ރާއްޖޭގެ ފިލްމީ ފަންނާނުންގެ ތެރެއިން އެއް ފަންނާނަކު، އަނެއް ފަންނާނު ކޮށްފައި ހުންނަ މަސައްކަތަށް ހެޔޮ ބަހެއް ބުނުން މިއީ މަދުން ހިނގާ ކަމެކޭ ބުނުމުގެ ފުރުޞަތު އޮތްކަމީ ހިތާމަކުރަން ޖެހޭ ހިތި ހަޤީޤަތެކެވެ. ނަމަވެސް ކަން އޮތް ގޮތަކީ މިއީއެވެ. ފޭސްބްކްގެ ބައެއް ޕޯސްޓްތަކުން މިހާރު ފެންނަ ބަހުރުވައިން އަހަރެންވެސް ރައްކާތެރިކަމުގެ ތަވީދެއް އެޅުމަށް ‘ދެން މަ މިހެން ބުނީމަ މަ ކާލިޔަސް ހެވޭ’ބުނެލާނަމެވެ.
“އަސްލު ފިލްމު “ކަޅަކި”ގަ ޔޫއްޕެ ބޭނުންކޮށްފަ ހުރި އާއްމުކޮށް ނުފެންނަ ތަފާތު މޮޅު ކަންކަން. ހަމަ ވަަރަށް ތަފާތު ޓެކްނިކް ބޭނުންކޮށްފަ ހުރި.“
– ޢަލީ ސީޒަން : އެކްޓަރ / ޑައިރެކްޓަރ އަދި ޕްރޮޑިއުސަރ
ފިލްމު “ކަޅަކި” ބެލުމަށްފަހު މުނިއަވަސްގެ ސީއީއޯ އަޙްމަދު ރަޝީދު (އަންނާރޭ) ދެއްކި ވާހަކަތައް އިތުރަށް ޔަޤީންކޮށްލުމުގެ ބޭނުމުގައި ސީޒަންކުރެން އަހަރެން ސުވާލުކޮށްލުމުން ފިލްމު “ކަޅަކި”އާ މެދު އޭނާ ދެކޭގޮތް ވަރަށް ‘ފްރޭންްކް’ކޮށް ހާމަކުރަމުން މި ދިޔަ މަހު 08ވަނަ ދުވަހު ބުނެފައިވެއެވެ.
މިއީ ފިލްމު “ކަޅަކި” އާމެދު ރާއްޖޭގެ ސީނިއާ ފިލްމީ ފަންނާނެއްގެ ބަހެވެ. މި ފިލްމު ބެލި އެންމެންވެސް ސިނަމާ ހޯލުން ނުކުތީ ސަޅި ފިލްމެއް ބަލައިލެވުނުކަމުގެ ހިތްހަމަޖެހުމާ އެކުގައެވެ. ފިލްމުގެ ކާމިޔާބު ޝޯތަކެއް ދައްކަމުން އަންނަ އިރު، މި ފިލްމުގެ އެންމެ ފަހު ޝޯ އޮންނާނީ 24 އޮކްޓޫބަރު 2023، އަންގާރަދުވަހުގެ ރޭގައެވެ.
ނިއުމާ މުހައްމަދުގެ ފިލްމު ކުންފުނި ނިއުޒޯ ފިލްމްސްގެ ފިލްމު “ކަޅަކި”ން ދައްކައިދެނީ ދިރިއުޅުމުގައި ކުރެވޭ ކަމަކުން ނުވަތަ އެޅޭ ޅައެއްޗެއްގެ ސަބަބުން ދިރިއުޅުން ޚަރާބުވެގެންގޮސްދާނެ ކަމެވެ. ފިލްމުގެ ހުރިހާ ތަރިންގެ ހުނަރުވެރި އެކްޓިން ފެނިގެންދަނީ ޔޫއްޕެގެ ފިލްމު ޕްރެޒެންޓިންގައި އެ ގެންގުޅޭ މޮޅު އުކުޅުތަކުގެ ސަބަބުންކަން ވަރަށްވެސް ސާފެވެ.
ފިލްމު “ކަޅަކި”ގެ ހުރި މޮޅުކަމެއް، ފިލްމުގެ ސަޅިކަމެއް މިހެން ލިޔެލާ އިބާރާތަކުން ސިފަކޮށެއް ނުދެވޭނެއެވެ. ފިލްމުގެ ސަޅިކަން އެނގޭނީ ފިލްމު ބަލައިލީމައެވެ.
ފިލްމުގެ މައިގަނޑު ކާސްޓަކީ ހަމަ ގައިމުވެސް ހުނަރުވެރި ކާސްޓެކެވެ. އެގޮތުން އަލީ ސީޒަން، ޔޫސުފް ޝަފީއު، މުހައްމަދު މަނިކު، އާމިނަތު ރިޝްފާ، ވާޝިޔާ މުހައްމަދު އަދި އާމިނަތު ލަހުފާގެ ހުނަރުވެރި އެކްޓިން ފެނިގެންދަނީ ޔޫއްޕެ ލިޔެ ޑައިރެކްޓްކޮށްފައިވާ މި މާސްޓާ ޕީސް ބިރުވެރި ފިލްމުންނެވެ.
ފިލްމުގައި އެންމެ ހުނަރުވެރި އެކްޓިންއެއް ދައްކާފައިވަނީ ވާޝިޔާ ކަމަށް ފިލްމު ބެލި ގިނަ ބަޔަކު އިއްތިފާޤްވެއެވެ. ޝިޔާ ކުޅެފައިވަނީ ރޫޙާނީ ބާރެއް އަވަލާފައިވާ މީހެއްގެ ކެރެކްޓަރއެކެވެ.
ފިލްމު “ކަޅަކި”ގެ މަންޒަރެއްގައި ޝިޔާ – ފޮޓޯ: ކަޅަކި ފޭސްބްކް ޕޭޖް
ޓިކެޓް ހޯދުމަށް 9494455 ނަންބަރަށް ގުޅައިލައިގެން ނުވަތަ ވައިބަރުން މެސެޖެއްކޮށްލައިގެން އެކަން ހަމަޖެހޭނެ އެވެ.
ފިލްމު “ކަޅަކިި”ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 24 ޑިސެމްބަރ 2024ޚަބަރުނިޝާ އާރްޖޭއަކަށް!
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
