން ކުރެ ޓީމަކަށްވެސް ލަނޑެއް ނުޖެހިއެވެ. މިއަދު މެޗުގައި ޖެހި ހަމައެކަނި ލަޑު ޖަހާފައިވަނީ ކްއީންސްގެ ޖޯޒީ ނަންބަރު 8 މަރިޔަމް ނަޒާހަތެވެ. މި މެޗުގައި މި މެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ ޓީމް ކްއީންސްގެ ގޯލް ކީޕަރ ޖޯޒީ ނަންބަރު 23 ނަޖުވާ ފާރޫގެވެ.
މި ޑިވިޝަންގެ މެޗެއް މާދަމާވެސް އޮންނާނެއެވެ. މާދާމާގެ މެޗުގައި ބައްދަލުކުރާނީ ކްލަބް ޑްރެގަންސް އަދި ކްއީންސްއެވެ. މި މުބާރާތުގެ އަންހެން ޑިވިޝަންގައި ހަތަރު ޓީމަކުން ވާދަކުރެއެވެ.
މި މުބާރާތުގެ ފިރިހެން ޑިވިޝަން ގައި މިރޭ ބައްދަލުކުރާނީ ކްލަބް ރޯޔަލް ފްރެންޑްސްއާއި ޑްރެގަންސްއެވެ. އަދި ދެވަނަ މެޗުގައި ބައްދަލުކުރާނީ އެފްސީ ކަރާ އަދި ކިންގްސް ކްލަބެވެ. މެޗްތައް ކައުންސިލްގެ އެފްބީ ޕޭޖުން ލައިވްކުރަމުންދާނެއެވެ. މިރޭގެ ވެސް މެޗްތައް ފެށުމަށް ހަމަޖެހިފައިވަނީ 20.00 ގައެވެ.
މުބާރާތުގެ މެއިން ސްޕޮންސަރ އަކީ މާމޮރިސް، ކޯ ސްޕޮންސަރ އަކީ މަޖިލިސް މެމްބަރ ހިސާން ހުސައިންއެވެ. އޮންލައިން މީޑިއާ ޕާރޓްނަރަކީ މުނިއަވަސް، ފޮޓޯގްރަފީ ޕާރޓްނަރ ޒީ ކްލިކްސް އަދި ލައިވް ޕާރޓްނަރަކީ ތޯ ނެކްސަސްއެވެ.
ލިޔުންތެރިޔާގެ ފުރަމަލަ
- އަލިއަޅުވައިލަން ޖެހިފައިވާ މުހިންމު މައްސަލަތަކާއި ހާދިސާތަކަށް ވާހަކައާއި ރިޕޯޓް ލިޔުމަކީ ޒުހުދާގެ ޚާއްޞަ ދާއިރާއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 21 އޮކްޓޯބަރ 2023ޚަބަރުއަންހެން ޑިވިޝަންގެ ޗެމްޕިއަންސްކަން ޗަޑްސްއަށް
- 21 އޮކްޓޯބަރ 2023ޚަބަރުފިރިހެން ޑިވިޝަންގެ ޗެމްޕިއަންކަން ޗެލެންޖާރސްއަށް
- 19 އޮކްޓޯބަރ 2023ޚަބަރުފައިނަލްގައި ޗެލެންޖާސް އަދި ރޯޔަލް ފްރެންޑްސް
- 18 އޮކްޓޯބަރ 2023ޚަބަރުޑްރެގަންސް ބަލިކޮށް ޗަޑްސް އިން ފައިނަލަށް
