“ފުރޭތަ” އަރާތީ ގިނަ ބަޔަކު އެކްސައިޓް ވާ ފުރަތަމަ ފަހަރު ކަމަށްވެސް ވެދާނެއެވެ. މި ފަހަރު މިއީ އެފަހަރެވެ. “ފުރޭތަ” އަރާ ދުވަސް ކައިރިވާ ވަރަކަށް އެކަމުގެ އިންތިޒާރުގައި ތިބި ގިނަ ބަޔަކަށް އުފާވެރިކަން ލިބެމުން އަންނާނެކަން ވެސް ޔަޤީނެވެ. “ފުރޭތަ” އަރަން ކައިރިވާ ވަރަކަށް އަސްލު “ފުރޭތަ” އަކީ ކާކުކަން ނޭނގޭ ވަރަށް ލައްކަ ގިނަ ކެރެކްޓަރ ޕޯސްޓަރުތައްވެސް އަންނަނީ ތިލަކުރަމުންނެވެ.

ޑާކް ރެއިން އެންޓަޓެއިންމެންޓްގެ “ފުރޭތަ“އިގެ ވާހަކަ މިވަރަށް މި ދައްކަނީ 04 މާރިޗް 2024 އެއީ އެ ދުވަހަށް ވާތީވެއެވެ. މިއީ ރާއްޖޭގައި މިހައިތަނަށް އުފެއްދި އެންމެ ވަރުގަދަ އެކްޝަން ޕެކްޑް ފިލްމު ރިލީޒްކުރާނެ ތާރީޚީ ދުވަހެވެ.

ފިލްމު “ފުރޭތަ” އަކީ ވަރަށް ވަރުގަދަ ކަންތައްތަކެއް ފެނިގެންދާނެ ފިލްމެއް ކަމަށް ފިލްމުގެ ޕްރޮޑިއުސަރު މުޙައްމަދު ޢަލީ (މޮގާ) ބުނެފައިވެއެވެ. މީގެ އިތުރުން ފިލްމުގެ ޓްރެއިލާއިންވެސް އެފަދަ ތަފާތު ބައެއް މަންޒަރުތައް ފެނިގެންދެއެވެ. މިސާލަކަށް، ގެއެއްގެ ބެލްކަނީގައި ބޮމެއް ގޮއްވައިލާ މަންޒަރެއް ފެނިގެން އެ ދަނީ އެއްވެސް ވަރެއްގެ ވީއެފްއެކްސް އިފެކްޓެއް ބޭނުންކޮށްގެނެއް ނޫނެވެ. އެއީ ހަމަ އަސްލަށްވެސް ވަރުގަދަ ގޮވާ އެއްޗެއް ގޮއްވައިލާފައިވާ މަންޒަރެކެވެ. ކޮންޓްރޯލްޑް އެންވަޔަރަމެންޓެއްގައި ކަމާއި ގުޅުން ހުރި އެކްސްޕާޓުންގެ އެހީތެރިކަން ހޯދައިގެން ކުޅެފައިވާ ރިސްކް ބޮޑު މަންޒަރެކެވެ.

އަނެއްކާވެސް އެހެން މަންޒަރެކެވެ. އާއްމުކޮށްފައިވާ ޓްރެއިލާއިންވެސް ފެންނާނެ އެވެ. ސިނަމާލެ ބްރިޖް މަތީގައި އެމްޓީސީސީ ބަހެއްގެ ތެރޭގައި ނަގާފައިވާ ސީންގައި ފެނިގެންދާ ވަރުގަދަ ފައިޓްތައް ނެގުމަށް ބްރިޖް ބަންދުކޮށްގެން ގިނަ ވަގުތެއް ހޭދަކޮށްފައިވެއެވެ. އެމްޓީސީސީ ބަސްތެރޭގައި ނަގާފައިވާ މަންޒަރަށްޓަކައި ބަސް ހުއްޓުވައިގެން އެތަކެއް ވަގުތެއް ހޭދަކޮށްފައިވެއެވެ. މިއީ ހަމަ ގައިމުވެސް ރާއްޖޭގެ ފިލްމީ އުފެއްދުމެއްގައި މިފަދަ ކަމެއް ކޮށްފައިވާ ފުރަތަމަ ފަހަރެވެ.

އަނެއްކާވެސް އެހެން މަންޒަރެކެވެ. ޓްރެއިލާއިން ފެންނާނީ އެ މަންޒަރުން ތަންކޮޅެކެވެ. ގެއެއްގެ ސިޓިންގް ރޫމް ތެރޭގައި ހުރި އައިސްއަލަމާރިއެއް ވައްޓާލާ ތަން ފެންނާނެ އެވެ. މީގެ އިތުރުން އަނދަމުންދާ ތަނެއްގެ ތެރޭގައި ފިލްމުގެ ލީޑް ޝަރަފް ހުންނަ މަންޒަރެއް ފެންނާނެ އެވެ. އެ މަންޒަރު ނަގާފައިވަނީ ޑާކް ރެއިންގެ ފިލްމުތައް ޝޫޓްކުރާ ބިލިމަގުގަސްދޮށުގޭގެ ސިޓިން ރޫމް ހަމަ އަސްލަށް ރޯކޮށްލައިގެންނެވެ. ކަމާއި ގުޅުން ހުރި ފަރާތްތަކުގެ އެހީތެރިކަމާވެސް އެކުގައި އެ ފަރާތްތަކުގެވެސް ހާޒިރުގައެވެ.

މިއީ ފިލްމު “ފުރޭތަ“އިގެ ފަސްމަންޒަރުގެ ބައެއް ވާހަކަތަކެވެ. އަސްލު “ފުރޭތަ“އިގެ ކުޅިވަރު ފެންނާނީ ހަރަތެއް މާރިޗުން ފެށިގެންނެވެ. ފިލްމުގެ ޓިކެޓް މިހާރުވެސް ވިއްކަމުން އަންނައިރު ފިލްމުގެ ޓިކެޓް މިހާރު ވިއްކަން ފަށާފައިވާއިރު ޓިކެޓް ގަތުމުގެ އިންތިޒާމު މިފަހަރުވެސް އޮތީ ވަރަށް ފަސޭހަ ގޮތަކަށް ހަމަޖައްސާފައެވެ. 9911229 އަށް މެސެޖެއް ކޮށްލުން މިއީ ފުރަތަމަ ފިޔަވަޅެވެ. އެކަމަކު އެ މެސެޖްގައި ހަނދާންކޮށް ދެތިން ކަމެއް ފުރިހަމަކޮށްލަން ވާނެއެވެ.

🎫 ޓިކެޓް ނަގާ މީހާގެ ނަން
🎫 ޓިކެޓް ބޭނުންވާ ތާރީޚް / ޝޯ
🎫 ބޭނުންވާ ޓިކެޓްގެ ޢަދަދު

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: