އައިފިލްމްސްގެ ހަމަ ކޮންމެ އުފެއްދުމަކީ، މިއަދު ދިވެހި ފިލްމު އޯޑިއަންސް އެއަށް އިންތިޒާރުކުރަމުން އަންނަ އުފެއްދުމެއްކަން ކުރު މުއްދަތެއްގެ ތެރޭގައި ވަނީ ސާބިތުކޮށްދީފައެވެ. އެގޮތުން މިވަގުތު ބެލުންތެރިންގެ އިންތިޒާރު އެ ފިލްމަކަށް ހުއްޓިފައިވާ ބިރުވެރި ފިލްމު “ކަންބަޅި” ރިލީޒްކުރަން ދެން އޮތީ އެންމެ 02 ދުވަހެވެ.

“ކަންބަޅި” ފިލްމުން ތަފާތުތަކެއް ދައްކާނެ ކަމަށް ބެލެވޭއިރު، މި މަހު 29 ވަނަ ދުވަހު ރިލީޒްކޮށްފައިވާ މި ފިލްމުގެ ރަސްމީ ޕޯސްޓަރުން ވެސް ތަފާތުތަކެއް ދައްކައެވެ. ގިނަ ވާހަކަތަކެއް ބުނެދެއެވެ. ފިލްމުގެ ޓްރެއިލާއިން ފެނުނު މަންޒަރުތަކަށް ބަލާއިރު، މި ފިލްމުގެ ލީޑުން ފެންނަ ނުޒުހަތު ޝުއައިބް އަދި ވާޝިޔާ މުޙައްމަދަކީ ދެބެއިންނެވެ. ތުއްތު އާޓިސްޓް ސާރާ އަކީ ނުޒޫގެ ދަރިފުޅެވެ. މިފަހަރު އިއްލެމެން ދޫކޮށްލި ޕޯސްޓަރުން ނުޒޫ އަދި ވާޝިޔާ ފެންނަނީ ވެއަރވުލްފަށް އިންސާނުން ބަދަލުވާން އުޅޭއިރު ފެންނަ ފަދަ ޕޯޒްއެއްގައި ތިބޭތަނެވެ. ނުވަތަ ކޮންމެވެސް ރޫހާނީ ބާރެއްގެ ސަބަބުން ދެމީހުންގެ މޫނު، އުޑާ ދިމާއަށް އުފުލައިލައިގެން ތަންމިނަށް އަނގަހުޅުވިފައި، ދެލޯ ބޮޑުވެފައި، ގަޔަށް ބާރެއް އަރާފައި ތިބޭތަން ފެނެއެވެ. ޕޯސްޓަރުގެ މެދުގައި ސާރާ ހުންނަނީ ސޮފްޓް ޓޯއީއެއް ހިފައިގެންނެވެ. ސާރާގެ ދެލޯ ބޮޑުވެފައި އެ ހުރީ ބިރުންބާވައެވެ.؟ އަސްލު ރޫހާނީ ބާރެއްގެ ދަށުގައި ހުރީ ސާރާ ބާވައެވެ؟ ސާރާއަކީ ކަންބަޅި ބާވައެވެ؟ ….. ނޫނެކެވެ. ކަންބަޅިއަކަށް ވާނީ ދެން ތިބި މީހުން ކަމަށްވެސް ވެދާނެއެވެ.

ޕޯސްޓަރުގެ ދެ ފަރާތުން ދެން ފެންނަން ތިބީ ޝަރަފް އަދި އިފްނާޒެވެ. އަނެއްކާ ކަންބަޅި އަކީ މިއީ ނޫންބާވައޭވެސް ހިތަށް އަރައެވެ. ހަމަ ގައިމުވެސް މި ފިލްމުގެ ޑައިރެކްޝަންގައި އިއްލެއާއެކު ހަރަކާތްތެރިވި އިފްނާޒަށް ކަންބަޅިއަކީ ކާކުކަން ނުވަތަ ކޮން އެއްޗެއްކަން އެނގޭނެއެވެ.

