ރާއްޖޭގެ ފިލްމީ ފަންނާނުންގެ ތެރެއިން ގިނަ އަދަދެއްގެ ފަންނާނުންގެ އަމިއްލަ އިސްނެގުމާއެކު ބާއްވާ “ތަރިންގެ ރޭ” ޝޯ ފެށިގެންދާނީ ރެޑްކާޕެޓް އިވެންޓެއްގެ ގޮތުގައި ތަފާތުތަކަކާއެކުގައި ކަމަށް މި ޝޯގެ ކަންކަމުގައި އިސްވެ ހަރަކާތްތެރިވާ ޓީމުގެ ފަރާތުން ޑައިރެކްޓަރު ފާޠިމަތު ނަހުލާ ބުނެފި އެވެ.

“ތަރިންގެ ރޭ” ޝޯގެ އެންމެ ފަހުގެ މަޢުލޫމާތުތައް މުނިއަވަސް އޮންލައިންއާ ހިއްސާކުރަމުން ނަހުލާ ބުނީ މި ޝޯގައި ވަރަށް ގިނަ ފަންނާނުންގެ ވަރަށް ތަފާތު އައިޓަމްތަކެއް ފެނިގެންދާނެ ކަމަށެވެ.

“މި ޝޯގަ ވަރަށް ގިނަ ކުދިންގެ ވަރަށް ތަފާތު އައިޓަމްތަކެއް ފެނިގެންދާނެ. ވަރަށް ތަފާތު އަސަރުތަކެއް ފެނިގެންދާނެ.”

* ޑައިރެކްޓަރު ފާޠިމަތު ނަހުލާ (ނަހޫ)

“ތަރިންގެ ރޭ” ޝޯގެ ދެ ޝޯ ބާއްވަން ކުރިން ނިންމި ނަމަވެސް މިހާރު އޮންނާނީ އެންމެ ޝޯއެއް ކަމަށް ނަހޫ ބުންޏެވެ. ނަހޫ ބުނީ އޮލިމްޕަސް ހޯދަން ބޭނުންވި މުއްދަތަށް އޮލިމްޕަސް ލިބޭގޮތްވެފައި ނުވުމުން ދެ ޝޯ ބޭއްވޭގޮތް ނުވީ ކަމަށެވެ.

“އޮލިމްޕަސް ހޯދަން މި މަސް ފެށުނީއްސުރެން އެދިގެން އުޅުނުކަމުގަ ވިޔަސް އޮލިމްޕަސް ލިބުނީ ދާދި ފަހުން. އެހެންވީމަ މުއްދަތު ނެތީ.”

* ޑައިރެކްޓަރު ފާޠިމަތު ނަހުލާ (ނަހޫ)

“އެހެންވީމަ މަސައްކަތްކުރާހާ މުއްދަތު ނެތީ. ދާދިފަހުން އޮލިމްޕަސް ލިބުނީ. މިކަމާ ވަރަށް ބޮޑަށް ހިތާމަކުރަން.”

* ޑައިރެކްޓަރު ފާޠިމަތު ނަހުލާ (ނަހޫ)

މި ޖުލައި މަހުގެ 25ވަނަ ދުވަހުގެ ރޭ އޮލިމްޕަސް ސްޓޭޖްގައި ބާއްވާ މި ޝޯގެ މައިގަނޑު މަގުސަދަކީ ޢީދު ޝޯތަކުގައި ރަށްރަށުގައި ފަންނާނުން ހުށައެޅި ވަރުގަދަ ހުށައެޅުންތައް ހިމަނައިގެން އެއަށްވުރެންވެސް ވަރުގަދަ ޝޯއެއް މާލޭ އޭރިއާގައި ދިރިއުޅޭ ފަރާތްތަކަށް ދައްކައިލުން ކަމަށް މި ކަމުގައި ހަރަކާތްތެރިވާ ފަންނާނުން ބުންޏެވެ.

@muniavas Tharinge Rey – Just One Show on 25th July 2024 Grab Your Tickets from Olympus Counter Now Read more:- https://www.muniavas.com/48954 #tharingerey #muniavas #fvp #foryoupage #fvpシ💕foryou #contentcreators #maldives #maldivianartist @Fathimath Nahula @aishathshirani @🌟𝔼𝕧𝕖 އިވްރީ 𝕄🌟 @Nuzhath Shuaib @Shiela Najeeb @naTasha Jaleel @Shiya @Jaadhu @Chuweet Aashaa @AxzxA @ahmedesa171 @Lark141 @Azxu @Ami🌺 @Hamdhoon Farooq ♬ original sound – MUNIAVAS

ޝޯގެ ޓިކެޓް މިހާރު ވިއްކަމުން އަންނަކަމަށާ މި ޝޯއާއި ގުޅޭ އިތުރު މަޢުލޫމާތު ހޯދުމަށް އަދި ޝޯ ސްޕޮންސަރކުރުމަށް ގުޅުއްވާނީ 7734533 / 7782484 ނަންބަރަށް ގުޅައިގެން ކުރިއަށްދެވޭނެ އެވެ.

މި ޝޯގެ ޓިކެޓްގެ އަގުތަކަކީ 200 ރުފިޔާ އަދި 300 ރުފިޔާ އެވެ. 300 ރުފިޔާއަށް ވިއްކަނީ ފުރަތަމަ ހަތަރު ބަރީގެ ޓިކެޓްތަކެވެ. ދެން ހުރި ޓިކެޓްތަކުގެ އަގުތައް އުޅެނީ 200 ރުފިޔާއަށެވެ.

އަތޮޅުތެރޭގެ ރަށްރަށުގައި ފިލްމީ ފަންނާނުން ހުށައަޅާ ޝޯތަކަށް ވަރަށް ބޮޑު ތަރުހީބެއް އަބަދުވެސް ލިބެމުން އަންނަކަން ފާހަގަކޮށްލެވެއެވެ. އެހެންކަމުން މިފަދަ ޝޯއެއް މާލޭގައި ބާއްވާ މާލޭ އޭރިއާގައި ތިބި ފަރާތްތަކަށް މުނިއަވަސްފިލުވުމުގެ ވަރުގަދަ ހަރަކާތެއް ގެނެސްދިނުމަށް ފިލްމީ ފަންނާނުން މިހާރު ގެންދަނީ ތައްޔާރުވަމުންނެވެ.

މިފަދަ ޝޯއެއް ފިލްމީ ފަންނާނުންގެ ފަރާތުން މާލޭގައި ނުބާއްވާތާ އެތަކެއް އަހަރުތަކެއް ވެފައިވާކަން ފާހަގަކޮށްލެވެއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: