04 ޑިސެމްބަރު 2023 ން ފެށިގެން އޮލިމްޕަހުގައި ދައްކަމުން އަންނަ ފިލްމު “ނޮވެމްބަރ“ގެ ހިތްގައިމު ލަވަތައް ޑާކް ރެއިން އެންޓަޓެއިންމެންޓުން ވަނީ އާއްމުކުރަން ފަށާފައެވެ. އެގޮތުން ފިލްމުން އިވިގެންދާ ތިން ލަވައެއް މިހައިތަނަށް އާއްމުކޮށްފައިވެއެވެ.
🎵 ސަމުގާ – ސްކައި ރޮކް ބޭންޑް
މޯލްޑިވިއަން އައިޑަލް ގްރޭންޑް ފިނާލޭ ތެރެއިން އިވިގެން ދިޔަ މި ހިތްގައިމު ލަވަ ކިޔާފައިވަނީ މީރާ މުޙައްމަދު މާޖިދު އެވެ. ސަމުގާގެ މިސްރާބުތައް ކިޔައިދޭ ހިތްގައިމު ޅެންވެރިކަމެއް ހިމެނޭ މި ލަވައަކީ ދިވެހީންގެ އަމިއްލަ ރާގެއްގެ ލަވައެކެވެ. ލިރިކްޒް ހެދީ އީސަ އެވެ.
🎵 މޫސުމް – އޮރިޖިނަލް ސައުންޑް ޓްރެކް
ލަވަ ކިޔާފައިވަނީ މަރިޔަމް އަޝްފާ އެވެ. ޝަމްޢޫން މުޙައްމަދުގެ ޅެންވެރިކަމާއި ރާގު ހިމެނޭ މި ލަވައިގެ މިއުޒިކް ހެދީ ހުސައިން ތަޢުފީޤެވެ.
🎵 އިންތިޒާރޭ – އޮރިޖިނަލް ސައުންޑް ޓްރެކް
މިއީ އިކްއިޓިކް ވައިބްގެ ލަވައެކެވެ. މި ލަވަ ކިޔާފައި ވަނީ އެ ބޭންޑްގެ ލީޑް ވޯކަލިސްޓް ޝައްމޫނެވެ.
މި ހުރިހައި ލަވަތަކުންވެސް ފިލްމުން ފެނިގެންދާ ހިތްގައިމު މަންޒަރުތަކުގެ މިންވަރެއް ފެނިގެންދެއެވެ. އެގޮތުން ސިންގަޕޫރު، ލާާމު، އައްޑޫގެ މަންޒަރުތައް ފާހަގަކޮށްލެވެއެވެ.
ފިލްމު “ނޮވެމްބަރ“ގެ ޝޯތައް އޮލިމްޕަހުގައި ކުރިއަށްދާއިރު އަތޮޅުތެރޭގެ ބައެއް ރަށްރަށުގައިވެސް ނޮވެމްބަރު ދައްކަން ފަށާފައިވެއެވެ.
ޑާކް ރެއިން އެންޓަޓެއިންމަންޓުން އުފައްދާފައިވާ ފިލްމު “ނޮވެމްބަރ“ ވެގެން މިދަނީ ފުރަތަމަ ފަހަރަށް ބައިނަލްއަޤްވާމީ އެއަރލައިނެއްގެ އިންފްލައިޓް އެންޓަޓެއިންމަންޓް ލިސްޓެއްގައި ހިމެނިގެންދާ ދިވެހި ފިލްމުގެ ގޮތުގައެވެ. ރަޝިޔާ ބަހުން ޑަބްކޮށް, އެއަރ އަސްޓާނާގައި, މިއަންނަ ޖެނުއަރީން ފެށިގެން ފެބްރުއަރީ މަހުގެ ނިޔަލަށް, މި ފިލްމު ދައްކަމުންދާނެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
