04 ފެބްރުއަރީ 2024 ވަނަ ދުވަހުގެ ރެއިން ފެށިގެން އޮލިމްޕަހުގައި ދައްކަމުން އަންނަ “ކަންބަޅި” ފިލްމުގެ ވަރަށް ގިނަ ވާހަކަތައް ވަނީ އަޑުއިވިފައެވެ. މަޝްހޫރު މޫސީގާރު ޝަހީދު ލިގެސީ ތައްޔާރުކޮށްފައި ބެކްމިއުޒިކާއި ފިލްމުގެ ލަވަތަކުގެ މިއުޒިކްގެ މޮޅު ވާހަކަވެސް އޮތީ ވަރަށް ބޮޑަށް އިވިފައެވެ. މި ފިލްމުން ލާމަސީލު ލާމަށް ނިސްބަތްވާ މޫސާ އަލީފު ދައްކާފައިވަނީ ލާމަސީލު މޮޅު އެކްޓިންއެއް ކަމަށް ބެލުންތެރިންނާއި ދާއިރާގެ ފަންނުވެރިންގެ ވާހަތަކުންވެސް ވަނީ އެނގިފައެވެ. ހަމަ އެހެންމެ ފިލްމުން ފެންނަ މޭކަޕާއި ސްޕެޝަލް އިފެކްޓްސްތަކާއި ސިހުރުހާހޫރައިގެ ކަންތައްތައް އިއްލެގެ ޑައިރެކްޝަނުންނާއި އޯކޭޒް އިންކްގެ ޓެކްނިކަލް މަސައްކަތުން ގެނެސްދީފައިވާލެއް ފުރިހަމަކަމުގެ ވާހަކަތައްވެސް ވަަރަށް ބޮޑަށް އިވިފައިވެއެވެ.

މި ފިލްމު ނުބަލައި ތިބި ފަރާތްތަކުން ހަމަ ކޮންމެހެންވެސް ފިލްމުގެ ޓައިޓްލް ލަވަ ބަލައިލުން ސަޅިވާނެއެވެ. މިއަދު އައިފިލްމްސް އިން ނެރެފައިވާ މި ހަބޭސް ޓައިޓްލް ލަވަ ގެނެސްދީފައިވަނީ ތަފާތު ސްޓައިލެއްގައެވެ.

މޯލްޑިވިއަން އައިޑަލްއިން ވިދައިލި މުޙައްމަދު މުއައްޒިން ނަޢީމްގެ ވަރުގަ ރޮކް އަޑުން ކިޔާފައިވާ މި ލަވައިގެ ލިރިކްސްވެސް ފާހަގަކޮށްލެވޭހާ ސަޅިއެވެ. ރައިމްވާ ގޮތަށް އެ ހުރި ލަފުޒުތައް ގެނެސްދީފައިވަނީ އަޅައިގަންނަ ފަދަ ގޮތަކަށެވެ. ހަމަ އެހެންމެ މި ލަވައިގެ ރާގުވެސް ޔުނީކްވެފައި ރީއްޗެވެ. މި ދެ މަސައްކަތަކީވެސް ޕްރޮޑިއުސަރ އާސިމް ޢަލީގެ ދެ މަސައްކަތެކެވެ.

ލަވައިގެ މިއުޒިކް ހެދީ ޝަހީދު ލިގެސީކަން އަދިވެސް އެއްފަހަރު ފާހަގަކޮށްލާނަމެވެ.

ދެން އޮތީ ލަވައިގެ ވީޑިއޯއިން ފެންނަ ކަންތައްތަކުގެ ވާހަކަތެކެވެ. މި ފިލްމުން ފެނިގެންދާ މުހިންމު ގިނަ ކަންތައްތަކެއްގެ ކޮންމެވެސް މިންވަރެއް ހިމަނާފައިވާއިރު، އަލީފްގެ ގިނަ މަންޒަރުތަކެއް ހުރިކަން ފާހަގަކޮށްލެވެއެވެ. މި މަންޒަރުތަކުންވެސް އަލީފްގެ އެކްޓިން ފެނިގެންދަނީ އެހެން ލެވަލްއެއްގައިކަން ފާހަގަކޮށްލެވެއެވެ.

“ކަންބަޅި” ފިލްމުގެ ޓިކެޓް އޮންލައިންކޮށް ގަތުމަށް 7242555 ނަންބަރަށް ވައިބައި/ވަޓްސްއެޕް/ޓެލެގްރާމް މެދުވެރިކޮށް މެސެޖެއް ކޮށްގެން ކުރިއަށް ދެވޭނެއެވެ.

“ކަންބަޅި” ފިލްމުގެ ލީޑު ކާސްޓުގެ ގޮތުގައި ހިމެނެނީ އިއްލެގެ ހުރިހާ ފީޗާ ފިލްމުތަކުން ވެސް ލީޑުން ފެނިފައިވާ ނުޒުހަތު ޝުއައިބު (ނުޒޫ)އެވެ. ފިލްމުގެ އިތުރު ރޯލުތަކުން ފެންނާނީ އަހުމަދު އިފްނާޒު، ޝަރަފް އަބްދުﷲ، ވާޝިޔާ މުހައްމަދު، ރަވީ ފާރޫޤް، މުހައްމަދު އިޝްފާން، ހާޒިފް މުހައްމަދު އަދި މޫސާ އަލީފެވެ. މީގެ އިތުރުން ވަރަށް މުހިންމު ރޯލަކުން ތުއްތު އާޓިސްޓް ސާރާ ވެސް ފެނިގެންދާނެ އެވެ.

ފިލްމު “ކަންބަޅި” ލިޔެ ޑައިރެކްޓްކުރީ އިއްލެއެވެ. ފިލްމުގެ ޑައިރެކްޝަންގައި އިއްލެގެ އިތުރުން އިފްނާޒް ހަރަކާތްތެރިވިއެވެ. ފިލްމުގެ މިއުޒިކްގެ ހެދީ ޝާހިދު ލިގެސީއެވެ. ކެމެރާކުރީ ސާމިހް އެވެ. ފިލްމްގެ ޕްރޮޑަކްޝަންގައި އިއްލެއާއި އާޝިމް އަލީ ހިމެނެއެވެ. މި ފިލްމުގެ ޕޯސްޓް ޕްރޮޑަކްޝަންގެ މަސައްކަތްކުރީ “އޯކޭޒް އިންކް” އިންނެވެ.

🎦 ފިލްމު “ކަންބަޅި“ގެ އޮންލައިން މީޑިއާ ޕާޓްނަރަކީ މުނިއަވަސް އޮންލައިން​

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: