އާފަލް އަޅައިގެން ތަފާތު ގޮތަކަށް ތައްޔާރުކޮށްފައިވާ ކުކުޅަކީ ހަމަ ގައިމުވެސް ވަރަށް މީރުވާނެ ޑިޝްއަކަށް ވާނެއެވެ. އެހެންކަމުން މިއަދު މި ގެނެސްދެނީ ފްރައި ޗިކަން އެޕަލްސް ތައްޔާރުކުރާނެ ގޮތެވެ.

ބޭނުންވާނެ ތަކެތި:

300 ގްރާމް ކުކުޅު ކުދިކުދިކޮށް ކޮށާފައި

01 ފިޔާ

01 އާފަލް

1 ސައިސަމުސާ ސޯޔާ ސޯސް

2 ސައިސަމުސާ ޒައިތޫނި ތެޔޮ

1 ސައިސަމުސާ ސަންފްލާވަރ ތެޔޮ

ރަހަލާވަރަށް ލޮނު

ރަހަލާވަރަށް މުގުރި އަސޭމިރުސް

ތައްޔާރުކުރާނޭ ގޮތް:

1- ކޮށާފައިހުރި ކުކުޅު ކޮޅު ޒައިތޫނި ތެލާއި ސޯޔާ ސޯސް ގެ ތެރެއަށް އަޅައި މަރިނޭޑް ކޮށްލާށެވެ.

2- ކިޔުބު ތަކަކަށް ވާގޮތަށް އާފަލް ކޮށާލާށެވެ. ފިޔާ ކޮށާނީ ތުނިތުނި ބޮޅުތަކެއް ގޮތަށެވެ. ސަންފްލާވަރ ތެލުގައި ފިޔާ ކޮޅު ރަތްކޮށްލާށެވެ.

3- މަރިނޭޑް ކޮށްފައިވާ ކުކުޅު ކޮޅު ފިޔާކޮޅާއި އެއްކޮށްލައި ގަދަ ގިނީގައި ތެލުލާށެވެ. ރަނގަޅަށް ހަލުވަން ހަނދާންކުރަންވާނެ އެވެ.

4- ގިނި މަޑުކޮށްލުމަށްފަހު އާފަލުކޮޅާއި އަސޭމިރުސް އެޅުމަށްފަހު ފިޔޮން ނުވަތަ ސަރަފޯސް ޖަހައިގެން 7-10 މިނެޓާއިދެމެދުގެ ވަގުތެއްގައި މަޑުގިނީގައި ކައްކާށެވެ.

5- މިއީ ރޮށްޓާއި އެކު ނުވަތަ ބަތާއި އެކު ކެއުމަށް ވަރަށް އެކަށީގެންވާ މީރު ޑިޝްއެކެވެ.

ތަފާތު ގޮތަކަށް މި ރަހަފަތަށް ޑިޝް އެއް ތައްޔާރުކޮށްލުމަށް ތިރީގައިވާ ޔޫޓިއުބް ވީޑިއޯ ބައްލަވާލައްވާށެވެ.

ލިޔުންތެރިޔާގެ ފުރަމަލަ

މަރިޔަމް ދީމާ
ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.

ގުޅުންހުރި ލިޔުން: