މިމަހު ހަތަރުވަނަ ދުވަހުގެ ރޭ އޮލިމްޕަހުގައި ރިލީޒްކޮށް މިހާރު ދައްކަމުން އަންނަ ދިވެހި ޑާކް ކޮމެޑީ ފިލްމު “ފްރީ ޑެލިވަރީ”ން ހަމަ ގައިމުވެސް ފްރީކޮށް ޑެލިވަރީކޮށްދޭ އެކައްޗެއް އެބަ އޮތެވެ. ނުހޭން އިނަސް ހަމަ ފްރީކޮށް ހެއްވާލާ މޮޅު އުކުޅުތައް ފިލްމުގެ ހަމަ ކޮންމެ އުންސުރެއްގައި ހިމަނާފައިވެއެވެ.

ކަޒްމިކް އިންޓަނޭޝަނަލްގެ ފުރަތަމަ ފީޗާ ފިލްމު ޑާކް ކޮމެޑީ “ފްރީ ޑެލިވަރީ” ބެލި އެންމެންގެވެސް ކޮމެންޓްތައް އަދި ހުރީ ހަމަ އެއްގޮތަކަށެވެ. މައިގަނޑު ގޮތެއްގައި ބުނަނީ ‘ހީނހީނ އަވަދިވެއްޖެ،’ ‘ދުވަހަކުވެސް ދިވެހި ފިލްމެއް ބަލާފަ މިވަރަށް ނުހެވޭ،’ ‘ހީނހީނ ބަނޑުގަ ގޮށްލައިފި،” ކަމަށެވެ.

ދިވެހި ޑާކް ކޮމެޑީ ފިލްމު “ފްރީ ޑެލިވަރީ” ޕްރިމިއާ ޝޯ ކުރިއަށްދިޔަ ވަގުތު ހޯލު ތެރެއިން އަޑުކޮޅެއް އަހަރުމެން ރެކޯޑްކޮށްލީމެވެ. އަޑުއަހައިލުމުން ބެލުންތެރިން އެ ބުނަނީ ރަނގަޅު ވާހަކަތަކެއްކަން އެނގޭނެއެވެ.

@muniavas FREE DELIVERY From Olympus #fvpviral #foryou #foryoupage #fvpシ #muniavasnews #dhivehifilm #freedelivery @Kazmik Audio by : @Ahmed Annaarey Rasheed ♬ original sound – MUNIAVAS

ފިލްމުގެ ޓިކެޓް ގަތުމަށް 7242555 ނަންބަރަށް ވައިބަރުން މެސެޖެއް ފޮނުވުމުން ޓިކެޓް ގަތުމުގެ ކަންކަން ހަމަޖެހޭނެ އެވެ.

ކޮމެޑީ ފިލްމު “ފްރީ ޑެލިވަރީ” އަކީ ބިޔަ ކާސްޓެއް ހިމެނޭ ފިލްމެކެވެ. އެގޮތުން ތާތި އާދަމް، އައިޝާ ޢަލީ، ރައުފަތު ޞާދިޤް، އަޙްމަދު ޝާރިފް، ވާޝިޔާ މުޙައްމަދު، ހާޒިފް މުޙައްމަދު، ފަޒިލް ފަޔާޒް، އިމާދް ޢަލީ، ފާޠިމަތު ލަޠީފާ، މަރިޔަމް ވަހީދާ (ޔަމް)، މުޙައްމަދު ސާމިހް، ޢަބްދުﷲ ސަމޫހް، މުޙައްމަދު މައިޝަމް، ޢަލީ އިނާޒް، އިބްރާހީމް ފައިރޫޒް، ސާމީ ޙުސައިން ދީދީ އަދި އަޙްމަދު ޝާކިރު (ޝާއްކޮ އައްމަޑޭ) ހިމެނެއެވެ.

އިލްޔާސް ވަހީދު (އިއްލެ) ލިޔެ ޑައިރެކްޓްކޮށްފައިވާ މި ފިލްމު އެޑިޓްކުރީ މުޙައްމަދު ޢަބްދުލް ޣަނީ (ޑޫ މޯރ) އެވެ. މިއުޒިކް ހަދާފައިވަނީ އިއްލެގެ “ނީނާ”ގެ ވެސް ހިތްގައިމު މިއުޒިކް ހެދި ޝަހީދު ލިގެސީ އެވެ.

“ފްރީ ޑެލިވަރީ”ގެ ޕްރޮޑިއުސަރުންނަކީ އާސިމް އަލީ، އާމިރާ އަލީ އިއްލެ އެވެ.

ފިލްމު “ފްރީ ޑެލިވަރީ”ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން އެވެ

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: