ރާއްޖޭގެ ރިސޯޓުތަކުގައި މަސައްކަތް ކުރުމަށް އެކަށީގެންވާ މިންވަރަށް ދިވެހި މިއުޒިޝަނުންނާއި ފަންނުވެރިން ނެތް ކަމަށް ޤަބޫލުކުރެވޭ ހެއްޔެވެ؟ ހަމަ ގައިމުވެސް ރާއްޖޭގައި ތިބި ދިވެހި މިއުޒީޝަނުން މިކަމަށް އެއްބަހެއް ނުވެއެވެ. ކަން މިހެން އޮތްނަމަވެސް ރާއްޖޭގެ ރިސޯޓު ވިޔަފާރިވެރީންގެ ޖަމިއްޔާ، މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީސް (މަޓީ) އިން ދެކޭ ގޮތް މުޅީން ތަފާތެވެ.
ރާއްޖޭގެ ރިސޯޓުތަކުގައި މަސައްކަތް ކުރުމަށް ދިވެހި މިއުޒިޝަނުންނާއި ފަންނުވެރިން ނެތް ކަމަށް ބުނެ އެފަދަ މަސައްކަތް ކުރާ ބިދޭސީންނަށް ވޯކް ވިސާ ހަމަޖައްސައިދިނުމަށް ރިސޯޓު ވިޔަފާރިވެރީންގެ ޖަމިއްޔާ، މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީސް (މަޓީ) އިން ސަރުކާރަށް ވަނީ ހުށައަޅާފަ އެވެ.
މަޓީން މިކަން ސަރުކާރަށް ހުށައެޅީ ޓޫރިޒަމް ސިނާއަތުގައި ހުރި މައްސަލަތަކެއް ފާހަގަކޮށް އެ ޖަމިއްޔާއިން ހުށަހަޅާ ކަންކަން ބަޔާންކޮށް ނެރުނު ކަރުދާހެއްގައެވެ. އެ ކަރުދާހުގައި ބުނެފައި ވަނީ ރާއްޖޭގެ ޓޫރިޒަމްގެ ޚިދުމަތްދޭ ތަންތަން އިތުރުވަމުންދާއިރު އެ ތަންތަނަށް ޚިދުމަތް ދޭނެ ވަރަށް ދިވެހި ފަންނުވެރިން ނެތް ކަމަށެވެ.
“ދިވެހި ޕާފޯމަރުންނާއި ފަންނުވެރިން ގާތްގަނޑަކަށް ނުވެސް ނެތް. ޓޫރިޒަމްގެ ހިދުމަތް ދޭ ތަންތަނަށް މިއުޒިކާއި އެންޓަޓެއިންމަންޓް ހިދުމަތްތަކީ ވަރަށް މުހިންމު ބައެއް.”
* މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީސް (މަޓީ)ގެ ކަރުދާހުން
އެކަމާ ގުޅިގެން އެ ޖަމިއްޔާއިން ސަރުކާރުގައި އެދިފައި ވަނީ ބޭރުގެ މިއުޒީޝަނުންނާއި, ޕާފޯމަރުން އަދި އެންޓަޓެއިނަރުންނަށް ވޯކް ވިސާ ދިނުމަށެވެ.
މަޓީން މިހެން ބުނެފައިވިޔަސް، ރާއްޖޭގެ މިއުޒިކީ ފަންނާނުންގެ ކަންބޮޑުވުންތައް މީސްމީޑިއާގައި ތިލަކުރަން ފަށާފައިވާކަން ފާހަގަކޮށްލެވެއެވެ. އެގޮތުން މިއުޒިޝަންސް ޔޫނިއަން އޮފް މޯލްޑިވްސް (އެމް.ޔޫ.އެމް) އިން ކަންބޮޑުވުން ފާޅުކޮށްފައިވެއެވެ.
While we’re open to welcoming foreign entertainers, it’s crucial to dispel the myth that our local talent is lacking.
