ހުނަރުވެރި މޮޅު އެކްޓިންއެއްގެ އިތުރުން ފިލްމު އެޑިޓިންގެ ކޮލިޓީ މަސައްކަތްތަކެއް ކުރަމުން އަންނަ އަޙްމަދު އާސިމްގެ ‘ތުރުކަސް ފިލްމްސް‘ އިން ކުރު ފިލްމެއް އޮލިމްޕަހުގައި ދައްކަން ތައްޔާރުވެއްޖެއެވެ. 01 މާރިޗް 2024ގައި އޮލިމްޕަސް ސިނަމާގައި ކުރު ފިލްމު “ޚަދީޖާ” ދެއްކުމަށް ހަމަޖެހިފައިވަނީ ވަރަށް މަދު ޝޯތަކެއް ކަމަށް ފިލްމުގެ ޑައިރެކްޓަރ އާސިމް، މުނިއަވަސްއަށް މަޢުލޫމާތުދެމުން ބުންޏެވެ.

އާސިމް ބުނީ މިއީ ތުރުކަސް ފިލްމްސްއިން ނެރެމުން އަންނަ “ވިހާލި” ސީރީޒްގެ ސީޒަން 2ގެ ފުރަތަ ސެގްމެންޓް ކަމަށެވެ.

“މި ސީރީޒްގެ ދަށުން ކުރިއަށް އަދި ފަސް ވާހަކަ (ކުރު ފިލްމު) ގެނެސްދިނުމަށް ހަމަޖެހިފައިވޭ.

“ޚަދީޖާ” މިއީ 40 މިނެޓްގެ ކުރު ފިލްމެއް. މުޖުތަމަޢުގައި ހިނގަމުން އަންނަ އެކިއެކި މައްސަލަތައް ގެނެސްދޭ “ވިހާލި” ސީރީޒްގައި ގެނެސްދޭނެ.”

* އެކްޓަރ/ޑައިރެކްޓަރ އަޙްމަދު އާސިމް

އާސިމް ބުނީ ލިމެޓެޑް ޝޯތަކެއް ބާއްވަން ޖެހުނީ މި އަހަރުގެ ހުރިހައި ދުވަސްތަކަކަށް ހެން އޮލިމްޕަސް ބުކްކޮށްފައިވާތީ ކަމަށެެވެ. އެގޮތުން ކުރު ފިލްމު “ޚަދީޖާ” ދައްކަން ހަމަޖެހިފައިވަނީ ޖުމްލަ 08 ޝޯ އެވެ.

ޝޯތައް ދެއްކުމަށް ހަމަޖެހިފައިވަނީ:

🎟️ 01 މާރިޗް 2024، ހުކުރު – ޕްރިމިއާ ޝޯވ (ފުރަތަމަ ޝޯވ) ⌛ 16:00 ގައި

🎟️ 01 މާރިޗް 2024، ހުކުރު – ދެވަނަ ޝޯވ ⌛ 17:00 ގައި
…..

🎟️ 02 މާރިޗް 2024، ހޮނިހިރު – ތިންވަނަ ޝޯވ ⌛ 16:00 ގައި

🎟️ 02 މާރިޗް 2024، ހޮނިހިރު – ހަތަރުވަނަ ޝޯވ ⌛ 21:00 ގައި

🎟️ 02 މާރިޗް 2024، ހޮނިހިރު – ފަސްވަނަ ޝޯވ ⌛ 23:00 ގައި

…..

🎟️ 03 މާރިޗް 2024، އާދީއްތަ – ހަވަނަ ޝޯވ ⌛ 16:00 ގައި

🎟️ 03 މާރިޗް 2024، އާދީއްތަ – ހަތްވަނަ ޝޯވ ⌛ 21:00 ގައި

🎟️ 03 މާރިޗް 2024، އާދީއްތަ – އަށްވަނަ ޝޯވ ⌛ 23:00 ގައި

މި ފިލްމުގެ ޓިކެޓް ވިއްކަން ފަށާނ ީ28 ފެބްރުއަރީ 2024 ވަނަ ދުވަހުން ފެށިގެން އޮލިމްޕަހުގެ ޓިކެޓް ކައުންޓަރުންނެވެ. ނަމަވެސް މިހާރުވެސް ޓިކެޓް ބުކިން ހެއްދުމުގެ ފުރުޞަތުވަނީ ހުޅުވައިލެވިފައެވެ. އެގޮތުން 7755569 ނަންބަރަށް ގުުޅައިގެން ނުވަތަ ‘ތުރުކަސް ފިލްމްސް’ގެ ފޭސްބްކް ޕޭޖަށް ޑައިރެކްޓް މެސެޖްކޮށްގެން ބުކިން ހަދައިލެވޭނެ އެވެ.

“ވިހާލި” ސީރީޒް ލިޔެ ޑައިރެކްޓްކުރަނީ ވެސް އާސިމް އެވެ. އެގޮތުން މި ސީރީޒްގެ ފުރަތަމަ ސީޒަން ނިންމައިލީ ހަތަރު ވާހަކައެއް ގެނެސްދިނުމަށް ފަހުގައި ކަމަށް އާސިމް ބުންޏެވެ.

ކުރު ފިލްމު “ޚަދީޖާ”ގެ ރަސްމީ ޓްރެއިލާއެއް މިމަހު 24 ވަނަ ދުވަހުުު ޔޫޓިއުބްގައި އާއްމުކޮށްފައިވެއެވެ. މި ޓްރެއިލާއިން ފެނިގެންދަނީ ދިވެހި މުޖުތަމަޢުގައި އެންމެނަށް އެނގޭ ބޮޑު ސިއްރެއްގެ ގޮތުގައި ސިއްރުކުރެވިފައިވާ މައްްސަލައެއެކެވެ. ޓްރެއިލާއިން ފެންނަ ކަންތައްތައް އަމިއްލައަށް ބަލައިލުމަށް ދޫކޮށްލަމެވެ.

ފެންނަ މަންޒަރުތަކުން ޓެކްނިކަލް ކަންކަން ފާހަގަކޮށްލާނަމެވެ. ފުރަތަމަ ކަމަކަށް މި ކުރު ފިލްމުގެ ކާސްޓަށް ހޮވާފައިވަނީ އަބަދުވެސް ވަރަށް ނެޗުރަލް އެކްޓިންއެއް ގެނެސްދެމުން އަންނަ އަޙްމަދު ނިމާލް އަދި ރަވީ ފާރޫޤްގެ އިތުރުން ނަތާޝާ ޖަލީލެވެ. މަންޒަރުތައް ކުޅެފައިވަނީވެސް ވަރަށް އަސްލާއެއްގޮތަށް ކަން ފާހަގަކޮށްލެވެއެވެ. އެ ހާލަތެއްގައި ބޭނުންކުރަން ޖެހޭ ބަހުރުވަ ބޭނުންކޮށްފައި ހުރުމަކީ ފާޑުކިޔާ ބައެއް ފަރާތްތަކަށް ކަމުނުދާ ކަމެއް ނަމަވެސް، އަހަރެންގެ ނަޒަރުގައި އެއީ އެކަން ގެނެސްދޭން ޖެހޭނެ ގޮތެވެ.

ކުރު ފިލްމު “ޚަދީޖާ”ގެ ޓެކްނިކަލް މަސައްކަތްތަކަށް ކުރުކޮށް ބަލައިލާއިރު:

🎞️ ލިޔެ ޑައިރެކްޓްކުރީ: އަޙްމަދު އާސިމް

🎞️ މަންޒަރުތައް ވީޑިއޯކުރީ: އިބްރާހީމް މޫސާ (ދަބާ) އަދި އައިމަން

🎞️ މައިގަނޑު ތަރިން: ރަވީ ފާރޫޤް، ނަތާޝާ ޖަލީލް އަދި އަޙްމަދު ނިމާލް

🎞️ އެޑިޓިންގ: އަޙްމަދު އާސިމް

🎞️ ޕޯސްޓް ޕްރޮޑަކްޝަން: އައިމަން އަދި ރަފްހާން

🎞️ ލޮކޭޝަން: ކ. ކާށިދޫ

🎞️ އިތުރު ތަރިން: ކ. ކާށިދޫގެ ވަރަށް ހުނަރުވެރި ބައިވެރިންތަކެއް މި ކުރު ފިލްމުން ފެނިގެންދާނެ

@muniavas #KuruFilm_Khadheeja #ThurukasFilmsMV #DhivehiCinema #Dhivehifilm #Shortfilms #Vihaali #anthology #Khadheeja #fyp #foryou #foryoupage #fypシ゚viral #dhivehitiktok #viralvideo #Muniavas #muniavasnews #dhivehifilm @ahmedasim005 @tashajaleel @ahmednimal6 ♬ original sound – MUNIAVAS

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: