އެކްޓަރ/ޑިޒައިނަރ އަދި ނެށުންތެރިޔާ ޖާދުﷲ އިސްމާއިލަށް އެކްސިޑެންޓެއްގައި ސީރިއަސް އަނިޔާތަކެއް ވެފައިވާ ކަން މުނިއަވަސް އަށް އެނގިއްޖެ އެވެ.
ޖާދުﷲ އެކްސިޑެންޓްވީ ލަންކާގައެއެވެ. ލަންކާގައި ހުރި މުނިއަވަސްގެ ޕްރޮގްރާމް ހެޑް ޢާއިޝަތު ރިފްޒާ ބުނީ ޖާދުﷲ ގެ ދެކޮނޑަށާއި އަތަށް އަނިޔާވެފައިވާ ކަމަށެވެ.
އިތުރު މަޢުލޫމާތު ހިއްސާކުރަމުން ރިފްޒާ ބުނީ މިވަގުތު ޖާދުﷲ އޮތީ ލަންކާ ހޮސްޕިޓަލުގައި އެޑްމިޓްކުރެވިފައި ކަމަށެވެ.
“ޖާދުﷲ ގެ ފަހަތުން އައި އޮޓޯއެއް އޭނަގެ ގައިމައްޗަށް އެރީ.
ކަކުލުގަވެސް ނެތް އެއްވެސް މަސްކޮޅެއް. ދެ ކޮނޑުގެ ހުޅުން ނެއްޓިފަ، ވާތުގެ ތިން ތަނުން ބިންދައިގެން ގޮސްފަ. ފައިވެސް ބިންދައިގެން ގޮސްފަ.”
– މުނިއަވަސް ޕްރޮގްރާމް ހެޑް ޢާއިޝަތު ރިފްޒާ
ލަންކާ ހޮސްޕިޓަލުގައި އޮތް ޖާދުﷲ ގެ ހާލަތު އޮޅުންފިލުވައިދެމުން ރިފްޒާ ބުންޏެވެ.
“ޖާދުﷲ އަށް ވާހަކަދެއްކޭ. ނަމަވެސް އޭނަގެ މުޅި ގައިގަ ބެންޑޭޖް އަޅާފަ އޮތީ.
– މުނިއަވަސް ޕްރޮގްރާމް ހެޑް ޢާއިޝަތު ރިފްޒާ
ޖާދުއަށް މި އެކްސިޑެންޓް ކުރިމަތިވީ ރާއްޖެ އައުމަށް ފުރަން އޮތް ދުވަހު ކަމަށްވެސް ރިފްޒާ ރިޕޯޓްކުރެއެވެ.
މޯލްޑިވްސް ފިލްމު އެސޯސިއޭޝަންގެ ހިންގާ ކޮމެޓީގެ ޚަޒާންދާރުކަން ކުރަމުން އަންނަ ޖާދު ވަނީ ކުރިއަށް އޮތް ދައުރަށްވެސް އިންތިޚާބުވެފައެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 10 އޮކްޓޯބަރ 2024ޚަބަރު“އުދަބާނި” ފިލްމުގެ އުދަބާނިތައް އަތޮޅުތެރޭ ރަށްރަށުގައި ވަރަށް ވަރުގަދަ!
- 10 އޮކްޓޯބަރ 2024ޚަބަރުކޮކޯ ހަސަން ވަރުގަދަ ޗެލެންޖެއް ކުރަމުން “ގެއްލުނު ރޭ”
- 10 އޮކްޓޯބަރ 2024ޚަބަރުއިންޑިޔާގެ ރެކޯޑް ލޭބަލްގެ ދަށުން އަދުހަމްގެ ތިންވަނަ ލަވަ ނެރެފި
- 9 އޮކްޓޯބަރ 2024ޚަބަރު“ބިބީ” ރިލީޒްކޮށްފި، ބެލުންތެރިންގެ ތަޢުރީފު އޮހެނީ!