ކަޒްމިކް އިންޓަނޭޝަނަލްގެ ފުރަތަމަ ފީޗާ ފިލްމު “ދޭދަރު ރުއިން”ގެ ޓްރެއިލާ މިއަދު ރިލީޒްކޮށްފި އެވެ. އެކްޝަން، ކްރައިމް، ޑްރާމާ ފިލްމު “ދޭދަރު ރުއިން”ގެ ޓްރެއިލާއިން ޝަރަފް ފެނިގެންދަނީ ވަރުގަދަ އެކްޝަން ކެރެކްޓާ ރޯލަކުންނެވެ.
މި ފިލްމުގައި ޝަރަފް ކުޅެފައިވާ ރޯލުގެ ސަބަބުން ޝަރަފް އަކީ ރާއްޖޭގެ ފުރަތަމަ އެކްޝަން އެކްޓަރުގެ ގޮތުގައި މިހާރަށްވުރެން ބޮޑަށް ފާހަގަވެގެން ދާނެކަމަށް ބެލެވެއެވެ. މީގެ ކުރިންވެސް ވަރުގަދަ އެކްޝަން ރޯލެއް ކުޅެފައިވާ ޝަރަފްގެ ވަރުގަދަ އެކްޝަން މަންޒަރުތަކެއް މި ފިލްމުން ފެނިގެންދާނެއެވެ. އާއްމުކޮށްފައިވާ ޓްރެއިލާއިންވެސް ވަރުގަދަ މަންޒަރުތަކެއް ފެނިގެންދެއެވެ.
އާންމުންގެ ބޮޑު ތަރުހީބެއް ލިބިފައިވާ ފިލްމުތައް ކަމަށްވާ “ބަވަތި” އަދި “ނީނާ”ގެ އުފެއްދުންތެރިން ގެނެސްދޭ “ދޭދަރު ރުއިން” ފިލްމަކީ، ކޮރިއޯގްރާފްކޮށްފައިވާ ފައިޓް މަންޒަރުތައް ހިމެނޭ ވަރުގަދަ އެކްޝަން ކްރައިމް ޑްރާމާއެކެވެ.
މި ފިލްމު ވެގެންދާނީ އިންސާނުން ވަގުފާރިކުރުމުގެ މައްސަލައަށް އަލިއަޅުވާލައި އުފައްދާފައިވާ ފުރަތަމަ ދިވެހި ފިލްމަށް ކަމަށް ކަޒްމިކް އިންޓަނޭޝަނަލް އިން ބުނެއެވެ. އަދި މީގެ އިތުރުން، ރާވައިގެން ކުރާ ކުށްތަކާއި، ގެވެށި އަނިޔާއާއި، ކުޑަކުދިންނަށް ކުރިމަތިވާ ނުރައްކާތަކާއި، ކުޑައިރު ލިބޭ ނަފްސާނީ ޓްރޯމާއަށްވެސް މި ފިލްމުގައި އަލިއަޅުވާލާނެ ކަމަށް ފިލްމުގެ އުފެއްދުންތެރިން ބުނެއެވެ. މި ފިލްމުގައި ދައްކުވައިދޭ އެއް ދުވަސް ތެރޭގައި މި ހުރިހާ މައްސަލަތައް ނިއުޅި، ގުޅިލާމެހިގެންދާ ގޮތް ފެނިގެންދާނެ އެވެ.
ކަޒްމިކް އިންޓަނޭޝަނަލްގެ މީސްމީޑިއާ މަންސަތަކުން ފިލްމު “ދޭދަރު ރުއިން”ގެ ޓްރެއިލާ ބަލައިލެވޭނެއެވެ.
20 ނޮވެމްބަރު 2024ގައި ރިލީޒްކުރަން ހަމަޖެހިފައިވާ މި ފިލްމުގެ މައިގަނޑު ތަރިންނަކީ ޝަރަފް ޢަބްދުﷲ، މައިހާ އާދަމް، ހާޒިފް މުޙައްމަދު، މޫސާ ރަޝީދު، ސުޝްމާ ސުބޭދީ އެވެ.
“ދޭދަރު ރުއިން” ލިޔެ ޑައިރެކްޓްކުރީ އ. ޢައްޒާމް އެވެ. ފިލްމުގެ މަންޒަރުތައް ކެމެރާކުރީ ‘އޮކްނޯ’ގެ އިސްމާޢީލް ޔާނިމް އެވެ. އެޑިޓްކުރީ ‘އޮކްނޯ’ގެ އާދަމް ޝިނާދު އެވެ. ފިލްމުގެ ސައުންޑްގެ މަސައްކަތްތަކާއި ކްރޫ ހަމަޖެއްސީ ‘އޮކްނޯ’ އިންނެވެ. މިއުޒިކް އަދި ބެކްގްރައުންޑް މިއުޒިކް ހެދީ ފައްޗު އެވެ. މޭކަޕްކުރީ މަޝްހޫރު މޭކަޕް އާޓިސްޓުންކަމަށްވާ ސޭންޑީ އަދި ރުތުބާ އަޙްމަދު އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
