12 ޢެޕްރީލް 2024 ވަނަ ދުވަހުގެ ރޭ އޮލިމްޕަސް ސްކްރީނުގައި ދައްކަން ފެށި އެޓަރނަލް ޕިކްޗަރސްގެ ދިވެހި ފިލްމު “ލަސްވިޔަސް”ބެލި އެންމެންނަށް ވެސް މި ފިލްމު މިވަނީ ހުރިހައި ގޮތަކުންވެސް ރަނގަޅު ފިލްމަކަށް ވެފައެވެ. މިގޮތުން މިމަހު 10 ވަނަ ދުވަހު މާލޭގެ މޭޔަރު އާދަމް އާޒިމް މި ވަނީ ފިލްމު ބެއްލެއްވުމަށްފަހު ފިލްމާމެދު ދެކިލައްވާ ގޮތް މީސްމީޑިއާގައި ހިއްސާކުރައްވާފައެވެ.
މޭޔަރު އާޒިމް ހިއްސާކުރެއްވި ކޮމެންޓުގެ މައިގަނޑު ޚުލާޞާއަކީ “ލަސްވިޔަސް” އަކީ ބަރާބަރު ފިލްމެެއް ކަމަށެވެ. ބަރާބަރުގެ މާނައަކީ ހުރިހައި ގޮތަކުންވެސް ރަނގަޅުވުމެވެ. މި ފިލްމާމެދު އާޒިމް ހިއްސާކުރެއްވީ ވަރަށް ކުރު، އެހެނަސް ހަމަ އެހާމެ މުހިންމު ނުކުތާތަކެކެވެ.
“ޓެޑްރީގެ ފިލްމް “ލަސްވިޔަސް” ބަލާލުމުގެ ފުރުސަތު ލިބުނު. މި ފިލްމަކީ މުޖުތަމައުގަ ހުރި ބޮޑެތި މައްސަލަތަކަށް (ޒުވާން ދުވަސްވަރު ކުރެވިފަ ހުރި ކަންތަކުން ބްލެކްމެއިލް ކުރުމުން އެކަމާ ފޭސްކުރާނެ ގޮތާއި، ޑިޕްރެޝަންއާއި ފޭސްކުރާނެ ގޮތާއި، އާއިލާ ރޫޅުނަ ނުދިނުމަށް ކުރެވިދާނެ ކަންތައްތަކާއި، ރޫޅުމުން ދަރިންނަށް ލޯތްބާއި އޯގާތެރިކަން ދޭންޖެހޭކަން) ރިޔާއަތްކޮށް ހުރި ގޮންޖެހުންތަކާއި ހައްލުތައްވެސް ދައްކުވާދޭ މޮޅު ފިލްމެއް.”
* އަލްފާޟިލް އާދަމް އާޒިމް – މާލޭ މޭޔަރު
އާޒިމް މި ފިލްމު ރޭންކްކުރައްވަނީ މޮޅު ފިލްމެއްގެ ގޮތުގައެވެ. މުޖުތަމަޢުގައި ހުރި މުހިންމު، ގިނަ ކަންތައްތަކެއް ގެނެސްދީފައިވާ ފިލްމެއްގެ ގޮތުގައެވެ. ކޮންމެ ބޭފުޅަކުވެސް ބަލައިލަން ޖެހޭ ފަދަ ފިލްމެއްގެ ގޮތުގައެވެ.
“….. ކޮންމެ ބޭފުޅަކުވެސް ބަލާލަން މުހިއްމު އަދި ހާއްސަކޮށް ޒުވާނުން ބަލާލަން މުހިއްމު.”
* އަލްފާޟިލް އާދަމް އާޒިމް – މާލޭ މޭޔަރު
ޓެޑްރީގެ ފިލްމް “ލަސްވިޔަސް” އިން ހިތުގެ އެންމެ ހިމަ ނާރާއި ކުޅެލައި އޯޑިއަންސް ރޮއްވައިލިކަން ގިނަ ބަޔަކު ފާހަގަކޮށްފައިވެއެވެ. ތަރިންގެ އެކްޓިން ރަނގަޅުކަން ފާހަގަކޮށްފައިވެއެވެ. ފިލްމުގެ މަންޒަރުތައް ސާފުވެފައި ސަޅިކަމަށް ބުނެއެވެ.
ޓެޑްރީ ލިޔެ ޑައިރެކްޓްކޮށްފައިވާ މި ފިލްމަކީ މަޝްހޫރު އެކްޓްރެސް ނިޢުމާ މުޙައްމަދުގެ ދަރިފުޅު ޒޯޔާ ޙަސަން އިބްރާހީމްގެ އަލަތު ފިލްމެވެ. “ލަސްވިޔަސް”ގައި އަހްމަދު އީސަ (އާނަންދު) އާއި ވާޝިޔާ މުހައްމަދު ލީޑް ރޯލުތަކުން ފެނިގެންދާއިރު ފައުޒިއްޔާ ހަސަން އާއި ރީކޯ މޫސާ މަނިކު ވެސް މި ފިލްމުން ފެނިގެންދެއެވެ. އިތުރަށް ފެނިގެންދާ މުހިންމު ތަރިންގެ ތެރޭގައި އަހުމަދު އިފްނާޒް ފިރާގު އަދި ތާތި އާދަމް، ޖިމީ، ކުޑަ ހައްޖަ، އަޙްމަދު އާސިމްގެ އިތުރުންވެސް ގިނަ ތަރިންތަކެއް ފެނެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
