އާދެ، މި ހަފްތާގެ ލަވައަކަށް މި ހުށަހަޅާލަނީ، 1958ގައި ނިކުތް ‘ޑިޓެކްޓިވް’ މި ފިލްމުގެ ‘ދޯ ޗަމަކްތީ އާންކޯ މޭ’ މި ލަވައިގެ ތަރުޖަމާއެކެވެ. އާދެ، އިއްޔެ ލޮލުން ދުށް އެތައް އެތައް ރަން ހުވަފެންތައް މިއަދު ގެއްލިފައިވާ ވާހަކަ ނަންގަންނަ ލަވައެކެވެ.
ހަޔާތުގެ ޒުވާން ދުވަސްވަރު، ކޮންމެ މީހަކުވެސް ދެކޭ ހުވަފަންތަކެއް ވެއެވެ. ހާސިލުކުރަން ބޭނުންވާ އެތައް އުއްމީދުތަކެއް އޮވެއެވެ. ނަމަވެސް، ދުވަސްތައް މާޒީވެ، ހަޔާތުގެ ހަލަބޮލި ކަނޑުގެ ތެރޭގައި ފަތަމުން ދާއިރު، ވަރަށް ގިނަ ފަހަރު އޭނާގެ ހުވަފެންތައް ހަގީގަތަކަށް ހަދާލެވޭނޭ ގޮތް އޮންނަނީ ނުވެފައެވެ. އޭނާގެ އުއްމީދުތައް އޮންނަނީ ހާސިލު ނުކުރެވިފައެވެ. އަދި، ހަޔާތުގެ ބަދު ނަސީބުތަރި އެރުމުން، އެ ތަރި އޮއްސޭނީ ކޮން އިރަކުންކަމާ ދޭތެރޭ ވިސްނާ ފިކުރުކުރަން އިންނަން ޖެހެއެވެ. އެހެން އިންނައިރު، ނުރަނގަޅު އެތައް ޚިޔާލުތަކެއްވެސް ހިތަށް އަރާ ފައިބާ ދެއެވެ. ތިމާގެ ހަޔާތް ކުރިމަތިކުރުވާ ދަތިތަކާއި ހިތާމަތަކަށް ކެތްކޮށްލައިގެން ހުރެވޭނީ ކިހާދުވަހަކު ބާވައެވެ؟ ހަޔާތުގެ ހިތާމަތަކުގެ ވޭނުގައި ތިމާ ހަލާކުވެ ދާނީ ބާވާއެވެ؟ ހަޔާތުގެ އަނދިރިކަމުގެ މިފަދަ ރޭތައް ނިމުމަކަށް އައިސް، ނަޔާ ފަތިހެއްގެ އިރު އަރާނީ ކޮން އިރަކުން ބާވައެވެ؟ އާދެ، ލަވައިގެ ޖުމްލަ މާނައަކީ މިއެވެ.
މިލަވަ، ދިވެހި ތަރުޖަމާއާއެކު، އަޑު އައްސަވާލެއްވުމަށް މި އެޑުރެހަށް ޒިޔާރަތްކޮށްލައްވާށެވެ!
ލިޔުންތެރިޔާގެ ފުރަމަލަ
- ޑރ. ޢަބްދުލްޣަފޫރު އަބްދުއްރަޙީމު އަކީ ލިޔުންތެރިކަމުގެ ދާއިރާގައި މަސައްކަތް ކުރަމުން އަންނަ ބޭފުޅެކެވެ. ބައެއް ނޫސް މަޖައްލާތަކަށް ލިޔެ އުޅުއްވައެވެ. އަދި މީގެ އިތުރުން، ތަރުޖަމާގެ މަސައްކަތްވެސް ކުރައްވައެވެ. އޭނާގެ ތަރުޖަމާގެ މަސައްކަތުގެ ތެރޭގައި ލަވަ ތަރުޖަމާ ކުރުން ހިމެނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 14 އޯގަސްޓް 2023ވީޑިއޯވޯޓު ހޯދަން ފަސް އަހަރުން ފަސް އަހަރުން އަންނަ މާތް ކަމަނާފާނަށް ސަލާންކޮށް މަރުހަބާކިޔާށެވެ!
- 2 އޯގަސްޓް 2023މަޢުލޫމާތުމީހަކު ބުނާ ވާހަކައެއް : އިސްލާން ދީނުގެ އެންމެ ބޮޑު އަދުއްވު
- 9 ނޮވެމްބަރ 2018ވީޑިއޯދެފުށް ދެގޮތް މީހުންނާއި ބައްދަލުކުރުމުގެ މާނައެއް އެބައޮތް ހެއްޔެވެ؟
- 16 ސެޕްޓެމްބަރ 2018ވީޑިއޯއަބުލްބަޤާއު އައްރުންދީގެ އަންދަލުސް (މުސްލިމު އިސްޕޭނު) ގެއްލުމުގެ ހިތާމައިގެ ރުއިން….
