ރޭސް ނިންމާ ހިސާބަށް ދަރިފަންޏަށް ނުދެވޭނަމަ، ދިރިއުޅުމުގެ ވައްޓަފާޅިއަށް ގެންނަ ކުޑަކުޑަ ބަދަލަކުންވެސް ބޮޑު ތަފާތެއް ގެނުވިދާނެ އެވެ. ދުނިޔޭގެ 15 އިންސައްތަ ދެމަފިރިންނަކީ ދަރިންނުލިބުމުގެ މައްސަލަ ހުންނަ މީހުންކަމަށްވާއިރު، ގިނަފަހަރަށް މައްސަލަ ދިމާވަނީ ފިރިހެން ހަށިން ބޭރުވާ މަނީގައި ހުންނަ ދަރިފަނީގެ މައްސަލައަކުން ކަމަށް އެމެރިކާގެ ނޭޝަނަލް އިންސްޓިޓިއުޓް އޮފް ހެލްތުން ބުނެއެވެ.

މި ގެނެސްދެނީ ދަރިފަނީގެ މުޑުވައް ރަނގަޅުކޮށްދީ އަންހެނުން ބަލިވެއިނުމުގެ ފުރުޞަތު އިތުރުކޮށްދޭނެ ބައެއް ގޮތްތަކެކެވެ.

1- ފަސޭހައިން ހަރަކާތްތެރިވާނެ ގޮތް ހަދާށެވެ. 

ދަރިފަންޏަށް ހަވާލުކުރެވިފައިވާ މަސައްކަތް 12 ގަޑިއިރާއި 14 ގަޑިއިރާއި ދެމެދުގެ ވަގުތެއްގައި އަދާކޮށް ނިންމަން ޖެހެއެވެ. މިއީ ދަރިފަނީގެ މަސައްކަތް ކޮށްދިނުމުގެ ޤާބިލިއްޔަތުކަން ދެމިހުންނަ ވަގުތެވެ.

ދަރިފަނީގެ ކާމިޔާބީ ބުރަވަނީ ފެތުމުގެ ބާރުމިން އިތުރުވީ ވަރަކަށެވެ. އެހެންކަމުން ދަރިފަންޏަށް އެހީވާށެވެ. އެގޮތުން ސްމާރޓްފޯނު ގެންގުޅުން މަދުކޮށްލާށެވެ. ކްލިވް ލޭންޑް ކްލިނިކުން ހަދާފައިވާ ދިރާސާއަކުން ދައްކާގޮތުން، ގިނައިން ސްމާރޓްފޯނު ބޭނުންކުރާ ފިރިހެނުންގެ ދަރިފަނީގެ ދުވެލި ދަށެވެ. ފަހަރެއްގައި މިހެންވަނީ ފޯނުތަކުން ބޭރުކުރާ އިލެކްޓްރޯމެގްނެޓިކް ވޭވް ގެ ސަބަބުންކަމަށް ވެދާނެއެވެ.

2- ދުންފަތުގެ އިސްތިޢުމާލުކުރުން ހުއްޓާލާށެވެ.

ދުންފަތުގެ އިސްތިޢުމާލުކުރުން ހުއްޓައިލުމަށް އިތުރު ސަބަބެއް ބޭނުންނަމަ އެ ސަބަބު މިއޮތީ އެވެ. ސިގިރެޓް ބުއިމާއި މަރިޖުއާނާ ބޭނުންކުރުމުން ކުރިމަތިވާ އޮކްސިޑޭޓިވް ސްޓްރެސްގެ ސަބަބުން ދަރިފަންޏަށް ގެއްލުން ލިބެއެވެ. ދާދިފަހުން ނެރުނު ޖާރނަލް އެއް ކަމަށްވާ ‘ހިއުމަން ރިޕްރޮޑަކްޝަން’ ޖާރނަލް އިން ކުރި ދިރާސާއަކުން ދައްކަނީ މަރިޖުއާނާ ބޭނުންކުރުމުން ދަރިފަނީގެ ސައިޒާއި ބައްޓަމަށް ބަދަލުތަކެއް ގެނެސްދޭ ކަމަށެވެ.

