ހެނދުނު ނިދާ ހޭލުމާއެކު ދުނިޔޭގެ ބިޔަ އާބާދީގެ ގިނަ ބަޔަކު އެންމެ ފުރަތަމަ ވެސް ބޯ ބުއިމަކީ ކޮފީއޭ ބުނުން ކުށަކަށް ނުވާނެ އެވެ. ކޮފީ ބުއިމުން ހަށިގަނޑަށް ގިނަގުނަ ފައިދާތަކެއް ވާކަމާމެދު އަހަރެމެން ދެކޮޅެއް ނުހަދަމެވެ. ކޮފީއެއް ބޮއެ ނުލެވޭ ނަމަ ގިނަ މީހުންނަށް ހެނދުނުގެ އިރު ވެސް އަރާ ކަމަކަށް ނުވެ އެވެ. ކޮފީ ބުއިން މިވަނީ އެހާވެސް ބޮޑަށް އާދައަކަށް ވެފަ އެވެ.
ފަހުގެ ހޯދުމަކަށް ފަހު ސައިންސްވެރިން ބުނަނީ އާދައިގެ ވަރަކަށް ކޮފީ ބުއިމަކީ ވަރަށް ގިނަ ފައިދާތައް އިންސާނާގެ ސިއްހަތަށް ލިބޭ ކަމެއް ކަމަށެވެ. އާދައިގެ މިންވަރެކޭ ބުނެފައިވަނީ ދުވާލަކު ތިން ޖޯޑު ނުވަތަ ހަތަރު ޖޯޑުގެ މިންވަރެވެ.
ކޮފީން ލިބޭ ފައިދާތަކުގެ ތެރޭގައި:
– މަސްތަކުގައި ރިއްސުން ކުޑަކޮށްދިނުން
– ފައިބަރ އެކުލެވޭ ކާނާ ކެވޭ މިންވަރު އިތުރުކޮށްދިނުން
– ސައިރޮސިސް ޖެހުމުން ދުރުކޮށްދިނުން (ދިގު މުއްދަތަކަށް ފުރަމޭ ހަލާކުވަމުން ދިއުމުގެ ސަބަބުން ލިވަރ ނުވަތަ ފުރަމެއަށް ޖެހޭ ބައްޔެއް)
– ހަކުރުބަލި ޖެހުމުގެ ނުރައްކަލުން ދުރުކޮށްދިނުން
– ހަނދާންނެތޭ ބަލި (އަލްޒީމާ ޑިޒީސް) ޖެހުމުގެ ނުރައްކަލުން ދުރުކޮށްދިނުން
– ހާސްވެ ކަންބޮޑުވުމުން ދުރުކޮށްދިނުން
– ހިތުގެ މައްސަލަތައް ދުރުކޮށްދިނުން
– ޕާރކިންސަންސް ޑިޒީސް (ތުރުތުރު އަޅާބަލި) ޖެހުމާ ދުރުކޮށްދިނުން
– މަލްޓިޕަލް ސްލޮރޯސިސް (Multiple Sclerosis) އިން ރައްކާތެރިކޮށްދިނުން
– ގޮހޮރާއި ފުރަގަސްފަރާތާއި ގުޅިފައިވާ ހޮޅިއަށް ޖެހޭ ކެންސަރު (colorectal cancer) ޖެހުމުން ރައްކާތެރިކޮށްދިނުން
ހުސްބަނޑާ ނުވަތަ ހުސްގޮހޮރާ ހުރެ ކޮފީ ބުއިމާއި ދުރުވާންވީ ކީއްވެގެން ހެއްޔެވެ؟
ކޮފީއަކީ ކިތަންމެ ފައިދާހުރި އެއްޗެއް ނަމަވެސް، ހުސްބަނޑާހުރެ ކޮފީ ބުއިމަކީ ރަނގަޅުކަމެއް ނޫނެވެ. މީގެ މައިގަނޑު ސަބަބަކީ ކޮފީ ބުއިމުން ހަޖަމުކުރުގެ ނިޒާމުގެ ތެރެއިން ގޮހޮރު ތެރެއަށް ހައިޑްރޯކްލޮރިކް އެސިޑް ނެރެދިނުމުގައި ކޮފީގެ ދައުރަކީ، އެ އެސިޑް ނިކުތުމަށް އިތުރު ބާރެއް ލިއްބައިދިނުމެވެ. ހައިޑްރޯކްލޮރިކް އެސިޑަކީ ހުސްބަނޑާ ހުންނައިރު ބަނޑަށް އެހާ ރަނގަޅު އެއްޗެއް ނޫނެވެ. ޚާއްޞަ ގޮތެއްގައި އެންމެ ފަހުން ކެއި ކެއުމަކީ ފެޓީފުޑްސް ހިމެނޭ ކެއުމެއް ނަމައެވެ. ހުސްބަނޑާހުރެ ކޮފީ ބުއިމުން މި ބުނިގޮތަށް ހައިޑްރޯކްލޮރިކް އެސިޑް ބޭރުވުމަކީ ހަޖަމުކުރުގެ މައްސަލަތަކާއި ކުރިމަތިވާނެ ކަމެކެވެ.
ތިލަކޮށް ބުނާނަމަ ބުނެވޭނީ، ހަށިގަނޑަށް އެތެރެވާ ޕްރޮޓީން ކުދިކުދިކޮށްލުމަށް ހައިޑްރޯކްލޮރިކް އެސިޑް ހުރަސް އަޅައެވެ. ނަތީޖާއެއްގެ ގޮތުން ހަޖަމު ކުރުމުގެ މައްސަލަތައް ކުރިމަތިވެ ބަނޑުގައި ވައިހެދި، އިންފްލެމޭޓަރީ ބޯވަލް ޑިޒީސް، ކަހާ ހިރުވުން އަދި ގޮހޮރުގެ ކެންސަރު ޖެހުމާވެސް ކުރިމަތިލާން ޖެހިދާނެ އެވެ.
މީގެ އިތުރުން، ހެނދުނު ހޭލައިގެން އެންމެ ފުރަތަމަ ހަށިގަނޑަށް އެތެރެކުރާ އެއްޗަކީ ކޮފީ ކަމަށްވާނަ ސްޓިރޮއިޑް ހޯމޯނެއް ކަމަށްވާ ‘ކޯރޓިސޯލް’ ހުންނަ މިންވަރު ވަރަށް އަވަހަށް މައްޗަށް އަރައިގެން ދެއެވެ. މިއީ އަހަރެމެން ހޭލާ ބޭތިއްބުމާއި ‘ބައިލޮޖިކަލް ކްލޮކް’ ގައި ބޭތިއްބުމަށް ކިޑްނީ (ގުރުދާ) ގެ އެޑްރީނަލް ކޯރޓެކްސް އިން އުފައްދާ ހޯމޯނެކެވެ. މި ހޯމޯން އެހާ އަވަސް މިންވަރަކަށް ގިނަ އަދަކަށް ބޭރުކޮށްލުމަށްފަހު، އަލުން އަނބުރާ މިންހެޔޮ (ބެލެންސް) ވުމަށް ގިނަ ވަގުތުތަކެއް ނަގައެވެ. އެހެންކަމުން މި ހޯމޯން އެގޮތަށް އުފެއްދުމުން ކުރިމަތިވާ މައިގަނޑު މައްސަލައަކީ މިއީއެވެ.
އެހެންކަމުން ހެނދުނު ހޭލާގޮތަށް، ހުސްބަނޑާހުރެ ކޮފީއެއް ބުއިމުގެ ކުރިން އިތުރަށް ވިސްނައިލުން ބުއްދިވެރި އެވެ. ކޮފީ ބުޔަސް މައްސަލައެއް ނެތެވެ. ނަމަވެސް އެންމެ ފުރަތަމަ ހެނދުނުގެ ނާސްތާކުރާށެވެ. އެންމެ ކުޑަމިނުން އާފަލެއް ނުވަތަ ކޮންމެވެސް އެހެން މޭވާއެއް، ޕާން ފޮއްޗެއް ނުވަތަ އެފަދަ ކޮންމެވެސް އެއްޗެއް ކާށެވެ. އެއަށްފަހު ވަރަށް ހަމަޖެހިލައިގެން އިނދެ ހެނދުނުގެ ކޮފީ ބޯށެވެ. ނަމަވެސް ކޮފީއަށް ކިރު އަޅައިގެން ކޮފީ ބޯނަމަ، ހެނދުނު ހޭލާގޮޮތަށް ކިރުކޮފީއެއް ބުއިމަކީ މައްސަލައެއް ނޫނެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
ކޮފީ ނުބޮއެއް ނުހުރެވޭނެ. ކަޅުކޮފީ އަކުން ދުވަސް ފަށަނީ. މަށަށް ސަޅި