ވަރުގަދަ އެކްޝަން މަންޒަރުތަކެއް ފެނިގެންދާނެ ދިވެހި ފިލްމު “ދޭދަރު ރުއިން”ގެ ޓިކެޓް ވިއްކަން ފަށައިފިއެވެ. މިއީ އެކްޝަން، ކްރައިމް އަދި ޑްރާމާ ޖޮންރާގެ ފިލްމެކެވެ.
ފިލްމު “ދޭދަރު ރުއިން”ގެ ޓިކެޓް މިއަދު މެންދުރުފަހުން ފެށިގެން އޮލިމްޕަހުގެ ޓިކެޓް ކައުންޓަރުން ގަންނަން ލިބެން ހުންނާނެއެވެ. ޓިކެޓް ހޯދުމަށް 7242555 އަށް ގުޅައިގެންވެސް ކުރިއަށްދެވޭނެއެވެ.
ކަޒްމިކް އިންޓަނޭޝަނަލްގެ އަލަތު ދިވެހި ފިލްމު “ދޭދަރު ރުއިން” އަކީ ދިވެހި ފިލްމެއްގައި އިންސާނީ ވަގުފާރިކުރުން ނުވަތަ ހިއުމަން ޓްރެފިކްކުރުމުގެ ކަންތައްތަކެއް ދައްކުވައިދޭ ފުރަތަމަ ދިވެހި ފިލްމެވެ.
20 ނޮވެމްބަރު 2024ގައި ރިލީޒްކުރަން ހަމަޖެހިފައިވާ މި ފިލްމުގެ މައިގަނޑު ތަރިންނަކީ ޝަރަފް ޢަބްދުﷲ، މައިހާ އާދަމް، ހާޒިފް މުޙައްމަދު، މޫސާ ރަޝީދު، ސުޝްމާ ސުބޭދީ އެވެ.
“ދޭދަރު ރުއިން” ލިޔެ ޑައިރެކްޓްކުރީ އ. ޢައްޒާމް އެވެ. ފިލްމުގެ މަންޒަރުތައް ކެމެރާކުރީ ‘އޮކްނޯ’ގެ އިސްމާޢީލް ޔާނިމް އެވެ. އެޑިޓްކުރީ ‘އޮކްނޯ’ގެ އާދަމް ޝިނާދު އެވެ. ފިލްމުގެ ސައުންޑްގެ މަސައްކަތްތަކާއި ކްރޫ ހަމަޖެއްސީ ‘އޮކްނޯ’ އިންނެވެ. މިއުޒިކް އަދި ބެކްގްރައުންޑް މިއުޒިކް ހެދީ ފައްޗު އެވެ. މޭކަޕްކުރީ މަޝްހޫރު މޭކަޕް އާޓިސްޓުންކަމަށްވާ ސޭންޑީ އަދި ރުތުބާ އަޙްމަދު އެވެ.
ކަޒްމިކް އިންޓަނޭޝަނަލްގެ މީސްމީޑިއާ މަންސަތަކުން ފިލްމު “ދޭދަރު ރުއިން”ގެ ޓްރެއިލާ ބަލައިލެވޭނެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