3- ކަސްރަތުކުރާ ޖިމަކަށް ދާން ފަށާށެވެ.

ކަސްރަތު ކުރުމުން ހަށިގަނޑުގައި ހުންނަ ޓެސްޓޯސްޓިއަރޯން ގެ މިންވަރު އިތުރުކޮށްދެއެވެ. މިކަމުން ދަރިފަނި އުފެއްދުމަށް އެހީވެދެއެވެ. އެހެންނަމަވެސް، ހައްދުފަހަނައަޅާ ވަރަށް ކަސްރަތުކުރުމުން ވިޓަމިންސް އާއި ރައްކާކުރެވިފައި ހުންނަ ހޯމޯންތައް ހުސްކޮށްލައެވެ. މީގެ އިތުރަށް، ބައިސްކަލް ދުއްވުމުގައި ނުވަތަ ކަސްރަތު ކުލާސްތަކުގައި ހުންނަ ސްޕައިނިންގ ބައިސްކަލް ދުއްވުމުގައި ގިނަވަގުތު ހޭދަކުރުމަކީ އުރަވަޅިއަށް ބާރުބޮޑުވާނެ ކަމެކެވެ. އެހެންކަމުން މި ބުނި ކަންކަން ކުރުމުގައި ދޭތެރެއަކުން ހުސްވަގުތުކޮޅެއް ނަގާށެވެ.

4- އަންނާރު ކެއުން އިތުރުކޮށްލާށެވެ.

ހޯމޯންގެ ބާރުގަދަކޮށްދިނުމަށް ޓެސްޓޯސްޓިއަރޯން ބޭނުންކުރުމުގެ ބަދަލުގައި، އަންނާރު ކާންފަށާށެވެ. އަންނާރު އޮށަކީ ޓެސްޓޯސްޓިއަރޯންގެ ބަދަލުގައި ބޭނުންކުރުމަށް ވަރަށް އެކަށޭނަ އެއްޗެކެވެ. ސަބަބަކީ އަންނާރު އޮށަކީ ޤުދުރަތީ އެރޮމަޓޭސް އިންހިބިޓަރ އެކެވެ. މިއީ ޓެސްޓޯސްޓިއަރޯން، އީސްޓްރޯޖެން އަށް ބަދަލުވުން ހުއްޓުވައިދޭ އެއްޗެކެވެ.

5- ހާސްކަން ފިލުވައިލާށެވެ.

ހާސްކަމާއި ކަންބޮޑުވުމުގައި މާގިނައިން އުޅޭ އަދި ފުރިހަމައަށް ނިދި ނުލިބޭނަމަ އެޑްރީނަލް ގްލޭންޑު އޭގެ އަގު އަދާކުރުމަށް މަޖުބޫރުވެދާނެއެވެ. މިއީވެސް ދަރިފަނި އުފެއްދުމަށް އަސަރުފޯރުވައިދޭ ކަމެކެވެ. އެހެންކަމުން، ހަށިހެޔޮ ކޮށްލުމަށް (ރިލެކްސް ކޮށްލުމަށް) ވަގުތު ހޯދާށެވެ. އިތުރު އެއްގަޑިއިރު ނިދާލާށެވެ. ބައިވެރިޔާ އަދި ރައްޓެހިންނާއި އެކުގައި މަޖާ ވަގުތުތަކެއް ހޭދަކުރާށެވެ.

6- ފިރިހެން ހައްޓާއި އުރަވަޅިއަށް ދޫކަމާއި މިނިވަންކަން ދޭށެވެ.

ޖަނގިޔާ ލާ މީހެއްނަމަ، ދޫ އަދި އުއި (ކޮޓަން) ފޮތީގެ ޖަނގިޔާ ލާން ފަށާށެވެ. ނުވަތަ ޖަނގިޔާ ލުން ހުއްޓާލައި ސޯޓް ބޮކްސާ ފަދަ އެހެން ގޮތެއް އިޚްތިޔާރުކުރާށެވެ. އޭރުންވެސް ދަރިފަނި އުފެދޭ ނިސްބަތް އިރުކޮށްދޭނެ އެވެ.

މަސްދަރު: މެސްމަރައިޒިންވޯރޑްސް ޑޮޓް ކޮމް

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: