އިލްޔާސް ވަހީދު ލިޔެ ޑައިރެކްޓްކޮށް އުފެއްދި ޑާކް ކޮމެޑީ ފިލްމު “ފްރީ ޑެލިވަރީ” ޕްރިމިއާކޮށްފި އެވެ. ކަޒްމިކް އިންޓަނޭޝަނަލްގެ ފުރަތަމަ ފީޗާ ފިލްމު ރިލީޒްކުރީ މިމަހު 04ވަނަ ދުވަހުގެ ރޭ އޮލިމްޕަހުގައި ބޭއްވި ރެޑް ކާޕެޓް އިވެންޓެއްގައެވެ. ފިލްމު ބެލި ފަރާތްތަކަށް ފުރިހަމަ ހިތްހަމަޖެހުމެއް މި ފިލްމުން ލިބިގެންދިޔަކަން ކޮމެންޓްތަކުން ވަރަށް ސާފެވެ.

“ތިޔަ އުނދަގޫ ޖޮންރާގެ ފިލްމު އުފެއްދުމުގައި ބޭނުންކުރި އުފެއްދުންތެރިކަމާ ފުރިހަމަކަމުގެ ސަބަބުން ހަޤީޤަތުގައި އަޅުގަނޑު ތިޔަ ފިލްމަށް ގެއްލެވުނު. ތިބާގެ (އިއްލެގެ) ހުނަރާއި މަސައްކަތަށް ހުރި އިޚްލާޞްތެރިކަން ހަމަ ކޮންމެ މަންޒަރަކުން ދައްކައިދޭ. އަދި ފިލްމު އުފެއްދުމުގައި އެތަކެއް ބައިވަރު ބުރަ މަސައްކަތްތަކަކާއި މިކަމަށް ހުރި ޝައުޤުވެރިކަން ބޭނުންކޮށްފައިވާކަމަށް ހެކިދޭ.”

– މުޙައްމަދު އާސިފު – އެސްއެސްނެޓްގެ ސީއީއޯ އަދި މީޑިއާގެ ތަޖުރިބާކާރެއް

މިއީ ފިލްމު “ފްރީ ޑެލިވަރީ” ބެލުމަށްފަހު ރާއްޖޭގެ މީޑިއާ ދާއިރާގެ ފުންނާބު އުސް ބޭފުޅެއް ކަމަށްވާ މުޙައްމަދު އާސިފް (މޮންދު)ގެ ފޭސްބްކްގައި ހިއްސާކުރެއްވި ހެޔޮވަރުގެ ބަޔާނެއްގައި ފާހަގަކޮށްފައިވާ ތަންކޮޅެއްގެ ތަރުޖަމާއެކެވެ.

ފިލްމުގެ ޕްރިމިއާ އިވެންޓް މުނިއަވަސް ޓިކްޓޮކުން ލައިވްކުރުމަށާއި ފިލްމު ބަލައިލުމަށް މުނިއަވަސްގެ ސީއީއޯ އަޙްމަދު ރަޝީދު (އަންނާރޭ) ދިޔަ އެވެ. ފިލްމު ބަލަމުން ދިޔައިރު، ފިލްމުގެ މަޖާކަމާއި އުފެއްދުންތެރިކަމުގެ ވާހަކަތައް މުނިއަވަސް ނިއުސް ޑެސްކް ވައިބަރ ގްރޫޕްގައި ހިއްސާކުރަމުން ދިޔައެވެ.

“މިހާތަނަށް ރާއްޖޭގަ ނެރުނު އެންމެ މޮޅު ކޮމެޑީ ފިލްމު “ފްރީ ޑެލިވަރީ” އަކީ.

ދުވަހަކުވެސް މަށެއް މިވަރަކަށް ނުހެން. މިރޭ ހީނހީނ ބަލިވެއްޖެ.“

– އަޙްމަދު ރަޝީދު (އަންނާރޭ) – މުނިއަވަސް ސީއީއޯ

ފިލްމު ބަލަމުން ދިޔައިރު އަންނާރޭ ހިއްސާކުރި އެވެ. ހޯލުތެރެއިން ހުނުމުގެ އަޑު އޭރުވެސް ކެނޑިގެން ނުދެއެވެ. ފިލްމުން ފެނިގެންދިޔަ އައު ތަރިންގެ އެކްޓިންގެ ހުނަރާއި އިއްލެގެ ޑައިރެކްޝަންގެ މޮޅުކަން އަންނާރޭ ފާހަގަކުރިއެވެ.

“ނިއު ކަމަރޒް އެކްޓަރޒް ވަރަށް މޮޅު. މޮޅު ޑައިރެކްޝަނެއް، ސްކްރީންޕްލޭ އަދި ބެކްމއިުޒިކް ވަރަށް މޮޅު.“

– އަޙްމަދު ރަޝީދު (އަންނާރޭ) – މުނިއަވަސް ސީއީއޯ

އަންނާރޭގެ ފޭސްބްކް މެދުވެރިކޮށްވެސް ފިލްމާމެދު އޭނާ ދެކޭ ގޮތް ހާމަކޮށްފައިވެއެވެ.

🎬 ލިޔެ ޑައިރެކްޓްކުރީ: އިލްޔާސް ވަހީދު (އިއްލެ)

🎦 ޕްރޮޑިއުސަރުން: އާސިމް ޢަލީ، އާމިރާ ޢަލީ އަދި އިލްޔާސް ވަހީދު

✂️ އެޑިޓިންގ: މުޙައްމަދު ޢަބްދުލް ޣަނީ (ޑޫ މޯރ)

♮ މިއުޒިކް: ޝަހީދު ލިގެސީ

📽️ ސިނަމޮޓޮގްރަފީ: ސަމާހް

ފިލްމުގެ ޓިކެޓު ގަތުމަށްޓަކައި 7242555 އަށް ވައިބަރުން މެސެޖު ކޮށްލުމުން ޓިކެޓުގެ ހުރިހާ ކަމެއް ހަމަޖެހިގެން ދާނެއެވެ. އެހެންކަމުން އޮލިމްޕަހަށް ނުގޮސް ފަސޭހަކަމާއެކު ޓިކެޓް ގަނެލެވޭނެ އެވެ.

“ފްރީ ޑެލިވަރީ”ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
• 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
• 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
• 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!