ދަރިވަރުންގެ ކިބައިގައި ކިޔުމުގެ ހުނަރު އިތުރުކުރުވުމާއި އެއްވަރަށް އެހެނިހެން ހުނަރުތަކަށްވެސް ސަމާލުކަންދޭން ޖެހެއެވެ. ހުނަރުތައް ދަސްކޮށްދޭނީ އެންމެ މުހިންމު ހުނަރުތަކަށް އިސްކަން ދީގެންނެވެ.
އެމެރިކާގައި ރައީސް ބަރަކް އޮބާމާގެ ކުރިން ދައުރު ހަމަކުރައްވާ ރައީސްކަމާއި ވަކިވެވަޑައިގެންނެވި ރައީސް ބުޝް ވެރިކަމާއި ޙަވާލުވެވަޑައިގެން، ވެވަޑައިގެންނެވި ވަޢްދުތަކުގެތެރޭގައި އެމެރިކާގެ ސްކޫލްތަކުގެ ގްރޭޑް 3 ނިންމާ ދަރިވަރުންނަށް ލިޔަންކިޔަން އެނގޭވަރު ހެއްދެވުމަށް ބާރުއަޅުއްވާނެ ކަމަށް ވިދާޅުވިއެވެ. އޭގެފަހުން މިހާރު ސްކޫލްތަކުގެ ދަރިވަރުން އެންމެ ބޮޑަށް ސަމާލުކަން ދެމުން އަންނަކަމަކީ ފޮތް ކިޔުމެވެ. ކިޔަން ދަސްކޮށް ފަރިތަކުރުމެވެ. މިކަމުގައި ސްކޫލްތައް ކުށްވެރިކުރެވޭނެ ޖާގައެއްނެތެވެ. އެހެނީ އެކުދިންނަށް ކިޔަން ދަސްކޮށްދިނުމުގެ ޒިންމާއެޅިފައިވާ ފަރާތަކީވެސް ސްކޫލްތަކެވެ.
މުހިންމުކަންތައް ފުރަތަމަ ކުރާށެވެ.
ކިޔަން ދަސްކުރުމަކީ އެހެނިހެން މާއްދާތައް އުނގެނުމަށް މަގުފަހިކުރުވާ ކަމެއްކަމުގައި ޔުނިވަރސިޓީ އޮފް ވަރޖީނިއާ ސްކޫލް އޮފް އެޑިއުކޭޝަންގެ ޑީން ރޮބަރޓް ޕިއަންޓާ ހާމަކުރައްވައެވެ. “ހިސާބު، ސައިންސް އަދި ހިސްޓްރީ އުނގެނުމަށްވެސް ލިޔަންކިޔަން އެގެންޖެހޭނެ”. ޕިއަންޓާގެ ދިރާސާތަކުން ދައްކާގޮތުން ދަށް ގްރޭޑްތަކުގެ މާއްދާތަކުގައިވެސް ފިލާވަޅުހެދުމަށް ދެވިފައިވާ އިރުޝާދުތައް އެކުދިންނަށް ކިޔަން އެނގެންޖެހެއެވެ. މިކަމަށް އެމެރިކާގެ ސެންޓަރ އޮން އެޑިއުކޭޝަން ޕޮލިސީގެ ދިރާސާތައްވެސް އިއްތިފާޤުވެއެވެ. ” މިހާރަކަށް އައިސް ގިނަ ސްކޫލްތަކަކުން ގެންދަނީ ކިޔުމުގެ ބަޔަށާއި ހިސާބުގެ ޢިލްމަށް ދޭ ސަމާލުކަން އިތުރުކުރަމުން”. ސެންޓަރ އޮން އެޑިޔުކޭޝަން ޕޮލިސީގެ ރައީސް ޖެކް ޖެނިންގް ހާމަކުރެއެވެ.
މިކަމަކީ އެދެވިގެންވާ ކަމެއްހެއްޔެވެ.
ކިޔުއްވުމުގެ ބައިތައް އިތުރުކުރުމާއި ހިސާބުގެ ޢިލްމަށް އެހާބޮޑަށް ސަމާލުކަން ދިނުމަކީ ކުރުން ރަނގަޅު ނުވަތަ ގޯސްކަމެއްކަމާއިމެދު މިހާރުވެސް ގެންދަނީ ބަހުސްތައް ކުރެވެމުންނެވެ. އެއްގޮތަކުން ވިސްނާއިރު މިގޮތަށް ޢަމަލުކުރުމުން ކުއްޖާއަށް ކުރިއެރުންތަކެއް ލިއްބައިދެއެވެ. އަނެއްކޮޅުން ބަލާއިރު މިކަމުގައި އެތަކެއް ވަގުތެއް ހޭދަވެ، އެހެނިހެން މާއްދާތަކަށް ދޭންޖެހޭ ސަމާލުކަން ކުޑަވުންފަދަ މައްސަލަތައް ކުރިމަތިވަމުން ދެއެވެ. ސްކޫލްތަކުގެ ނަތީޖާތައް ރަނގަޅުވިއަސް ގައުމީ ފެންވަރުގައި ދެވޭ އިމްތިޙާންތަކުގެ ނަތީޖާ އުޑާއިބިމާހައި ތަފާތު ދައްކައެވެ. ދަރިވަރުންނަށް ކިޔުމުގެ ބައިތައް އިތުރު ކުރުމަކީ މައްސަލައެއްނޫނެވެ. އެހެންނަމަވެސް އެކުދިންނަށް އެހެނިހެން މާއްދާތައް އުނގެނުމާއި ދުނިޔެއަށް ލޯހުޅުވުމުގެ ފުރުޞަތު ލިބިދޭން ޖެހެއެވެ.
މި އަދު ދިވެހިރާއްޖޭގެ ސުކޫލުތަކުގައި ވަށާޖެހިފައިވާ ތަޢުލީމުގެ ނިޒާމް ތަޢާރަފުކުރެވިފައި ވުމަކީ މިދެންނެވި ކަންކަމަށް ބާރުއަޅާ ކަމެކެވެ. މަދަރުސާތަކަށް ދާ ދަރިވަރުން މިއަދު ހޯދަމުންގެންދާ ނަތީޖާތަކަށް ބަލާއިރު ދަރިވަރުންގެ ހުނަރުތައް ތަރައްޤީވުމުގެ އިތުރުން ނެރޭ ނަތީޖާވެސް ކުރިއަރަމުންދާ ކަމީ ފެންނަމުންދާ ޙަޤީޤަތެކެވެ
މަޢުލޫމާތު: އެޑިއުކޭޝަން ޑޮޓް ކޮމް
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
