01 ފެބްރުއަރީ 2024ވަނަ ދުވަހުގެ ރޭ އޮލިމްޕަސް ސިނަމާގައި ރިލީޒްކުރާ ދިވެހި ބިރުވެރި ފިލްމު “ކަންބަޅި” ޕްރޮމޯޓްކުރުމަށް ސްނެޕްޗެޓް ފިލްޓަރެއް އުފައްދައި ޢާއްމުކޮށްފިއެވެ.
އައިފިލްމްސް އިން މިއަދު ޢާއްމުރި ފިލްޓަރގައި ކަންބަޅީގައި ހުންނަ ކަހަލަ ދެ ދަޅު ހިމެނެއެވެ. މީގެ އިތުރުން ފިލްމު “ކަންބަޅި”ގެ ޓައިޓްލް ފޮންޓުން ފިލްމުގެ ނަންވެސް ހިމަނާފައިވެއެވެ.
ފިލްމު “ކަންބަޅި” ލެންސް ޓްރައިކޮށްލުމަށް!
“ކަންބަޅި” ފިލްމުން ދައްކައިދޭނީ ހުސްހަށިބައި މަންމައަކާއި އޭނާގެ ދަރިފުޅު، އައު އެޕާޓްމަންޓަކަށް ބަދަލުވުމާ އެކު ކުރިމަަތިވާ އާދަޔާޚިލާފު ބިރުވެރި ބައެއް ކަންކަމެވެ. ދެމައިންނަށް ދިމާވާ މި ކަންކަމުގެ ހަގީގަތް ހޯދަން މަންމަ މަސައްކަތް ކުރާއިރު ކުރިމަތިލާންޖެހޭ ބިރުބެރި ކަންތައްތަކެއް ފެނިގެންދާނެެެއެވެ. މިގޮތުން ބިރުވެރި ކަންކަން ދިމާވަނީ އެޕާޓްމަންޓްގެ ސަބަބުންތޯ، ނުވަތަ ކުއްޖާއާ އަވަލައިގެން އުޅޭ އެއްޗެއްގެ ސަބަބުންތޯ، ނުވަތަ އެއަށް ވުރެ ވެސް ބިރުވެރި އެހެން ކަމެއް އުޅެނީތޯ ހޯދަން ކުރާ މަސައްކަތްތަކެއް މި ފިލްމުން ފެނިގެންދާނެެެވެ.
އައިފިލްމްސް އިން ބިރުވެރި ފިލްމެއް އަލަށް އުފެއްދި ނަމަވެސް، “ބިރުވެރި ވާހަކަ” ނަމުގައި ކޮލިޓީ މަސައްކަތްތަކެއް ހިމެނޭ ކާމިޔާބު ބިރުވެރި ސީރީޒެއް އުފައްދައި ޢާއްމުކޮށްފައިވެއެވެ. މި ސީރީޒުން ރާއްޖޭގެ އުފެއްދުމަކުން މިހައިތަނަށް އައިއިރު ދައްކާފައިވާ ނުވާ އުފެއްދުންތެރި ސްޕެޝަލް އިފެކްޓްތަކެއް ފެނިގެންދެއެވެ. އެހެންކަމުން، ފިލްމު “ކަންބަޅި”ން ވެސް މޮޅު މަސައްކަތްތަކެއް ފެނިގެންދާނެ ކަމަށް އުއްމީދުކުރެވެއެވެ.
ބިރުވެރި ފިލްމު “ކަންބަޅި“ ކާސްޓްގައި ހިމެނޭ މުހިންމު ތަރިންގެ ތެރޭގައި ރަވީގެ ފާރޫގު، ނުޒުހަތު ޝުއައިބް، ވާޝިޔާ މުޙައްމަދު، ޝަރަފުއްދީން އަބްދުﷲ އަދި އަޙްމަދު އިފްނާޒް ފިރާޤް ހިމެނެއެވެ. މީގެ އިތުރުން އަލަށް ތައާރަފުވާ ތުއްތު އާޓިސްޓް، އުމުރުން 6 އަހަރުގެ ސާރާ ބިންތު މުހައްމަދު ފާރިޤްގެ މުހިންމު ރޯލެއްވެސް މި ފިލްމުން ފެނިގެންދާނެ އެވެ. އެގޮތުން ސާރާ ފެނިގެންދާނީ ފިލްމުގެ ލީޑްގެ ތެރޭގައި ހިމެނޭ ވަރަށް މުހިންމު ކެރެކްޓަރއަކުން ކަމަށް އައިފިލްމްސް އިން ބުނެއެވެ.
އާސިމް އަލީ އަދި އިލްޔާސް ވަހީދު ޕްރޮޑިއުސްކުރާ މި ފިލްމުގެ މިއުޒިކް ހަދަނީ ފިލްމު “ފްރީ ޑެލިވަރީ”ގެ ހިތްގައިމު މިއުޒިކް ހެދި ޝަހީދު ލިގެސީ އެވެ. ފިލްމުގެ ޕޯސްޓް ޕްރޮޑަކްޝަން މަސައްކަތްކުރަނީ އިއްލެގެ “ބަވަތި” އަދި “ނީނާ”ގެ ވެސް އެ މަސައްކަތްތައްކުރި އޯކޭޒް އިންކް އެވެ. ހަމަ އެހެންމެ ކެމެރާ ކުރަނީވެސް ފިލްމު “ފްރީ ޑެލިވަރީ” ކެމެރާކުރި ސަމާހް އިބްރާހިމް އެވެ.
ފިލްމުގެ ކާސްޓްގައި ހިމެނޭ ތާތި އާދަމް އަކީ މި ފިލްމުގެވެސް ޕްރޮޑަކްޝަން މެނޭޖަރެވެ.
އައިފިލްމްސްގެ ފުރަތަމަ ފިލްމު “ބަވަތި”ން ދިވެހި ފިލްމީ އުފެއްދުންތަކަށް އިތުރު ރަހަތަކެއް ގެނެސްދިން އިރު، ދެވަނަ ފީޗާ ފިލްމު “ނީނާ” ވެގެން ދިޔައީ މިހައިތަނަށް ދިވެހީން އުފެއްދި އެންމެ ވަރުގަދަ ފައިޓް ސީންތައް ހިމެނޭ ތަފާތު ފިލްމަކަށެވެ.
ފިލްމު “ކަންބަޅި“ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