Our homegrown musicians and performers are abundant, ready, and waiting for opportunities. Let’s not downplay their worth with unfounded statements. https://t.co/deaohW86m0
— Musicians’ Union of Maldives (@MUMaldives) January 23, 2024
އެމްޔޫއެމް އިން އާއްމުކުރި ޓްވީޓެއްގައި ބުނެފައިވަނީ ފުރުޞަތުތަކެއްގެ އިންތިޒާރުގައި ރާއްޖޭގެ ވަރަށް ގިނަ މިއުޒީޝަނުންނާއި ޕާރފޯމަރުން ތައްޔާރަށް އެބަތިބި ކަމަށެވެ. އެއްވެސް އަސާސެއް ނެތް ބަޔާންތަކުން އެފަދަ ފަންނާނުންގެ އަގުވައްޓައިނުލުމަށްވެސް އެންޔޫއެމްގެ ޓްވީޓްގައި ބުނެފައިވެއެވެ.
މީގެ އިތުރުންވެސް ގިނަ ކަންބޮޑުވުންތަކެއް، އެކްސް މެދުވެރިކޮށް އެމްޔޫއެމް އިން ހިއްސާކޮށްފައިވެއެވެ.
Rip into the reality! Our raw remarks on the talent scene demand your attention.
Read, feel the frustration, and rally for change. It’s time to roar for our local artists! No more silence, just action!@MMuizzu @lasiaF969 @AswardWaheed @em_saeed
— Musicians’ Union of Maldives (@MUMaldives) January 23, 2024
މިކަމާ ގުޅިގެން ވޭތުވެދިޔަ ސަރުކާރުގެ އާޓްސް މިނިސްޓަރ ޔުމްނާ މަޢުމޫނު ކުރެއްވި ޓްވީޓެއްގައި ބުނެފައިވަނީ:
“ރާއްޖޭގައި ވަރަށް ގިނަ ހުނަރުވެރި މިޔުޒިޝަނުންނާއި ފަންނާނުން އެބަތިބި. ރާއްޖޭގެ ރިސޯޓުތަކުންނާއި ގެސްޓް ހައުސްތަކުން ދިވެހި މިޔުޒިޝަނުންނަށާއި ފަންނާނުންނަށް އިސްކަންދޭންޖެހޭ. ދިވެހި ފަންނާނުންނަށް ކުރިއަށް ދެވޭނީ ރިސޯޓުތަކުންނާއި ގެސްޓް ހައުސްތަކުން ފުރުސަތުތައް ލިބިގެން.“
* ޔުުމްނާ މަޢުމޫން
މަޓީން މިހެން އެދިފައިވިޔަސް ދިވެހިރާއްޖޭގައި ބިދޭސީން ވަޒީފާ އަދާކުރުމާ ބެހޭ ގަވާއިދަށް (ގަވާއިދު ނަންބަރ 2-R/2020) ގެނެވުނު 1 ވަނަ އިސްލާހު ގެ 13 ވަނަ މާއްދާގެ (ށ) ގެ 6ގައި ވާ ކޯޓާ ދޫކުރެ ވޭ މަގާމުތަކާއި ކޯޓާ ދޫނުކުރެވޭ މަގާމުތައް (ކޯޓާ އޮކިއުޕޭޝަން) ގެ ދަށުން ކޯޓާ ދޫނުކުރެވޭ ވަޒީފާތަކުގެ ތެރޭގައި މުނިފޫހިފިލުވުން ހިމެނޭ ކަމީ މިއުޒިކް ވެސް އޭގެ ތެރޭގައި ޝާމިލްވާ ގޮތަށް އޮތް މާއްދާއެކެވެ. އެހެންކަމުން މިފަދަ މަސައްކަތްތަކަށް ވިސާ ދޫނުކުރެވޭނެ ކަން ވަރަށްވެސް ސާފެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
