އައިފިލްމްސްގެ ތިންވަނަ ފީޗާ ފިލްމު “ކަންބަޅި” ރިލީޒްކުރަނީ 01 ފެބްރުއަރީ 2024 ވާ ބުރާސްފަތި ދުވަހުގެ ރޭ އޮލިމްޕަސް ސިނަމާގައެވެ. ޚާއްޞަ ރެޑްކާޕެޓް އިވެންޓެއް އޮންނާނެ އެވެ. މި އިވެންޓްގައި މުނިއަވަސް ޓީމުން ބައިވެރިވާނެ އެވެ. އެގޮތުން ރާއްޖޭގައި އުފެދުނު އެންމެ މަޝްހޫރު އެކްޓްރެސް ޢާއިޝަތު ޝިރާނީ ވެސް މި ޓީމާއެކުގައި ބައިވެރިވާނެ އެވެ.
މުނިއަވަސް އިން އޮންލައިން މީޑިއާ ޕާޓްނަރކަން ކުރަމުން އަންނަ ފިލްމުތަކުގެ ޕްރިމިއާ ޝޯއަށް، މުނިއަވަސްގެ ‘ޚާއްޞަ މެންބަރ ޝިރާނީ’ ދާ ގޮތަށް ވަނީ ހަމަޖައްސާފައެވެ. އެގޮތުން މި ދިޔަ ޑިސެމްބަރު މަހު ރިލީޒްކުރި ފިލްމު ‘ނޮވެމްބަރ”ގެ ޕްރިމިއާގައިވެސް ޝިރާނީ ބައިވެރިވިއެވެ.
“މުނިއަވަސް އިން އޮންލައިން މީޑިއާ ޕާޓްނަރކަން ކުރާ ފިލްމުތަކުގެ ޕްރިމިއާ ޝޯއަށް އަޅުގަނޑުމެން ޓީމުގެ ޝަރަފުވެރި މެންބަރ ޝިރާނީ ގެންދަން ހަމަޖެއްސީ ދިވެހި ފިލްމު އުފައްދާ ފަރާތްތަކުގެ ފިލްމީ މަސައްކަތް ކުރިއެރުވުމަށް މުނިއަވަސް އިން ކުރަމުން މި އަންނަ މަސައްކަތަށް އިތުރު ‘ބޫސްޓެއް’ ދިނުމުގެ ގޮތުން. އެގޮތުން ކުރިން ޝިރާނީ މި ޓީމާއިއެކުގައި ބައިވެރިވި އިވެންޓުގެ ސަބަބުންވެސް ފިލްމު ޕްރޮމޯޓްވުމަށް އިތުރު ބާރެއް ލިބިގެން ދިޔަކަމަށް އަޅުގަނޑުމެން ޤަބޫލުކުރަން. ޝިރާނީ އެ އިވެންޓްގައި ބައިވެރިވުމަކީ ފިލްމުގެ ޕްރޮޑިއުސަރުން ފެށިގެންގޮސް، ހުރިހައި ކާސްޓުންނަށް ވެސް ލިބިގެންދިޔަ އުފަލަކާ ފަޚުރެއް ކަމަށް ޤަބޫލުކުރެވިގެން ދިޔަތަން އަޅުގަނޑުމެންނަށް ފެނި، ފާހަގަކުރެވުނު.”
* އަޙްމަދު ރަޝީދު (އަންނާރޭ) – މުނިއަވަސް ސީއީއޯ
ފިލްމު “ކަންބަޅި” ޕްރިމިއާ ޝޯއަށް ޝިރާނީ ދިއުމާއި ބެހޭގޮތުން މުނިއަވަސްގެ ސީއީއޯ އަޙްމަދު ރަޝީދު (އަންނާރޭ) އިތުރަށް ބުނީ މިއީ މުނިއަވަސްއަށް ވެސް ލިބިގެންދާ ޚާއްޞަ ޝަރަފެއްކަމަށެވެ.
“މުނިއަވަސް ޓީމުގެ މެންބަރެއްގެ ގޮތުގައި ޝިރާނީ ހުރުމަކީ އަޅުގަނޑުމެންނަށް ލިބޭ ވަރަށް ބޮޑު ޝަރަފެއް. އެކަމަށްޓަކައި އަޅުގަނޑުމެން އަބަދުވެސް ޝުކުރުވެރިވަން.
ފިލްމުތަކުގެ ޕްރިމިއާއަށް އަޅުގަނޑުމެންނާއެކު ޝިރާނީ ދިއުމުން، މިހާރުގެ ތަރިން، ޕްރޮޑިއުސަރުން އަދި ޑައިރެކްޓަރުންވެސް ބޭނުންވޭ ޝިރާނީއާއެކު ފޮޓޯ ނަގަން. ޝިރާނީއަށް މި ދާއިރާގެ ފަންނާނުން އިޙްތިރާމުކުރާ މިންވަރު ކުރީ ފަހަރުވެސް ފެނިގެންދިޔަ. އެހެންވެ މުނިއަވަސްއަށް އެންމެ ބޮޑު އިސްކަމެއް ފުރަތަމަ ދުވަހުން ފެށިގެން ދެމުން އަންނަ އައިފިލްމްސްގެ މި ޚާއްޞަ އިވެންޓްގައި އަޅުގަނޑުމެންނާއެކު ޝިރާނީ ބައިވެރިވާނެ، އިންޝާﷲ.”
* އަޙްމަދު ރަޝީދު (އަންނާރޭ) – މުނިއަވަސް ސީއީއޯ
ކުރީގެ ފިލްމީ ތަރި ޝިރާނީ ބުނީ ފުރުޞަތުތައް ލިބޭ ވަރަކުން، ވަގުތު އޮތްނަމަ ފިލްމުތަކަށް ދާނެ ކަމަށެވެ.
“ކަންބަޅި” ފިލްމުގެ ޓިކެޓް އޮންލައިންކޮށް ގަތުމަށް 7242555 ނަންބަރަށް ވައިބައި/ވަޓްސްއެޕް/ޓެލެގްރާމް މެދުވެރިކޮށް މެސެޖެއް ކޮށްގެން ކުރިއަށް ދެވޭނެއެވެ.
🎦 ފިލްމު “ކަންބަޅި“ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