އައިފިލްމްސްގެ ފިލްމު އުފެއްދުމުގެ ހަޔާތަށް އަދި ފަސްވަރަކަށް އަހަރު ވިޔަސް، މި ޕްރޮޑަކްޝަން ހައުސްއަކީ ބިރުވެރި ފިލްމު އުފެއްދުމުގައިވެސް ދެވަނައެއް ނެތް ބައެއްކަން “ބިރުވެރި ވާހަކަ” ސިލްސިލާއިން ވަނީ ސާބިތުކޮށްދީފައެވެ.

ކަންބަޅި” ފިލްމުގެ ޓިކެޓް އޮންލައިންކޮށް ގަތުމަށް 7242555 ނަންބަރަށް ވައިބައި/ވަޓްސްއެޕް/ޓެލެގްރާމް މެދުވެރިކޮށް މެސެޖެއް ކޮށްލާށެވެ. މެސެޖްކޮށްލާއިރު އަންނަނިވި ތަފުސީލުތައް ހިމަނައިލުމުން ދެފަރާތުގެ ވަގުތު ސަލާމަތްވެ، ޓިކެޓް ޕްރޮސެސްކުރުމުގެ މަރުހަލާ އަވަސްވާނެއެވެ.

🎫 ޓިކެޓް ނަގާ މީހާގެ ނަން
🎫 ޓިކެޓް ބޭނުންވާ ތާރީޚް / ޝޯ
🎫 ބޭނުންވާ ޓިކެޓްގެ ޢަދަދު

ފިލްމު “ކަންބަޅި”ގެ ވަނަވަރުތަކަށް ކުރުކޮށް، ފޮނިކޮށް ބަލައިލާނަމެވެ.

🎞️ ފިލްމު ނަން: ކަންބަޅި

🎞️ ބާވަތް : ބިރުވެރި
🎞️ ތަރިން : ނުޒުހަތު ޝުއައިބް، ވާޝިޔާ މުޙައްމަދު، ޝަރަފުއްދީން އަބްދުﷲ އަޙްމަދު އިފްނާޒް ފިރާޤް، ރަވީ ފާރޫޤް
🎞️ އަލަށް ތައާރަފްވަނީ : އުމުރުން 6 އަހަރުގެ ސާރާ ބިންތު މުހައްމަދް ފާރިޤް
🎞️ އިތުރު ތަރިންގެ ތެރޭގައި : ތާތި އާދަމް، މުޙައްމަދު އަފްރާހް، މޫސާ އަލީފް، ހާޒިފް މުހައްމަދު، އިންޓްރޮޑިއުސިންގް : މުހައްމަދު އިޝްފާން، އަލީ ނަދީހް (ޗަންނަ)، މުހައްމަދު ނަޖަހް އަހްމަދް ރައޫފް، ހުސައިން ސާމިހް މުހައްމަދު، ވިކީ، ފާތުމަތު ލަތީފާ، ދީނާ އަޙްމަދު (ޖެރީ)
🎞️ ވާހަކަ : އިލްޔާސް ވަހީދު
🎞️ ޕްރޮޑިއުސަރުން : އާސިމް އަލީ، އިލްޔާސް ވަހީދު
🎞️ މިއުޒިކް : ޝަހީދު ލެގަސީ
🎞️ ޕޯސްޓް ޕްރޮޑަކްޝަން : އޯކޭޒް އިންކް
🎞️ ޕްރޮޑަކްޝަން މެނޭޖަރ : ތާތި އާދަމް
🎞️ ކެމެރާ : ސަމާހް
🎞️ ޑައިރެކްޓަރުން : އިލްޔާސް ވަހީދު އަދި އަޙްމަދު އިފްނާޒް ފިރާޤް

ފިލްމު “ކަންބަޅި”ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: