އައިފިލްމްސް އިން އެކިއެކި ޖޮންރާތައް ތަޖުރިބާކޮށްލައި ބެލުންތެރިންނަށް ތަފާތު، ކޮލިޓީ ރަނގަޅު އުފެއްދުންތަކެއް ގެނެސްދިނުމުގެ ގޮތުން މިފަހަރު އުފެއްދި ބިރުވެރި ފިލްމު “ކަންބަޅި” ޕްރިމިއާކޮށްފިއެވެ. މި ފިލްމު ޕްރިމިއާކުރީ 01 ފެބްރުއަރީ 2024 ވަނަ ދުވަހުގެ ރޭ އޮލިމްޕަސް ސިނަމާގައެވެ.

ފިލްމު “ކަންބަޅި” ބެލުމަށްފަހު ރާއްޖޭގެ ބައެއް ފަންނާނުންނާއި ފިލްމުގެ މަސައްކަތްތަކުގައި ހިމެނޭ އެކިއެކި ފަންނާނުން އަދި ބައެއް ބެލުންތެރިން މުނިއަވަސްއާ ހިއްސާކުރި ކޮމެންޓްތަކުން މި ފިލްމުން ހަމަ ރަނގަޅަށްވެސް ބިރުގަންނުވާލައިފި ކަން އެނގިގެން ދިޔައެވެ.

ފިލްމާމެދު ބައެއް ބެލުންތެރިން ބުނީ ފިލްމުން ފެނިގެން ދިޔައީ ‘ރިމާރކެބަލް’ މަސައްކަތްތަކެއް ކަމަށެވެ. ފިލްމުން ބިރުގަންނަވައިލިކަން ފާހަގަކުރަމުން، މި ފިލްމުގެ ތަރިންގެ އެކްޓްރިންގެ ސަޅި ވާހަކަވެސް ފާހަގަކުރިއެވެ. ވަކީން ޚާއްޞަކޮށް މި ފިލްމުގެ މުހިންމު ރޯލަކުން ފެނިގެންދާ އުމުރުން އެންމެ 06 އަހަރުގެ ސާރާ ބިންތު މުޙައްމަދު ފާރިޤްގެ އެކްޓިން މޮޅުކަން ފާހަގަކޮށްފައިވެއެވެ. މީގެ އިތުރުން މިހާރު ކުރިއަރަމުން އަންނަ އަލީފްގެ އެކްޓިންއަށާ ސާރާގެ އެކްޓިންއަށް ވާޝިޔާ ވެސް ތަޢުރީފުކޮށްފައިވެއެވެ. އަދި އިފްނާޒްގެ އަލަތު ޑައިރެކްޝަން ފެނިގެންދާ މި މަސައްކަތަށްވެސް ވާޝިޔާ ތަޢުރީފުކުރިއެވެ.

@muniavas Eynaa bunee keekay? @washiyamohamed #kanbalhithemovie @ifilmsmv @ahmedifnazfirag @nuzhathshuaib @thaathiadam @ruthbamua @shahydlegacy @orkeyz.inc ♬ original sound – MUNIAVAS

މުނިއަވަސް ޓިކްޓޮކް މެދުވެރިކޮށް ފިލްމާމެދު ދީފައި ހުރި ކޮމެންޓްތައް ކުރިއަށް އޮތް ދުވަސްތަކުގައި ހިއްސާކުރަމުން ގެންދާއިރު، ފިލްމުގެ ކޮލިޓީ ހުރީ ކިހައިވަރަކަށްކަން އެނގިގެންދާނެއެވެ.

ފިލްމު “ކަންބަޅި” ބަލައިގެން ނޫނީ އަސްލު ކަންބަޅިއަކީ ކާކުކަން ހަމަގައިމުވެސް ނޭނގޭނެއެވެ.

“ކަންބަޅި” ފިލްމުގެ ޓިކެޓް އޮންލައިންކޮށް ގަތުމަށް 7242555 ނަންބަރަށް ވައިބައި/ވަޓްސްއެޕް/ޓެލެގްރާމް މެދުވެރިކޮށް މެސެޖެއް ކޮށްގެން ކުރިއަށް ދެވޭނެއެވެ.

“ކަންބަޅި” ފިލްމުގެ ލީޑު ކާސްޓުގެ ގޮތުގައި ހިމެނެނީ އިއްލެގެ ހުރިހާ ފީޗާ ފިލްމުތަކުން ވެސް ލީޑުން ފެނިފައިވާ ނުޒުހަތު ޝުއައިބު (ނުޒޫ)އެވެ. ފިލްމުގެ އިތުރު ރޯލުތަކުން ފެންނާނީ އަހުމަދު އިފްނާޒު، ޝަރަފް އަބްދުﷲ، ވާޝިޔާ މުހައްމަދު، ރަވީ ފާރޫޤް، މުހައްމަދު އިޝްފާން، ހާޒިފް މުހައްމަދު އަދި މޫސާ އަލީފެވެ. މީގެ އިތުރުން ވަރަށް މުހިންމު ރޯލަކުން ތުއްތު އާޓިސްޓް ސާރާ ވެސް ފެނިގެންދާނެ އެވެ.

ފިލްމު “ކަންބަޅި” ލިޔެ ޑައިރެކްޓްކުރީ އިއްލެއެވެ. ފިލްމުގެ ޑައިރެކްޝަންގައި އިއްލެގެ އިތުރުން އިފްނާޒް ހަރަކާތްތެރިވިއެވެ. ފިލްމުގެ މިއުޒިކްގެ ހެދީ ޝާހިދު ލިގެސީއެވެ. ކެމެރާކުރީ ސާމިހް އެވެ. ފިލްމްގެ ޕްރޮޑަކްޝަންގައި އިއްލެއާއި އާޝިމް އަލީ ހިމެނެއެވެ. މި ފިލްމުގެ ޕޯސްޓް ޕްރޮޑަކްޝަންގެ މަސައްކަތްކުރީ “އޯކޭޒް އިންކް” އިންނެވެ.

🎦 ފިލްމު “ކަންބަޅި“ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން​

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: